உள்ளாட்சி அமைப்புகளில் தஞ்சை, தூத்துக்குடி, கயத்தாறு மறைமுக தேர்தல் முடிவுகள்.. திமுக பல இடங்களில் வெற்றி.

by எஸ். எம். கணபதி, Jan 11, 2020, 20:24 PM IST

தஞ்சை மாவட்ட ஊராட்சி தலைவராக திமுகவை சேர்ந்த உஷா போட்டியின்றி தேர்வு செய்யப்பட்டுள்ளார். தூத்துக்குடி ஊராட்சி ஒன்றியத் தலைவராக திமுகவின் வசுமதி, கயத்தாறு ஒன்றியத் தலைவராக அ.ம.மு.க.வின் மாணிக்கராஜா உள்ளிட்டோர் தேர்வு செய்யப்பட்டுள்ளனர்.

தமிழகத்தில் புதிதாக பிரிக்கப்பட்ட செங்கல்பட்டு உள்ளிட்ட 9 மாவட்டங்கள் மற்றும் சென்னை தவிர 27 மாவட்டங்களில் ஊரக உள்ளாட்சி தேர்தல் நடைபெற்றது. இதில், திமுக கூட்டணி அதிக இடங்களில் வென்றுள்ளது.

மாவட்ட ஊராட்சி கவுன்சிலர் பதவிகளில் தி.மு.க 243 இடங்களையும், அ.தி.மு.க 214 இடங்களையும் பிடித்துள்ளன. பா.ம.க. 16 இடங்களையும், காங்கிரஸ் 22 இடங்களையும், பா.ஜ.க., இந்திய கம்யூனிஸ்டு கட்சிகள் தலா 7 இடங்களையும், தே.மு.தி.க. 3 இடங்களையும், மார்க்சிஸ்ட் கம்யூனிஸ்டு கட்சி 2 இடங்களையும் வென்றுள்ளன.

இதே போல், மொத்தம் உள்ள 5,090 ஊராட்சி ஒன்றிய கவுன்சிலர் பதவிகளில் தி.மு.க 2,099 இடங்களையும், அ.தி.மு.க 1,781 இடங்களையும் வென்றிருக்கின்றன. பா.ம.க 217, காங்கிரஸ் 131, தே.மு.தி.க. 91, பா.ஜ.க. 85, இந்திய கம்யூனிஸ்ட் 62, மார்க்சிஸ்ட் 33 இடங்களையும் கைப்பற்றியுள்ளன.

இந்நிலையில், 27 மாவட்ட ஊராட்சிகளில் தலைவர் மற்றும் துணைத் தலைவர் பதவிகள், ஊராட்சி ஒன்றிய தலைவர் மற்றும் துணைத்தலைவர் பதவிகள் தலா 314, ஊராட்சி துணைத்தலைவர் பதவிகள் 9,624 ஆகியவற்றுக்கு இன்று மறைமுகத் தேர்தல் நடைபெறவுள்ளது. தேர்ந்தெடுக்கப்பட்ட கவுன்சிலர்கள் ஓட்டு போட்டு இவர்களை தேர்வு செய்வார்கள்.

மாவட்ட ஊராட்சி தலைவர், துணைத்தலைவர் பதவிகளுக்கான மறைமுக தேர்தல், மாவட்ட கலெக்டர் அலுவலகத்தில் உள்ள மாவட்ட ஊரக முகமை வளர்ச்சி அலுவலகத்திலும், ஒன்றிய தலைவர், ஒன்றிய துணைத்தலைவர் பதவிகளுக்கான மறைமுக தேர்தல் அந்தந்த ஒன்றிய அலுவலகங்களிலும், ஊராட்சி துணைத்தலைவர் பதவிகளுக்கான மறைமுக தேர்தல் அந்தந்த ஊராட்சி அலுவலகங்களிலும் நடைபெற்று வருகிறது.

முதல் கட்டமாக, மாவட்ட ஊராட்சி தலைவர், ஒன்றிய தலைவர், ஊராட்சி துணைத்தலைவர் பதவிகளுக்கு காலை 11 மணிக்கு மறைமுக தேர்தல் தொடங்கியது. தஞ்சை மாவட்ட ஊராட்சியில் திமுக 22 கவுன்சிலர்களும், அதிமுக 6 கவுன்சிலர்களும் வென்றுள்ளனர். இதனால், திமுகவைச் சேர்ந்த உஷா போட்டியின்றி தலைவராக தேர்ந்தெடுக்கப்பட்டுள்ளார்.

இதே போல், தூத்துக்குடி ஊராட்சி ஒன்றியத்தில் திமுகவைச் சேர்ந்த வசுமதி அம்பாசேகர், கயத்தாறு ஊராட்சி ஒன்றியத்தில் அ.ம.மு.க. தென்மண்டல செயலாளர் எஸ்.வி.எஸ்.பி.மாணிக்கராஜா ஆகியோரும் தலைவராக தேர்ந்தெடுக்கப்பட்டுள்ளனர். ஸ்ரீவைகுண்டம் ஊராட்சி ஒன்றியத்தில் அதிமுகவின் வசந்தா தலைவராக போட்டியின்றி தேர்வாகியுள்ளார்.

திருச்சி மாவட்டத்தில் பல ஊராட்சி ஒன்றியங்களில் திமுகவே மெஜாரிட்டி கவுன்சிலர்களை வென்றிருக்கிறது. இதனால், அந்த ஒன்றியங்களில் திமுகவினரே தலைவராக போட்டியின்றி தேர்வு செய்யப்பட்டிருக்கிறார்கள்.

தா.பேட்டை ஒன்றியத் தலைவராக திமுகவின் சர்மிளாவும், மண்ணச்சநல்லூர் ஒன்றிய தலைவராக திமுகவின் ஸ்ரீதரும், முசிறி ஒன்றியத் தலைவராக மாலாவும், தொட்டியம் ஒன்றியத் தலைவராக புனிதா ராணியும், மணிகண்டம் ஒன்றியத் தலைவராக கமலா கருப்பையாவும் போட்டியின்றி தேர்வு செய்யப்பட்டுள்ளனர்.
திமுக, அதிமுக கூட்டணிகளில் அந்தந்த ஒன்றியங்களில் மெஜாரிட்டி இடங்களை பெற்ற கட்சியினரே போட்டியின்றி தலைவராக தேர்வாகி வருகின்றனர்.

இழுபறியாக உள்ள பல இடங்களில் கவுன்சிலர்களை இழுக்கும் பணியும், தேர்தலை தள்ளிப் போடும் வேலைகளும் நடக்கின்றன. சிவகங்கை மாவட்டம் திருப்புவனம் ஊராட்சி ஒன்றியக்குழு தலைவர், துணைத்தலைவர் தேர்தலை ரத்து செய்து மாவட்ட ஆட்சியர் ஜெயகாந்தன் உத்தரவிட்டுள்ளார்.

மாவட்ட ஊராட்சி துணைத்தலைவர், ஒன்றிய துணைத்தலைவர் பதவிகளுக்கு பிற்பகல் 3 மணிக்கும் மறைமுக தேர்தல் நடக்கிறது. இந்த தேர்தலில் திமுக, அதிமுக கூட்டணிகளுக்கு இடையே பலத்த போட்டி காணப்படுகிறது. வாக்குப்பதிவு முழுவதையும் வீடியோ எடுக்க மாநில தேர்தல் ஆணையம் உத்தரவிட்டுள்ளது.

READ MORE ABOUT :

Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST