முதல்வரை பாராட்டிய திமுக விவசாய அணி மாநில செயலாளர் நீக்கம்..

by எஸ். எம். கணபதி, Mar 30, 2020, 15:01 PM IST

முதல்வரைப் பாராட்டிய, திமுக மாநில விவசாய அணிச் செயலாளர் கே.பி.ராமலிங்கத்தின் பதவி பறிக்கப்பட்டுள்ளது.


திமுகவில் மூத்த உறுப்பினர்களில் ஒருவரான கே.பி.ராமலிங்கம், நாமக்கல் மாவட்டத்தைச் சேர்ந்தவர். இவர் எம்.ஜி.ஆர். காலத்தில் அதிமுகவில் இருந்தார். எம்.ஜி.ஆர். மறைந்த சமயத்தில் அவரது இறுதி ஊர்வல வாகனத்தில் இருந்து ஜெயலலிதாவைத் தள்ளி விட்டார் என்ற குற்றச்சாட்டுக்கு உள்ளானவர்.
அதிமுகவில் இருந்து திமுகவுக்கு வந்த இவர் திமுகவில் ராஜ்யசபா எம்.பி.யாக இருந்திருக்கிறார். திமுகவில் விவசாய அணி மாநிலச் செயலாளராக இருந்து வந்தார். கடந்த 2006-2011 திமுக ஆட்சிக்காலத்தில் தென்னை விவசாயிகள் நல வாரியத் தலைவராகவும் இருந்துள்ளார். திமுகவில் மு.க.அழகிரியின் ஆதரவாளராக இருந்து வந்த கே.பி.ராமலிங்கம், அழகிரி நீக்கப்பட்ட பிறகு சிறிது நாட்கள் ஒதுங்கியிருந்தார். அதன்பின், ஸ்டாலின் தலைமையை ஏற்று, மாநில விவசாய அணிச் செயலாளர் பொறுப்பில் நீடித்து வந்தார்.

இந்நிலையில், இவர் திடீரென திமுகவுக்கு எதிராகப் பேசத் தொடங்கினார். நேற்று(மார்ச்29) அவர் ஒரு அறிக்கை வெளியிட்டார். அதில், முதல்வர் எடப்பாடி பழனிசாமியைப் பாராட்டியிருந்தார். மேலும், கொரோனா தடுப்பு நடவடிக்கைகள் தொடர்பாக வீடியோ கான்பரன்சில் சர்வ கட்சித் தலைவர்களிடமும் முதல்வர் ஆலோசிக்க வேண்டுமென்று திமுக தலைவர் ஸ்டாலின் கோரியிருந்தார். இந்த கோரிக்கையைத் தேவையற்றது என கே.பி.ராமலிங்கம் கூறியிருந்தார்.இதைத் தொடர்ந்து, கே.பி.ராமலிங்கத்தை விவசாய அணிச் செயலாளர் பொறுப்பில் இருந்து நீக்கி மு.க.ஸ்டாலின் இன்று அறிவிப்பு வெளியிட்டிருக்கிறார். இந்நிலையில், கே.பி.ராமலிங்கம் திமுகவில் மீண்டும் ராஜ்யசபா எம்.பி. பதவி கேட்டதாகவும், அது கிடைக்காததால் அதிமுகவுக்குக் கட்சி தாவத் திட்டமிருப்பதாகவும் பேசப்படுகிறது.


Speed News

  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST
  • ஒரு லட்சத்து 6,750 பேருக்கு

    கொரோனா பரவியது..

    நாடு முழுவதும் கொரோனா பாதித்தவர்களின் எண்ணிக்கை ஒரு லட்சத்து  1,139 பேரில் இருந்து  ஒரு லட்சத்து 6,750 பேராக அதிகரித்துள்ளது. குணமடைந்தவர்களின் எண்ணிக்கை 39,174ல் இருந்து 41,298 ஆக அதிகரித்து்ள்ளது. கொரோனாவால் பலியானவர்களின் எண்ணிக்கை  3,163ல் இருந்து 3,303 ஆக உயர்ந்துள்ளது.

    May 20, 2020, 13:42 PM IST
  • மகாராஷ்டிராவில் கொரோனாவுக்கு

    1325 பேர் உயிரிழப்பு

    நாட்டிலேயே மகாராஷ்டிராவில்தான் மிகவும் அதிகமானோருககு கொரோனா பரவியிருக்கிறது. இது வரை 37,136 பேருக்கு கொரோனா தொற்று கண்டறியப்பட்டிருக்கிறது. இதில் 1325 பேர் சிகிச்சை பலனின்றி உயிரிழந்துள்ளனர். காவல்துறையில் மட்டும் 1388 பேருக்கு கொரோனா பரவியிருக்கிறது. இதில் 428 பேர் குணமடைந்துள்ளனர். 12 பேர் பலியாகியுள்ளனர். 

    May 20, 2020, 13:37 PM IST