அண்டி பிழைக்கும்.. . அரசகுமார் மீது பாஜக கடும் பாய்ச்சல்

by எஸ். எம். கணபதி, Dec 2, 2019, 18:16 PM IST

யாரையும் புகழ்ந்து பேசி அண்டி பிழைக்கும் நிலை உண்மையான பாஜக தொண்டனுக்கு இல்லை என்று ஸ்டாலினை புகழ்ந்த பி.டி.அரசகுமாரை பாஜக மறைமுகமாக விமர்சித்துள்ளது.

புதுக்கோட்டையில் நேற்று(டிச.1) திமுக பிரமுகர் பெரியண்ணன் இல்லத் திருமண விழா நடந்தது. திமுக தலைவர் ஸ்டாலின் தலைமை தாங்கி, திருமணத்தை நடத்தி வைத்தார். இதில், பா.ஜ.க. மாநில துணை தலைவர் பி.டி.அரசக்குமார் கலந்து கொண்டு பேசும் போது, உள்ளாட்சிகளில் நல்லாட்சி கொடுத்து நாயகனாக வீற்றிருக்கும் என்றைக்கும் எங்களுக்கும் நிரந்த தலைவராக உள்ள அன்புத் தளபதியே... என்று ஸ்டாலினை புகழ்ந்தார்.

மேலும், எம்.ஜி.ஆருக்கு அடுத்து நான் ரசிக்கும் தலைவர் மு.க. ஸ்டாலின். அவர் நினைத்தால் கூவத்தூர் சம்பவத்தின்போதே முதல்வராகி இருக்க முடியும். ஆனால் அவர் ஜனநாயகத்திற்காக அமைதியாக இருந்தார். ஸ்டாலின் முதலமைச்சராகும் காலம் கட்டாயம் வரும் என பேசினார்.

இது சமூக ஊடகங்களில் வைரலாக பரவியது. மேலும், அடுத்த முதல்வர் ஸ்டாலின்தான் என்பது பாஜகவினருக்கே தெரிந்து விட்டது என்று திமுகவினர் பேசினர். இதைத் தொடர்ந்து, பாஜக துணை தலைவர் பி.டி.அரசகுமார் நேற்றிரவே அவசரமாக மறுப்பு அறிக்கை வெளியிட்டார். அதில், நான் யதார்த்தமான முறையில் ஜனநாயக முறையில் திமுக தலைவர் முதலமைச்சராக வேண்டும் என்று விரும்புகிறார் என்றேன். இதில் ஏதும் பாஜகவின் குரலாகவோ, பாஜகவின் வார்த்தைகளால் நான் வெளியிடவில்லை.

பாஜகவின் துணைத் தலைவராக நான் இருக்கும் போது, எப்படி திமுக ஆட்சிக்கு வரவேண்டும் என்று சொல்லுவேன்? என்று சப்பைக்கட்டு கட்டி நீண்ட விளக்கம் கொடுத்தார்.

ஆனாலும், பாஜகவினருக்கு மனம் ஆறவில்லை. எடப்பாடி பழனிசாமி, ஓ.பன்னீர்செல்வம் போன்றவர்களை எளிதில் பாஜக புகழ் பாடவே வைத்து விடலாம். ஆனால், திமுகவையும், ஸ்டாலினையும் தேர்தலில் வீழ்த்துவது கடினம் என்பதால், பாஜகவினர் ஆள் வைத்து ஸ்டாலினை சுடலை என்றும், கைப்புள்ளை என்றும் கேவலப்படுத்தி மீம்ஸ் வெளியிட்டு வருகிறார்கள். அதே போல், ஸ்டாலினை வசைபாடுவதற்காகவே சிலரை வைத்து யூ டியூப் சேனல்களை நடத்தி வருகின்றனர். இந்த நிலையில், ஸ்டாலின் முதல்வராவார் என்று ஒருவர் பேசினாலும், சொந்த கட்சியின் துணை தலைவரே பேசினால் எப்படி பொறுப்பார்கள்?

பாஜகவினர் சமூக ஊடகங்களில் அரசுகுமாரை கரித்து கொட்டினர். மேலும், அவரை கடுமையாக திட்டி தீர்த்தனர். தமிழ்நாடு பாஜக ட்விட்டர் பக்கத்தில், யாரையும் புகழ்ந்து பேசி அண்டி பிழைக்கும் நிலை உண்மையான பாஜக தொண்டனுக்கு இல்லை. ஆண்டிகள் கூடி தேர் இழுத்தாலும் கைப்புள்ளை வேண்டுமானால் சர்வாதிகாரி ஆகலாம். கனவில் கூட என்றும் அரசனாக முடியாது. அன்றும், இன்றும் என்றும் நரேந்திரமோடிதான் கடைக்கோடி தொண்டனுக்கும் இதயதெய்வம் என்று குறிப்பிட்டுள்ளார்கள்.


