தினகரன் ஒன் மேன் ஆர்மி ... அமமுக கூடாரம் காலியாகிவிடும்... தங்க.தமிழ்ச்செல்வன் தடாலடி

by Nagaraj, Jun 26, 2019, 12:49 PM IST

கட்சியில் டிடிவி தினகரன் ஒன் மேன் ஆர்மி போல் செயல்படுகிறார். இதனால் எஞ்சியவர்களும் அவரை விட்டு விலகி அமமுக கூடாரமே காலியாகிவிடும் என தங்க தமிழ்ச்செல்வன் தெரிவித்துள்ளார்.


டிடிவி தினகரனை கன்னாபின்னாவென தரக்குறைவாக தங்க தமிழ்ச்செல்வன் பேசிய ஆடியோ வெளியாகி இருவருக்குமிடையே விரிசல் ஆகிவிட்டது. இதனால் இனிமேல் அமமுகவில் தங்க தமிழ்ச்செல்வனுக்கு இடமில்லை என்றாகிவிட்டது. தங்க தமிழ்ச்செல்வன் பற்றி விமர்சித்திருந்த தினகரன், அவர் வேறு கட்சிக்கு போவதற்கு தயாராகி விட்டதால், யாரோ சொல்லித்தான் இப்படி பேசுகிறார். என்னைப் பார்த்தால் பெட்டிப் பாம்பாக அடங்கிவிடக்கூடியவர் என்றெல்லாம் தினகரன் விமர்சித்திருந்தார்.

இந்நிலையில் சர்ச்சை ஆடியோ வெளியான பின் நேற்று முழுவதும் தொடர்பு எல்லைக்கு அப்பால் இருந்த தங்க. தமிழ்ச்செல்வன் இன்று வெளியில் தலை காட்டினார்.சென்னை செல்வதற்காக மதுரை வந்த தங்க .தமிழ்ச்செல்வன் செய்தியாளர்களை சந்தித்த போது கூறியதாவது:


அமமுக தொடங்கியது முதலே தினகரனுடன் கருத்து வேறுபாடு இருந்து வந்தது. பிறருடனான தனிப்பட்ட சந்திப்புகளை எல்லாம் வீடியோ, ஆடியோவாக வெளியிட்டு அம்பலப்படுத்துவது எல்லாம் நல்ல பண்பாடே கிடையாது. ஆனால்,ஓ.பன்னீர்செல்வம், பொன்.ராதாகிருஷ்ணன், விஜயபாஸ்கர் போன்றோருடன் நடந்த சந்திப்பை தினகரன் வெளியில் சொன்னது நாகரீகம் இல்லாதது.


நாங்கள் 18 எம்எல்ஏக்கள் இல்லையென்றால் தினகரனே இல்லை என்றாகி இருக்கும். அவரிடம் பெட்டிப் பாம்பாக அடங்குவதற்கு சம்பளம் வாங்கி கொண்டா கட்சியில் இருக்கிறேன்? அமமுகவில் நிர்வாகம் மொத்தமாக சரியில்லை.இன்மேல் தினகரனுடன் மீண்டும் இணைந்து செயல்பட வாய்ப்பே இல்லை.
தினகரன், 'ஒன் மேன் ஆர்மி'யாக தன்னை நினைத்து செயல்படுவதால், பலர் வெளியே வந்துவிட்டனர். எஞ்சியவர்களும் விரைவில் வெளியேறி அந்தக் கட்சியின் கூடாரமே காலியாகி விடும் என்றார் தங்க. தமிழ்ச்செல்வன்.

போனா போகட்டுமே..! நீக்கம் என்ற அறிவிப்புக்கு வேலையிருக்காதுல்ல..! தினகரன் அசால்ட் பதில்


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST