தலைமை நீதிபதி மாற்றத்திற்கு எதிர்ப்பு : ஒரு லட்சம் வக்கீல்கள் போராட்டம்.. ஜனாதிபதியிடம் மனு அளிக்க முடிவு

தலைமை நீதிபதி தஹில் ரமானியை மாற்றியதற்கு எதிர்ப்பு தெரிவித்து தமிழகத்தில் ஒரு லட்சம் வக்கீல்கள், நீதிமன்றங்களை புறக்கணித்து போராட்டம் நடத்தினர்.

சென்னை ஐகோர்ட் தலைமை நீதிபதி தஹில் ரமானியை மேகாலயா ஐகோர்ட்டுக்கும், அங்குள்ள தலைமை நீதிபதி மிட்டலை சென்னை ஐகோர்ட்டுக்கும் பணியிட மாற்றம் செய்து சுப்ரீம் கோர்ட் கொலிஜியம் கடந்த மாதம் உத்தரவு பிறப்பித்தது.

சார்ட்டர்டு ஐகோர்ட்டான சென்னை ஐகோர்ட்டில் இருந்து மிகச் சிறிய ஐகோர்ட்டான மேகாலயா ஐகோர்ட்டுக்கு தன்னை மாற்றுவதை தஹில் ரமானி, அவமானமாக கருதினார். தன் மீது எந்த குற்றச்சாட்டும் இல்லாத நிலையில், இப்படி மாற்றக் கூடாது என்று குறிப்பிட்டு, மாறுதல் உத்தரவை மறுபரிசீலனை செய்யுமாறு கொலிஜியத்திற்கு வேண்டுகோள் அனுப்பினார். ஆனால், அதை சுப்ரீம் கோர்ட் கொலிஜியம் நிராகரித்தது. இதையடுத்து, தஹில் ரமானி தனது பதவியை ராஜினாமா செய்து, ஜனாதிபதிக்கும், சுப்ரீம் கோர்ட் தலைமை நீதிபதிக்கும் கடிதம் அனுப்பியுள்ளார். அவரது ராஜினாமாவை சுப்ரீம் கோர்ட் ஏற்றதா என தெரியவில்லை.

இதற்கிடையே, இப்பிரச்னை குறித்து சென்னை ஐகோர்ட் வழக்கறிஞர்கள் சங்கத்தின் பொதுக்குழு கூடி விவாதித்தது. அதில், ஒரு நாள் நீதிமன்ற புறக்கணிப்பு போராட்டம் நடத்த தீர்மானிக்கப்பட்டது. இதன்படி, இன்று சென்னை ஐகோர்ட்டில் வக்கீல்கள், நீதிமன்றங்களை புறக்கணித்து ஆர்ப்பாட்டங்களில் ஈடுபட்டனர். கொலிஜியத்தின் உத்தரவுக்கு எதிர்ப்பு தெரிவித்தும், தலைமை நீதிபதி மாற்றத்தை ரத்து செய்ய வலியுறுத்தியும் கோஷங்கள் எழுப்பினர்.

சென்னை ஐகோர்ட் வக்கீல்கள் சங்கத் தலைவர் மோகனகிருஷ்ணன் கூறுகையில், தமிழகம் முழுவதும் ஒரு லட்சம் வக்கீல்கள், நீதிமன்றப் புறக்கணிப்பு செய்துள்ளனர். தலைமை நீதிபதி மாற்றத்தை ரத்து செய்ய வேண்டுமென வலியுறுத்தி, ஜனாதிபதியிடமும், சுப்ரீம் கோர்ட் தலைமை நீதிபதியிடமும் மனு அளிக்க முடிவு செய்திருக்கிறோம் என்றார்.

எங்களுடைய தமிழ் செய்திகளை உங்கள் மெயில் இன்பாக்சில் பெறுவதற்கு இங்கே உங்கள் மெயில் ஐடியை பதிவு செய்யவும் : Tamil news RSS

OR You can install Google News on Android or iOS, and then access our edition https://news.google.com/publications/CAAqBwgKMP_rkQsw3YOnAw?oc=3&ceid=IN:ta through the app.

Advertisement
மேலும் செய்திகள்
in-nankuneri-congress-will-contest-and-dmk-contest-in-vikiravandi-by-election
விக்கிரவாண்டியில் திமுக.. நாங்குனேரியில் காங்கிரஸ்..
edappadi-not-helped-vijay-his-mersal-film-could-not-been-released-says-kadampur-raju
எடப்பாடி உதவி செய்யாவிட்டால் மெர்சல் படம் ரிலீஸ் ஆகியிருக்காது.. விஜய்க்கு அமைச்சர் பதிலடி..
actress-bhanupriya-charged-for-physical-harassment-of-minor-girl
சிறுமியை துன்புறுத்தியதாக பானுப்பிரியா மீது வழக்கு..
tamilnadu-muslim-leaque-request-govt-to-withdraw-the-g-o-banning-appointment-of-teachers-in-minority-institutions
சிறுபான்மை கல்வி நிறுவனங்களில் புதிய ஆசிரியர்களை நியமிக்க தடை.. மறுபரிசீலனைக்கு முஸ்லீம்லீக் கோரிக்கை..
nampikkai-trust-conducted-free-sugar-test-medical-camp-in-viruthunagar
நம்பிக்கை அறக்கட்டளை நடத்திய சர்க்கரை நோய் மருத்துவ முகாம்..
first-dmk-general-council-meet-after-stalin-assumed-as-party-president-on-oct-6-in-chennai-ymca-ground
திமுக பொதுக்குழு அக்.6ல் கூடுகிறது.. உள்ளாட்சித் தேர்தல் குறித்து ஆலோசனை
heavy-rain-and-lethargic-work-of-corporation-affects-chennai-peoples-normal-life
சென்னையில் கனமழை.. மாநகராட்சி மந்தம்..
no-school-leave-for-heavy-rain-in-chennai
விடிய விடிய கனமழை.. ஆனால் பள்ளிகளுக்கு இன்று விடுமுறை இல்லை!
will-rajini-speak-in-karnataka-about-common-lanquage-dmk-questions
கர்நாடகாவுக்கு போய் ரஜினி கருத்து சொல்வாரா? திமுக எழுப்பிய கேள்வி..
no-more-banner-culture-mkstalin-said
பேனர் கலாச்சாரமே இனி இருக்கக் கூடாது.. ஸ்டாலின் பேட்டி
Tag Clouds