Speed News

  • சென்னை ராயபுரத்தில்

    3717 பேருக்கு கொரோனா

    தமிழகத்தில் சென்னையில்தான் அதிக அளவில் கொரோனா பாதிப்பு ஏற்பட்டுள்ளது. குறிப்பாக, ராயபுரம் மண்டலத்தில் அதிக அளவாக 3,717 பேருக்கு கொரோனா உறுதி செய்யப்பட்டுள்ளது. அடுத்து, தண்டையார்பேட்டை 2,646, தேனாம்பேட்டை 2,374, கோடம்பாக்கம் 2,323, திரு.வி.க. நகர் 2,073, அண்ணாநகர் 1,864, அடையாறு 1,153, வளசரவாக்கம் 1,043 பேருக்கும்  கொரோனா பாதிப்பு கண்டறியப்பட்டுள்ளது.


     
    Jun 7, 2020, 13:30 PM IST
  • ஜெ.அன்பழகன் உடல்நிலையில்

    ஓரளவு முன்னேற்றம்..

    திமுக மாவட்டச் செயலாளரும், எம்.எல்.ஏ.வுமான ஜெ.அன்பழகனுக்கு கடந்த 2ம் தேதி திடீரென உடல்நலக் குறைவு ஏற்பட்டது. அவர் ரேலா மருத்துவமனையில் சேர்க்கப்பட்டார். அவருக்கு கொரோனா பரிசோதனை செய்ததில், அந்த நோய் பாதிப்பு கண்டறியப்பட்டது. 

    இந்நிலையில், அவருக்கு மூச்சுத்திணறல் ஏற்பட்டதால் வென்டிலேட்டர் பொருத்தப்பட்டது. ஆரம்பத்தில் 80 சதவீதம் வென்டிலேட்டர் உதவியால் மூச்சு விட்ட அன்பழகன், நேற்று 67 சதவீத வென்டிலேட்டர் உதவியுடன் சுவாசித்தார். இந்நிலையில், அவருக்கு சுவாசிப்பதற்கு வெறும் 29 சதவீத அளவே வென்டிலேட்டர் உதவி தேவைப்படுவதாகவும், அவரது உடல்நிலையில் ஓரளவு முன்னேற்றம் ஏற்பட்டுள்ளதாகவும் மருத்துவமனை நிர்வாகம் இன்று தெரிவித்துள்ளது. 

    Jun 7, 2020, 13:24 PM IST
  • மகாராஷ்டிராவில் 
    82,968 பேருக்கு கொரோனா..
     
    மகாராஷ்டிராவில் இது வரை 82,968 பேருக்கு கொரோனா தொற்று உறுதியாகி உள்ளது. இதில், 37,390 பேர் குணம் அடைந்துள்ளனர். கொரோனா பாதிப்புக்கு பலியானவர் எண்ணிக்கை 2,969 ஆக அதிகரித்துள்ளது. நாட்டில் கொரோனா பாதிப்பு மற்றும் பலி எண்ணிக்கையில் மகாராஷ்டிராவே முதல் இடத்தில் உள்ளது.
     
     
    Jun 7, 2020, 13:21 PM IST
  • டெல்லியில் நாளை

    ஓட்டல், கோயில்கள் திறப்பு

    டெல்லியில் நாளை முதல் ஓட்டல்கள், கோயில்கள், வணிக வளாகங்கள் திறக்கப்படும் எ்னறு முதல்வர் அரவிந்த் கெஜ்ரிவால் தெரிவித்துள்ளார். டெல்லியில் கொரோனா ஊரடங்கு கட்டுப்பாடுகள் கடந்த மாதமே தளர்த்தப்பட்டாலும், வெளி மாநிலங்களில் இருந்து இ-பாஸ் பெற்ற வாகனங்கள் மட்டுமே அனுமதிக்கப்பட்டு வந்தன. நாளை முதல் இந்த கட்டுப்பாடும் நீக்கப்படுகிறது. 

    டெல்லியில் கொரோனா பரவல் இன்னும் குறையவில்லை. இது வரை 27,654 பேருக்கு கொரோனா தொற்று பரவியுள்ளது. எனினும், நாளை முதல் டெல்லி இயல்பு வாழ்க்கைக்கு திரும்புகிறது. 

    Jun 7, 2020, 13:17 PM IST
  • டெல்லி குடிகாரர்களுக்கு

    ஒரு நல்ல செய்தி..

    டெல்லியில் கடந்த மாதம் கொரோனா ஊரடங்கு கட்டுப்பாடுகள் தளர்த்தப்பட்ட போது, மதுபானக் கடைகள் திறக்கப்பட்டன. அப்போது மதுபானங்கள் மீது அதிகபட்ச சில்லரை விற்பனை விலையில்(எம்.ஆர்.பி), 70 சதவீதம் கூடுதல் வரி விதிக்கப்பட்டது. கொரோனா தடுப்பு பணிக்கு நிதி சேர்ப்பதற்காக இந்த ‘கொரோனா வரி’ விதிக்கப்பட்டது.

    இந்நிலையில்,  வரும் 10ம் தேதி முதல் இந்த கொரோனா வரி வாபஸ் பெறப்படும் என்று டெல்லி முதல்வர் அரவிந்த் கெஜ்ரிவால் அறிவித்துள்ளார். 

    Jun 7, 2020, 13:10 PM IST