`20 நாட்கள் கால்ஷீட் மோகன்லால் செட்டுக்கு சர்ப்ரைஸ் விசிட் - அமர்க்களத்துடன் ஆரம்பமான `தல 59 ஷூட்!

`விஸ்வாசம்' படத்தின் மாபெரும் வெற்றிக்கு பிறகு நடிகர் அஜித் தற்போது `தீரன் அதிகாரம்' ஒன்று இயக்குநர் ஹெச்.வினோத் இயக்கத்தில் பெயரிடப்படாத படத்தில் நடித்து வருகிறார். இந்த படம் இந்தியில் ஹிட் அடித்த 'பிங்க்' ரீமேக் எனக் கூறப்படுகிறது. இந்தப் படத்தின் மூலமாக வித்யா பாலன் தமிழில் முதல்முறையாக அறிமுகமாகிறார். இந்தப் படத்துக்காக அஜித் 20 நாட்கள் கால்ஷீட் கொடுத்துள்ளதாக கூறப்படுகிறது. படத்தை ஒரே ஷெட்யூலில் முடித்து வரும் மே மாதம் படத்தை ரிலீஸ் செய்ய திட்டமிட்டுள்ளனர்.

`விஸ்வாசம்' படத்தை போலவே இந்தப் படத்தின் படப்பிடிப்பும் ஹைதராபாத் ராமோஜிராவ் பிலிம் சிட்டியில் நேற்று முதல் தொடங்கியுள்ளது. இதில் கலந்துகொள்வதற்காக அஜித் விமானத்தில் சென்ற புகைப்படங்கள் வைரலாகின. ஹைதராபாத் ராமோஜிராவ் பிலிம் சிட்டியில் இயக்குனர் பிரியதர்சன் இயக்கத்தில் மலையாள சூப்பர் ஸ்டார் மோகன்லால், நடிகர் அர்ஜுன் நடித்து வரும் `மரைக்கார் அரபிக்கடலிண்டே சிம்ஹம்' படப்பிடிப்பு நடந்து வருகிறது. இதனை அறிந்த தல அஜித் மோகன்லால் படப்பிடிப்புக்கு திடீர் விசிட் அடித்துள்ளார்.

அங்கு இயக்குனர் பிரியதர்ஷனை சந்தித்து, சிறிது நேரம் உரையாடிவிட்டு, தனது வாழ்த்துக்களையும் தெரிவித்துள்ளார் அஜித். இருப்பினும் அங்கு மோகனலால் இல்லாததால் அவரை சந்திக்கவில்லை. இருப்பினும் அஜித்தின் சர்ப்ரைஸ் விசிட்டால் ஆச்சரியமடைந்த படக்குழுவினர் அவருடன் போட்டி போட்டு புகைப்படம் எடுத்துக்கொண்டனர். இந்தப் புகைப்படங்கள் தற்போது இணையத்தில் வைரலாகி வருகின்றன.

You'r reading `20 நாட்கள் கால்ஷீட் மோகன்லால் செட்டுக்கு சர்ப்ரைஸ் விசிட் - அமர்க்களத்துடன் ஆரம்பமான `தல 59 ஷூட்! Originally posted on The Subeditor Tamil