Thursday, May 13, 2021

`விவேக் இல்லை என்பதை நம்ப முடியவில்லை – டி.இமான் உருக்கம்!

by Madhavan Apr 17, 2021, 07:58 AM IST

எங்கள் விவேக் இல்லை என்ற உண்மையை ஏற்க என் இதயமும் ஆத்மாவும் நம்ப மறுக்கின்றது என்று இசையமைப்பாளர் டி.இமான் தெரிவித்துள்ளார்.

நேற்று காலை சினிமா பட்டபிடிப்பு ஒன்றில் கலந்து கொண்ட விவேக்கிற்கு படப்பிடிப்பு தளத்தில் வைத்து திடீர் என மாரடைப்பு ஏற்பட்டது. உடனடியாக அவரை தனியார் மருத்துவமனை ஒன்றில் அனுமதித்தனர். இதை கேள்விப்பட்ட அவரது மனைவி மற்றும் மகள் அவரை அனுமதித்துள்ள வடபழனியில் உள்ள தனியார் மருத்துவமனைக்கு விரைந்து சென்றனர்.

தீவிர சிகிச்சைப் பிரிவில் அனுமதிக்கப்பட்டுள்ள அவரின் உடல்நிலையை மருத்துவர்கள் தொடர்ந்து கண்காணித்து வந்தனர். அவருக்கு எக்மோ சிகிச்சை அளிக்கப்பட்டது. சிகிச்சையிலிருந்து மீண்டு வீடு திரும்பிவிடுவார் என அனைவரும் எதிர்பார்த்த நிலையில் சிகிச்சை பலனின்றி இன்று காலை உயிரிழந்தார். அவரது உடல் இன்று மாலை 5 மணி அளவில் நல்லடக்கம் செய்யபட உள்ளது. மேலும் விவேக் மறைவு குறித்து திரையுலகினர் அதிர்ச்சியடைந்துள்ளனர். பலர் தங்களது இரங்கல்களை தெரிவித்து வருகின்றனர். இந்த வகையில் இசையமைப்பாளர் இமான் தனது இரங்கலை தெரிவித்துள்ளார்.

இது தொடர்பாக ட்விட்டரில் தனது இரங்கல் செய்தியை பதிவிட்டுள்ள இசையமைப்பாளர் டி.இமான், ``எங்கள் விவேக் இல்லை என்ற உண்மையை ஏற்க என் இதயமும் ஆத்மாவும் நம்ப மறுக்கின்றது என்று இசையமைப்பாளர் டி.இமான் தெரிவித்துள்ளார். மேலும், ஒரு அசாதாரண கலைஞரையும், மனிதனையும் நாம் இழந்தோம், அவரது குடும்பத்திற்கு எனது மனமார்ந்த இரங்கல் என்றும் இமான் தனது ட்விட்டர் பதிவில் தெரிவித்துள்ளார்.

You'r reading `விவேக் இல்லை என்பதை நம்ப முடியவில்லை – டி.இமான் உருக்கம்! Originally posted on The Subeditor Tamil

More Tamilnadu News

அண்மைய செய்திகள்