ஏறெடுத்து பார்க்க நாதி இல்லே... எகத்தாளத்துல கொறச்சலே இல்ல... தினகரன் மீது அதிமுக பாய்ச்சல்

லோக்சபா தேர்தல் கூட்டணி தொடர்பாக அமமுக துணைப் பொதுச்செயலர் தினகரனை கடுமையாக சாடியுள்ளது அதிமுகவின் அதிகாரப்பூர்வ நாளேடான நமது அம்மா.

ஏறெடுத்து பார்க்க நாதி இல்லே... எகத்தாளத்துல கொறச்சலே இல்ல... என்ற தலைப்பில் நமது அம்மா நாளேட்டில் எழுதப்பட்டுள்ளதாவது:

எங்களோட ஐந்து கட்சிகள் அந்தரங்கப் பேச்சுவார்த்தை நடத்திக் கொண்டிருக்கிறார்கள்- திகார்கரன்

இதோ பார்றா.. யாரு அந்த ஐந்து கட்சிகள்...? பெஃரா முன்னேற்றக் கழகமா? அந்நிய செலாவணி மோசடி கட்சியா? இல்லை கையூட்டு முன்னேற்றப் பேரவையா? இல்லை பெங்களூரு பரப்பன அக்ரஹார தியாகிகள் சங்கமா? இல்லை திகார் முன்னேற்றக் கட்சியா?

ஏன்னா மக்களின் அபிமானம் பெற்ற எந்த தேசியக் கட்சியும் உங்களை ஏறெடுத்து பார்க்க மாட்டங்க... திமுகவோடு நீங்க திரைமறைவில் டீல் போட்டிருப்பீங்களே தவிர, வெளிப்படையா கூட்டு வச்சா உங்களின் ஒரிஜனல் கோர முகத்தைப் புரிந்து கொண்டு எஞ்சியிருக்கும் சொற்ப எண்ணிக்கையிலான ஆட்களும் எகிறிவிடுவார்கள்.

மேலும் ஆர்.கே.நகரின் அவமானம் என்று உங்களை காறித்துப்பிய கமலஹாசனும் உங்களோடு கூட்டுவைக்க முடியாது. உங்கள ஆதரிக்க நினைச்ச முக்குலத்தோர் கூலிப்படையும் உங்களின் முகமூடியை புரிஞ்சிகிட்டு திரும்பிட்டாங்க...

எஞ்சியிருக்கிறது தமிழ்ர முன்னேற்றப் படை வீரலட்சுமி, வாழ்வுரிமைக் கட்சி வேல்முருகன், நாம் டம்ளர் சீமான் இவர்கள்தான்..

சுயமரியாதையை வெகுவாக விரும்புகிற இந்த கட்சிகளும் மிடாஸ்கோல்டன் மதுபான ஆலை நடத்தும், ஆமமூக்கன் கட்சி அதிபரோடு ஒத்துப் போக முடியாது.. அப்படி இருக்க அந்த ஐந்து கட்சி எது?

ஆனாலும் மிஸ்டர் டோக்கன் ஏறெடுத்து பார்க்க்க நாதி இல்லாட்டியும் உங்க எகத்தாளத்துக்கு கொறச்சல் இல்ல போங்க..

இவ்வாறு நமது அம்மா நாளேட்டில் எழுதப்பட்டுள்ளது.

You'r reading ஏறெடுத்து பார்க்க நாதி இல்லே... எகத்தாளத்துல கொறச்சலே இல்ல... தினகரன் மீது அதிமுக பாய்ச்சல் Originally posted on The Subeditor Tamil