மோடி - ஜின்பிங்க் விருந்தில் நடிகர் ரஜினியும் பங்கேற்பு.. மத்திய அரசு அழைப்பு விடுத்தது..

by எஸ். எம். கணபதி, Oct 10, 2019, 15:20 PM IST

பிரதமர் மோடி- சீன அதிபர் ஜின்பிங்க் விருந்தில் பங்கேற்க நடிகர் ரஜினிகாந்த்திற்கு மத்திய அரசு அழைப்பு விடுத்துள்ளது.

பிரதமர் மோடி - சீன அதிபர் ஷி ஜின்பிங்க்கின் வரலாற்று சந்திப்பு நாளை(அக்.11) மாமல்லபுரத்தில் நடைபெற உள்ளது. நாளை பகல் 1.30 மணிக்கு சீன அதிபர் ஜின்பிங்க், சென்னை விமான நிலையத்திற்கு வந்து சேருகிறார். விமான நிலையத்திலேயே அவருக்கு பாரம்பரியமான முறையில் வரவேற்பு அளிக்கப்படுகிறது. அங்கிருந்து பகல் 1.55 மணிக்கு, கிண்டியில் உள்ள தாஜ் ஓட்டலுக்கு செல்கிறர். அங்கு மதிய உணவு சாப்பிட்டு ஓய்வு எடுக்கிறார். மாலை 4.10 மணிக்கு ஜின்பிங், காரில் மாமல்லபுரம் புறப்படுகிறார். மாலை 5 மணிக்கு மாமல்லபுரம் வந்து சேரும் ஜின்பிங்க்கை அர்ஜுனன் தபசு பகுதியில் பிரதமர் மோடி வரவேற்கவுள்ளார்.

அர்ஜுனன் தபசு பகுதியில் பார்வையிடும் ஜின்பிங்க்கிடம் பிரதமர் மோடி, மாமல்லபுரத்தின் சிறப்புகள் குறித்து விளக்குவார். அடுத்து, வெண்ணை திரட்டி பாறைக்கு நடந்து செல்கின்றனர். அடுத்து ஐந்து ரதம் பகுதியை பார்வையிட்டு விட்டு, கடற்கரை கோயிலை வந்தடைகின்றனர். அங்கு கலாஷேத்ரா சார்பில் கலை நிகழ்ச்சிகள் நடத்தப்படுகின்றன.

கடற்கரை கோயிலின் புல்தரையில் அமர்ந்து இரு தலைவர்களும் உரையாடுகின்றனர். இரவு 8 மணிக்கு அங்கேயே சாப்பிடுகின்றனர். இதையடுத்து, சென்னை ஓட்டலுக்கு திரும்பி செல்கின்றனர். நாளை மறுநாள் காலை 9.40 மணிக்கு மாமல்லபுரத்தில் உள்ள ஒரு ஓய்வு விடுதிக்கு பிரதமர் மோடியும், சீன அதிபரும் செல்கின்றனர். அங்கு இருதரப்பு அதிகாரிகளும் கலந்து கொள்ளும் பேச்சுவார்த்தை நடைபெறுகிறது. அங்கேயே மதிய உணவு சாப்பிட்டு விட்டு, சென்னை திரும்புகின்றனர். பின்னர், சீன அதிபர் ஜின்பிங்க் சீனாவுக்கு புறப்பட்டு செல்கிறார்.

இதற்கிடையே, மாமல்லபுரத்தில் நடைபெறும் கலைநிகழ்ச்சிகளை காண்பதற்கு நடிகர் ரஜினிகாந்த்துக்கு மத்திய அரசின் சார்பில் அழைப்பு விடுக்கப்பட்டுள்ளது. நாளை மாலை 6 மணிக்கு கடற்கரை கோவிலில் கலை நிகழ்ச்சிகள் நடைபெற உள்ளது. பிரதமர் மோடி, சீன அதிபர் ஜின்பிங் சேர்ந்து அமர்ந்து கலை நிகழ்ச்சிகளை கண்டு களிக்கும் நிகழ்ச்சிக்குத்தான் ரஜினியை அழைத்துள்ளனர். மேலும், சீன அதிபருக்கு மத்திய அரசு சார்பில் அளிக்கப்படும் விருந்தில் பங்கேற்கவும் ரஜினிக்கு அழைப்பு விடுக்கப்பட்டுள்ளது.


Speed News

  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST
  • ஒரு லட்சத்து 6,750 பேருக்கு

    கொரோனா பரவியது..

    நாடு முழுவதும் கொரோனா பாதித்தவர்களின் எண்ணிக்கை ஒரு லட்சத்து  1,139 பேரில் இருந்து  ஒரு லட்சத்து 6,750 பேராக அதிகரித்துள்ளது. குணமடைந்தவர்களின் எண்ணிக்கை 39,174ல் இருந்து 41,298 ஆக அதிகரித்து்ள்ளது. கொரோனாவால் பலியானவர்களின் எண்ணிக்கை  3,163ல் இருந்து 3,303 ஆக உயர்ந்துள்ளது.

    May 20, 2020, 13:42 PM IST
  • மகாராஷ்டிராவில் கொரோனாவுக்கு

    1325 பேர் உயிரிழப்பு

    நாட்டிலேயே மகாராஷ்டிராவில்தான் மிகவும் அதிகமானோருககு கொரோனா பரவியிருக்கிறது. இது வரை 37,136 பேருக்கு கொரோனா தொற்று கண்டறியப்பட்டிருக்கிறது. இதில் 1325 பேர் சிகிச்சை பலனின்றி உயிரிழந்துள்ளனர். காவல்துறையில் மட்டும் 1388 பேருக்கு கொரோனா பரவியிருக்கிறது. இதில் 428 பேர் குணமடைந்துள்ளனர். 12 பேர் பலியாகியுள்ளனர். 

    May 20, 2020, 13:37 PM IST