சமூகப் பரவலே இல்லையா? முதல்வர் கருத்தை மறுக்கும் தொற்றுநோய் சிகிச்சை நிபுணர்..

by எஸ். எம். கணபதி, Jun 27, 2020, 14:19 PM IST

தமிழ்நாட்டில் கொரோனா தொற்று சமூகப் பரவலாக மாறவில்லை என்று முதல்வர் தொடர்ந்து கூறி, வருவதை மருத்துவ நிபுணர்கள் மறுக்கின்றனர். தமிழ்நாட்டில் இது வரை 75 ஆயிரம் பேருக்கு கொரோனா தொற்று பரவியிருக்கிறது. குறிப்பாக, சென்னையில் 47 ஆயிரம் பேருக்குத் தொற்று பாதித்திருக்கிறது. மருத்துவ நிபுணர்கள் பலரும், தமிழகத்தில் கொரோனா வைரஸ் சமூகப் பரவலாக மாறி விட்டது என்று கூறி வருகின்றனர்.


இந்திய மருத்துவ ஆராய்ச்சிக் கழகத்தின்(ஐ.சி.எம்.ஆர்) ஆராய்ச்சிக் குழுவில் இடம் பெற்றிருந்த நிபுணர்கள் டாக்டர் சசிகாந்த், டாக்டர் டி.ஜி.எஸ். ரெட்டி ஆகியோர் கூட, இந்தியாவில் கொரோனா சமூகப் பரவலாக மாறி விட்டது என்று அறிக்கை வெளியிட்டிருக்கின்றனர். ஆனாலும் ஐ.சி.எம்.ஆர். தொடர்ந்து இதை மறுக்கிறது.
அதே போல், தமிழக முதல்வர் எடப்பாடி பழனிசாமியும் தொடர்ந்து, சமூகப் பரவல் என்ற வார்த்தையைக் கூட கெட்ட வார்த்தை போல் மறுத்து வருகிறார். திருச்சியில் நேற்று அவர் செய்தியாளர்களைச் சந்தித்த போது, தமிழ்நாட்டில் கொரோனா சமூகப் பரவல் என்பதே கிடையாது. ஒருவருக்கு கொரோனா பாசிட்டிவ் என்றால், அவரிடம் இருந்து யாருக்கு பரவியிருக்கிறது என்று கண்டுபிடிக்கப்பட்டு வருகிறது. சமூகப் பரவல் என்றால் ஊடகங்களைச் சேர்ந்த நீங்கள் எல்லோரும் இங்கு இருக்க முடியுமா? சமூகப் பரவல் என்றால் எல்லோருக்கும் பரவியிருக்க வேண்டும் என்று புது விளக்கம் கொடுத்தார்.

அதே சமயம், தொற்று நோய் சிகிச்சை நிபுணர் ஜேக்கப் ஜான் கூறுகையில், ஐ.சி.எம்.ஆர், மத்திய அரசு மற்றும் மாநில அரசு ஆகியவை எதற்காக சமூகப் பரவல் என்பதை மறுக்கிறார்கள் என்று புரியவில்லை. மார்ச் மாத இறுதியிலிருந்தே தொற்று பரவி வருகிறது. அரசு இப்படி மறுப்பதன் மூலம் அது, பொது நலனுக்கு எதிராகச் செயல்படுவதாகும். இப்படி மறுப்பதன் மூலம், கொரோனா தொற்று பாதித்த அனைவருமே மருத்துவமனைகளிலோ, வேறு மையங்களிலோ தனிமைப்படுத்தப்பட்டு விட்டனர் என்று மக்கள் நம்பி, மிகவும் அலட்சியமாக இருக்க வழி ஏற்படுகிறது. இது மிகப் பெரிய ஆபத்தை ஏற்படுத்தி விடும். ஏனெனில், மக்களை எச்சரிக்காவிட்டால், இன்னும் அதிகமானோருக்குப் பரவி விடும் என்று கூறியிருக்கிறார்.

ஒருவருக்கு யாரிடம் இருந்து தொற்று பரவியது என்பது தெரியாவிட்டால், அதுதான் சமூகப் பரவல் என்பதாகும். இப்போது பலரும் தங்களுக்கு எப்படிப் பரவியது எனத் தெரியவில்லை என்றுதான் சோதனைக்கு வரும் மாநகராட்சி சுகாதார ஆய்வாளரிடம் தெரிவிக்கின்றனர். இதனால், அறிக்கை அனுப்பும் சுகாதார ஆய்வாளர்கள், யாரிடம் இருந்து பரவியது என்ற இடத்தில், கோயம்பேடு மார்க்கெட் சோர்ஸ் என்று பொதுவாகக் குறிப்பிடுகின்றனர். இதை அரசு மருத்துவர் ஒருவர் தெரிவித்தார்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST