சேலத்தில் எடப்பாடியுடன் அ.ம.மு.க. புகழேந்தி சந்திப்பு.. அதிமுகவில் சேருகிறாரா?

by எஸ். எம். கணபதி, Oct 25, 2019, 13:49 PM IST

அ.ம.மு.க.வில் அதிருப்தியடைந்து தினகரனிடம் ஒதுங்கியிருக்கும் பெங்களூரு புகழேந்தி, சேலத்தில் முதலமைச்சர் எடப்பாடி பழனிச்சாமியை சந்தித்து பேசினார்.

முதலமைச்சர் எடப்பாடி பழனிச்சாமி தற்போது சேலத்தில் முகாமிட்டிருக்கிறார். அவரை அவரது இல்லத்தில் பெங்களூரு புகழேந்தி சந்தித்து பேசினார். அ.ம.மு.க.வில் இருந்து நீக்கப்பட்டவர்களை சந்தித்து, டி.டி.வி. தினகரன் மீதான தனது அதிருப்தியை அவர்களுடன் புகழேந்தி பேசிய வீடியோ சமீபத்தில் வெளியானது. அதிலிருந்து தினகரன் மீது குற்றச்சாட்டுகள் கூறி விட்டு ஒதுங்கியிருக்கிறார். ஆனாலும், அவரை கட்சியில் இருந்து தினகரனும் நீக்கவில்லை.

இந்நிலையில், முதலமைச்சரை சந்தித்த பின்பு, செய்தியாளர்களிடம் புகழேந்தி கூறியதாவது:

சேலத்தில் எனது மாமியார் வீடு இருக்கிறது. இங்கு வந்திருந்த சமயத்தில் முதலமைச்சரைப் பார்த்து இடைத்தேர்தலில் 50 ஆயிரம் வாக்குகள் வித்தியாசத்தில் வெற்றி பெற்றதற்காக வாழ்த்து தெரிவித்தேன். முதலமைச்சர் எனது நீண்ட கால நண்பர். அந்த முறையில் சந்தித்தேன். நான் அதிமுகவில் சேரவில்லை. அப்படி சேருவதாக இருந்தால், உங்களிடம் சொல்லி விட்ட சேருவேன்.

சசிகலா சிறைக்கு போகும் முன்பு, 2 பேரிடம் பொறுப்புகளை ஒப்படைத்தார். எடப்பாடி பழனிச்சாமியிடம் ஆட்சி அதிகாரத்தை ஒப்படைத்தார். அவர் அதை சிறப்பாக செய்து வீறு நடை போட்டு சரித்திரம் படைத்து விட்டார். இன்னொருவரிடம் துணை பொதுச் செயலாளர் பதவியை அளித்தார். அந்தப் பதவி இப்போது எப்படி இருக்கிறது? நான் அவர்(தினகரன்) பெயரைக் கூட சொல்ல மாட்டேன். அவர் என் பெயரைக் கூட சொல்ல நேரமில்ைல என்று சொன்னாரே, அதே போல்தான் எனக்கும் நேரமில்லை. நாங்கள் அவர் பின்னால் கொடிபிடித்து அலைந்தோம். அவர் நன்றி மறந்து விட்டார்.

இவ்வாறு புகழேந்தி கூறினார்.


Speed News

  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST