நாசரேத் டாஸ்மாக் கடையில் அலைமோதிய திடீர் கூட்டம்

by எஸ். எம். கணபதி, Oct 10, 2019, 09:45 AM IST

நாசரேத் டாஸ்மாக் மதுபானக் கடையில் 2 நாட்களாக குடிமகன்களின் கூட்டம் அலைமோதியது.

திருச்செந்தூர் தாலுகாவில் உள்ள குலசேகரப்பட்டினத்தில் தசரா விழா மிகவும் பிரபலம். மைசூரு தசரா விழாவுக்கு அடுத்தபடியாக நாட்டின் பல்வேறு பகுதிகளில் இருந்தும் மக்கள் திரண்டு வந்து குலசை தசரா விழாவில் பங்கேற்பார்கள். இந்த ஆண்டு குலசை தசரா திருவிழா கடந்த மாதம் 29ம் தேதி தொடங்கியது. கடந்த ஒரு வாரமாக நடைபெற்ற திருவிழாவில் நேற்று முன்தினம்(8ம் தேதி) நள்ளிரவு சூரசம்ஹாரம் நடைபெற்றது. இதில் மட்டுமே 8 லட்சம் பக்தர்கள் திரண்டதாக மதிப்பிடப்படுகிறது.

இந்நிலையில், குலசை தசரா திருவிழாவை முன்னிட்டு, திருச்செந்தூர் தாலுகாவில் உள்ள அனைத்து டாஸ்மாக் மதுபானக் கடைகளும் மூடப்பட்டன. ஆனால், குடிமகன்களுக்கு ஆன்மீகத் திருவிழாவானாலும் குடிக்காமல் இருக்க முடியாதே? அதனால், அக்கம் பக்கம் எங்கு டாஸ்மாக் கடையைத் தேடத் தொடங்கினர். அருகில் உள்ள நாசரேத், ஏரல்தாலுகாவிற்கு உட்பட்டது என்பதால் அங்கு டாஸ்மாக் கடைகள் மூடப்படவில்லை.
இதையடுத்து, கடந்த 2 நாட்களாக நாசரேத் பஸ் ஸ்டாண்ட் மதுபானக் கடையில் மக்கள் கூட்டம் அலைமோதியது.

கூட்டம் கட்டுக்கடங்காமல் போனதால், போலீசார் வந்து கூட்டத்தை ஒழுங்குபடுத்தி நீண்ட வரிசையில் நிற்க வைத்தனர். கூட்டம் காரணமாக இரவு 10 மணிக்குப் பிறகும் டாஸ்மாக் கடை திறந்து வைத்திருக்க அங்கு மட்டும் அனுமதிக்கப்பட்டது. நாசரேத் சுற்றியுள்ள டாஸ்மாக் கடைகளில் தீபாவளி, புத்தாண்டு விற்பனையை விட இப்போதுதான் மதுபான விற்பனை அதிகம் என்று கடை ஊழியர்கள் தெரிவித்தனர்.

டாஸ்மாக் அதிகாரி ஒருவர் கூறுகையில், தசரா திருவிழா, தீபாவளி போன்றவை காரணமாக இந்த மாதம், தூத்துக்குடி மாவட்டத்தில் மதுபான விற்பனை அதிகமாக இருக்கும் என்றார்.


Speed News

  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST
  • மகாராஷ்டிராவில் ஒரே நாளில்

    4878 பேருக்கு கொரோனா

    நாட்டிலேயே அதிகபட்சமாக மகாராஷ்டிராவில்தான் கொரோனா பாதித்துள்ளது. நேற்று ஒரே நாளில் 4878 பேருக்கு கொரோனா தொற்று உறுதி செய்யப்பட்டுள்ளது. இது வரை மொத்தம் ஒரு லட்ச்த்து 74,761 பேருக்கு கொரோனா பாதித்திருக்கிறது. இதில் 90,911 பேர் குணம் அடைந்துள்ளனர். இ்ம்மாநிலத்தில் 9 லட்சத்து 66,723 கொரோனா பரிசோதனைகள் செய்யப்பட்டுள்ளது.

    Jul 1, 2020, 13:43 PM IST
  • ராஜஸ்தானில் 18 ஆயிரம் பேருக்கு

    கொரோனா தொற்று பாதிப்பு

    ராஜஸ்தானில் முதல்வர் அசோக் கெலாட் தலைமையில் காங்கிரஸ் ஆட்சி நடைபெறுகிறது. இந்த மாநிலத்தில் நேற்று 354 பேருக்கு கொரோனா தொற்று பாதித்துள்ளது. இது வரை மொத்தம் 18,014 பேருக்கு கொரோனா தொற்று கண்டறியப்பட்டுள்ளது. இது வரை 413 பேர் கொரோனாவால் பலியாகியுள்ளனர். 

    ராஜஸ்தானில் இது வரை 8 லட்சத்து 24,213 கொரோனா பரிசோதனைகள் மேற்கொள்ளப்பட்டுள்ளன. இத்தனை சோதனைகளில் 18 ஆயிரம் பேருக்குத்தான் கொரோனா பரவியிருக்கிறது. ஆனால், தமிழ்நாட்டில் 11 லட்சம் பரிசோதனைகள் செய்ததில் 90 ஆயிரம் பேருக்கு கொரோனா பாதித்துள்ளது. அதே போல், தமிழகத்தில் கொரோனா பலியும் 1200 ஆக உள்ளது. 

    Jul 1, 2020, 13:40 PM IST
  • தந்தை, மகன் மரணம் குறித்த வழக்கு

    சி,பி.சி.ஐ.டி விசாரிக்க உத்தரவு

    சாத்தான்குளம் ஜெயராஜ், அவரது மகன் பென்னிக்ஸ் ஆகியோர் மர்ம மரணம் தொடர்பாக சி.பி.ஐ. விசாரணைக்கு தமிழக அரசு பரிந்துரைத்துள்ளது. இந்நிலையில், இது தொடர்பான வழக்கு மதுரை ஐகோர்ட் கிளையில் இன்று விசாரணைக்கு வந்தது. அப்போது, நீதிபதிகள் கூறுகையில், ‘‘இந்த 2 பேர் மரணம் தொடர்பான தடயங்களை மறைக்க வாய்ப்புள்ளதால்,  வழக்கை சி.பி.ஐ. விசாரிக்கத் தொடங்கும் வரை சி.பி.சி.ஐ.டி. விசாரிக்க வேண்டும்’’ என்று உத்தரவிட்டனர். 

    Jun 30, 2020, 13:33 PM IST