எப்போதாவது ஒரு பாடம், இடைஇடையே கொஞ்சம் சமூக அக்கறை பிரஸ் மீட், ஆன்மீக பயணம் என போய் கொண்டிருக்கிறது சிம்புவின் வாழ்க்கை. இதனிடையே தம்பியின் திருமணம் விவகாரங்களில் பிஸியாக இருக்கிறார் சிம்பு. அவரின் அடுத்தடுத்த படங்களில் அப்டேட் பின்வருமாறு..
அண்மையில் லண்டன் சென்றிருந்த சிம்பு, குறளரசனின் கல்யாணத்துக்காக சென்னை வந்துள்ளார். உடல் எடையை குறைத்துவிட்டு ஸ்லிம்மாக காட்சியளிக்கிறார் சிம்பு. அதுமட்டுமில்லை அடுத்தடுத்த பட வேலைகளிலும் கறாராக வேலை பார்க்கிறார். வெங்கட் பிரபுவின் `மாநாடு' படத்தில் நடிக்க சிம்பு எப்போதோ ஒப்பு கொண்டார். ஆனால் சில பட்ஜெட் பிரச்னைகள் காரணமாக இன்னும் படம் தொடங்கப்படவில்லை. படத்தில் ஹீரோயின் தேர்வும் முடிந்துவிட்டது. மாநாடு' படத்தின் ஹீரோயினாக கல்யாணி ப்ரியதர்ஷன் தேர்வு செய்யப்பட்டு, ஒப்பந்தமாகியுள்ளார்.
‘விண்ணைத்தாண்டி வருவாயா 2’ படமும் கொஞ்சம் சிக்கலில் தான் உள்ளது. கெளதம் மேனன் நடிக்கவிருந்த படமும் தயாரிப்பாளர் செய்த குழப்பத்தால் கிடப்பில் போடப்பட்டுள்ளது. நடிகர் சிம்பு குறித்து பேசிய சீமான், ``தமிழ்நாட்டின் சூப்பர் ஸ்டார் இனிமேல் என் தம்பி சிலம்பரசன்தான். அவரை வைத்து 3 படங்கள் எடுக்கலாம் என்று முடிவெடுத்திருக்கிறேன் என்று சில மாதங்கள் முன்பு சீமான் சொன்னார். அதுவும் என்ன ஆனது என்பது பற்றி அப்டேட் இல்லை. சிம்பு இயக்கி நடிக்கவுள்ள படத்தின் வேலைகள் தான் மும்முரமாக நடந்து வருகிறது. எந்த படம் முதலில் வெளியாகும் என்பதை காத்திருந்து பார்ப்போம்.
