தப்பு தப்பா பேசக்கூடாது.. நானும் பல விஷயங்களை பேசுவேன்...! தினகரனை எச்சரிக்கும் தங்க.தமிழ்ச்செல்வன்

by Nagaraj, Jun 26, 2019, 09:29 AM IST

தம்மைப் பற்றி டிடிவி தினகரன் தவறாக பேசுவதாகவும், அது தொடர்ந்தால் தானும் பல்வேறு உண்மைகளை போட்டுடைப்பேன் என்று தங்க தமிழ்ச்செல்வன் பகிரங்கமாக எச்சரிக்கை விடுத்துள்ளார்.


அமமுகவில் டிடிவி தினகரனுக்கும், தங்க. தமிழ்ச்செல்வனுக்கும் இடையேயான மோதல் பகிரங்கமாக வெடித்துள்ளது. தினகரனை படு மோசமான வார்த்தைகளால் தங்க. தமிழ்ச்செல்வன் விமர்சித்த ஆடியோ வெளியாகி பரபரப்பை ஏற்படுத்திவிட்டது.

இந்த ஆடியோ பேச்சு வெளியானதைத் தொடர்ந்து, செய்தியாளர்களைச் சந்தித்த தினகரன், தங்க .தமிழ்ச்செல்வன் மீது பல்வேறு குற்றச்சாட்டுகளை கூறியிருந்தார். ஏற்கனவே தங்க .தமிழ்ச்செல்வனை எச்சரித்ததாகவும், கட்சிப் பதவியை பறிக்கப்போவதாகவும் கூறி விட்டதாகவும் தினகரன் கூறியிருந்தார். மேலும் தங்க தமிழ்ச்செல்வன், தமக்கு எதிராக விஸ்வரூபமெல்லாம் எடுக்க முடியாது என்னைக் கண்டால் பெட்டிப் பாம்பாக அடங்கி விடுவார் என்று தினகரன் கிண்டலாக கூறியிருந்தார். அத்துடன் அவரை கட்சியிலிருந்து நீக்க எந்த அச்சமோ, தயக்கமோ இல்லை என்றாலும், தானாக போகட்டும் என்று அமைதி காத்ததாகவும் கூறிய தினகரன், தங்க தமிழ்ச்செல்வன் ஒரு முடிவு எடுத்து விட்டார். என்னை தாக்கி பேசும் படி அவரை யாரோ இயக்குகிறார்கள் என்றெல்லாம் தினகரன் குற்றம் சாட்டியிருந்தார்.


இந்நிலையில் ஆடியோ வெளியான பின் நேற்று முழுவதும் செல்போனை ஸ்விட்ச் ஆப் செய்து விட்டு ஊடகங்களின் பார்வையிலும் படாமல் இருந்த தங்க. தமிழ்ச்செல்வன், இன்று சில ஊடகங்களுக்கு பேட்டியளித்துள்ளார். அதில், தினகரன் என்னைப் பற்றி தவறாக பேசுகிறார். இது போன்று பேசுவது ஒரு கட்சியின் தலைமைக்கு அழகல்ல. என்னை பின்னால் இருந்து யாரும் இயக்கவில்லை. யார் சொல்லியும் நான் பேசவுமில்லை. நான் வளர்ந்து வருவதைப் பிடிக்காமல் என் மீது பொறாமையில் கூட இப்படி தினகரன் பேசலாம்.

நான் உண்மையை பேசியதாலேயே என்னை ஊடகங்களும் பெரிதுபடுத்தின. நான் இன்னும் அமைதியாக இருப்பேன். ஆனால் என்னை சீண்டினால் நானும் பல விஷயங்களை போட்டுடைப்பேன். கூவத்தூர், புதுச்சேரி,கர்நாடகா ரிசார்ட்டுகளில் எங்களை அடைத்து வைத்தது ஏன்? என்பதையெல்லாம் கூற வேண்டியிருக்கும் என்று தங்க. தமிழ்ச்செல்வன் பதிலடி கொடுத்துள்ளார். இதனால் டிடிவி தினகரனுக்கும் தங்க தமிழ்ச்செல்வனுக்கும் இடையிலான மோதல் இன்னும் வெடித்து, மேலும் பல ரகசியங்கள் அம்பலமானாலும் ஆச்சர்யப்படுவதற்கில்லை.

போனா போகட்டுமே..! நீக்கம் என்ற அறிவிப்புக்கு வேலையிருக்காதுல்ல..! தினகரன் அசால்ட் பதில்


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST