கைவிடப்படுமா இந்தியன் 2..! -கமல் பேச்சு, பின்வாங்கும் லைகா...பின்னணி என்ன?

by Suganya P, Apr 17, 2019, 00:00 AM IST

கமல் நடிப்பில் உருவாகும் இந்தியன் 2 படத்துக்கு சிக்கல் ஏற்பட்டுள்ளதாக தகவல்கள் வெளியாகியுள்ளன.

தென் இந்தியத் திரை உலகின் பிரம்மாண்ட இயக்குநர் ஷங்கர் இயக்கத்தில், கமல்ஹாசன், காஜல் அகர்வால் நடிப்பில் தொடங்கப்பட்ட படம் இந்தியன் 2. லைகா நிறுவனம் தயாரிப்பில் உருவாகும் இப்படத்தின் படப்பூஜை அண்மையில் நடந்தது. பின், முதற்கட்ட பணிகளும் தொடங்கி நடந்து வந்தது. ஏனோ சில காரணங்களால், படத்தின் பணிகள் பாதியிலே கைவிடப்பட்டது.

அதற்கு, கமல்ஹாசன் பிஸியாக தேர்தல் பிரசாரத்தில் ஈடுபட்டதால் படப்பிடிப்பு நிறுத்தப்பட்டதாக முதலில் கூறப்பட்டது. பிறகு, இப்படத்துக்காக எடுக்கப்பட்ட போட்டோ ஷூட்டில் கமலுக்கு மேக்கப் கச்சிதமாகப் பொருந்தியது. ஆனால், படப்பிடிப்பின் போது மேக்கப் சரியாகப் பொருந்தவில்லை. அதோடு, மேக்கப் காரணமாக அவருக்கு அலர்ஜி  ஏற்பட்டதால் படப்பிடிப்பு பாதியில் கைவிடப்பட்டது எனப் பல தகவல்கள் வெளிவந்த வண்ணமாக இருக்கிறது.

இந்நிலையில், 350 கோடி பட்ஜெட்டில் உருவாகவிருந்த இப்படத்தின் முதற்கட்ட பணிகள் நடக்காமல் இருப்பதால் லைகா நிறுவனம் அதிருப்தியில் உள்ளதாகவும் அதனால், படத்தில் இருந்து லைகா நிறுவனம் பின்வாங்க முடிவு செய்து புதிய தகவல். இதனால், வேறு தயாரிப்பாளர்களைத் தேடும் முயற்சியில் ஷங்கர் ஈடுபட்டுள்ளதாக கோடம்பாக்க வட்டாரங்கள் தெரிவிக்கின்றன. சன் பிக்சர்ஸ் உடன் பேச்சுவார்த்தை நடத்தப்பட்டாகவும் கூறப்படுகிறது.

இது இப்படி இருக்க, சமீபத்திய நேர்காணல் ஒன்றில் கமல்ஹாசன் ‘இயக்குநர் ஷங்கர் இந்தியன் 2 படத்தில் இந்திய அரசியல் கருத்தியல்களை சேர்க்க வேண்டும் என்று கூறுகிறார். நான் இப்போது ஒரு படம் செய்து கொண்டிருக்கிறேன் தான். ஆனால், தற்போது என் மனம் மக்கள் மீது திரும்பியிருக்கிறது. ஆகையால், படத்தில் அரசியல் தொடர்பான கருத்தியல்கள் வேண்டுமா? வேண்டாமா? என இயக்குநர் தான் முடிவு செய்ய வேண்டும்’ எனக் கூறினார்.

இந்தியன் 2 படம் குறித்து வெளியாகும் தகவல்களைப் பார்க்கும்போது ஒரு விஷயம் மட்டும் தெளிவாக தெரிகிறது, கமல், நடிப்பில் பிரம்மாண்ட இயக்குநர் ஷங்கர் இயக்கும் ‘இந்தியன் 2’ படம் சிக்கலில் உள்ளது.


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST