`அஜித் பேட்டிகளை தவிர்ப்பதற்கு காரணம் இது தான் - கோபிநாத் பகிர்ந்த சீக்ரெட்

by Sasitharan, Apr 6, 2019, 17:21 PM IST

அஜித் நடிப்பில் தற்பொழுது உருவாகிவரும் படம் நெர்கொண்ட பார்வை. எச்.வினோத் இயக்கிவரும் இப்படத்தில் ஷ்ரத்தா ஸ்ரீநாத், இயக்குநர் ஆதிக்ரவிச்சந்திரன், ரங்கராஜ் பாண்டே, வித்யாபாலன் உள்ளிட்டோர் முக்கிய வேடத்தில் நடித்துவருகின்றனர். அதிலும் வித்யாபாலன் தமிழில் அறிமுகமாகும் படம் இது என்பது குறிப்பிடத்தக்கது.

தமிழ் சினிமாவின் உச்ச நட்சத்திரமாக இருந்தாலும் பொது விழாக்களில், கலந்துகொள்ள மாட்டார். பேட்டி கொடுக்க மாட்டார் என்ற விமர்சனங்கள் அஜித் மீது உள்ளன. அரசியலிலும் அதே நிலை தான். அதற்கு உதாரணம் தான் சமீபத்தில் அஜித்தை பற்றி பா.ஜ.க தலைவர் தமிழிசை பெருமையாக கூறி அவரது ரசிகர்கள் பாஜகவுக்கு உழைக்க வேண்டும் என கேட்டுகொண்டார். உடனடியாக அதற்கு மறுப்பு தெரிவித்து, 'எனக்கு அரசியலுக்கும் எந்த சம்பந்தமும் இல்லை' என்பதுபோல் அஜித் அறிக்கை வெளியிட்டிருந்தார்.

இந்த நிலையில் அஜித் ஏன் பேட்டி கொடுப்பதை தவிர்த்து வருகிறார் என விஜய் டிவி தொகுப்பாளர் கோபிநாத் பேசியுள்ளார். அதில், ``நான் அஜித்தை பேட்டி கண்டபோது அவர் வார்த்தைகளை மிகவும் நிதானமாக கையாண்டார். பேட்டி முடிந்த பின் நாங்கள் இருவரும் சிறிது நேரம் பேசினோம். அப்போது தான் ஊடகங்களுக்கு பேட்டியளிக்காததற்கான காரணத்தை அஜித் என்னிடம் சொன்னார்.

``ஆரம்பகாலத்தில் எனக்கு தமிழ் வராது. நான் பேட்டி கொடுத்தால் தமிழ் நடிகர் தமிழே சரியாக பேசவில்லை என்று சொன்னார்கள். ஆங்கிலத்தில் பேசினால் தமிழ் நடிகர் தமிழில் பேசாமல் ஆங்கிலத்தில் பேசுகிறார் என்று விமர்சனம் செய்தார்கள். இதை சரிசெய்வதற்கான பின்புலம் என்னிடம் இல்லை. சிலநேரங்களில் இயல்பாக பேசினால் தவறாக செய்தி வெளிவருகிறது. பேட்டி கொடுக்கவில்லை என்றால் இவர் அவ்வளவு பெரிய மனிதரா என்ற விமர்சனம் வந்தது. அதனால் தான் பேட்டி அளிக்காமல் தவிர்த்து வந்தேன்” என்று அஜித் தன்னிடம் கூறினார்.


Speed News

  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST
  • ஒரு லட்சத்து 6,750 பேருக்கு

    கொரோனா பரவியது..

    நாடு முழுவதும் கொரோனா பாதித்தவர்களின் எண்ணிக்கை ஒரு லட்சத்து  1,139 பேரில் இருந்து  ஒரு லட்சத்து 6,750 பேராக அதிகரித்துள்ளது. குணமடைந்தவர்களின் எண்ணிக்கை 39,174ல் இருந்து 41,298 ஆக அதிகரித்து்ள்ளது. கொரோனாவால் பலியானவர்களின் எண்ணிக்கை  3,163ல் இருந்து 3,303 ஆக உயர்ந்துள்ளது.

    May 20, 2020, 13:42 PM IST
  • மகாராஷ்டிராவில் கொரோனாவுக்கு

    1325 பேர் உயிரிழப்பு

    நாட்டிலேயே மகாராஷ்டிராவில்தான் மிகவும் அதிகமானோருககு கொரோனா பரவியிருக்கிறது. இது வரை 37,136 பேருக்கு கொரோனா தொற்று கண்டறியப்பட்டிருக்கிறது. இதில் 1325 பேர் சிகிச்சை பலனின்றி உயிரிழந்துள்ளனர். காவல்துறையில் மட்டும் 1388 பேருக்கு கொரோனா பரவியிருக்கிறது. இதில் 428 பேர் குணமடைந்துள்ளனர். 12 பேர் பலியாகியுள்ளனர். 

    May 20, 2020, 13:37 PM IST