ஆடை படப்பிடிப்பு பற்றி அமலாபால் புதிய தகவல்

by எஸ். எம். கணபதி, Jul 8, 2019, 17:51 PM IST

‘‘அந்த காட்சியில் நடித்த போது எனக்கு படபடப்பு ஏற்பட்டது. அப்போது செட்டில் 15 பேர் இருந்தனர்...’’ என்று ஆடை படப்பிடிப்பு பற்றி புதிய தகவலை வெளியிட்டிருக்கிறார் அமலா பால்.

மைனா, சிந்துசமவெளி, தெய்வத்திருமகள் உள்பட தமிழ் திரைப்படங்களிலும், தெலுங்கு, மலையாளப் படங்களிலும் நடித்து பிரபலமானவர் நடிகை அமலாபால்். 27 வயதான அமலா பாலுக்கு திருமணமாகி கணவரை விட்டு பிரிந்து விட்டார். அதன்பிறகு, மிகவும் துணிச்சலாகவும், கவர்ச்சியாகவும் படங்களில் நடித்து வருகிறார்.

தற்போது அவர் ஆடை என்ற படத்தில் நடித்து வருகிறார். இதன் டீசர் வெளியான போது ரசிகர்களிடையே அது பெரும் பரபரப்பை ஏற்படுத்தியது. காரணம், அந்த படத்தில் ஒரு காட்சியில் அவர் முழு நிர்வாணமாக நடித்திருக்கிறார். மேலும், கொடூரமான கும்பலிடம் இருந்து தப்பித்தது போல் ஒரு முகபாவனையுடன் அவர் நடித்துள்ள காட்சி, பெரும் எதிர்பார்ப்பையும் ஏற்படுத்தியுள்ளது.

இந்நிலையில், ஆடை படப்பிடிப்பு குறித்து அமலாபால், ‘தி இந்து’ பத்திரிகைக்கு பேட்டியளித்துள்ளார். அப்போது அவர் சொன்னது...

‘‘படத்தில் நிர்வாணமாக நடிக்கும் காட்சியில் அப்படி காட்டும் ஒரு ஸ்பெஷல் காஸ்ட்யூம் அணிந்து கொள்ளலாமா என்று டைரக்டர் ரத்தினகுமார் என்னிடம் கேட்டார். நான் அதற்கு ‘‘ஒன்றும் பிரச்னை இல்லை, பார்த்து கொள்ளலாம்’’ என்று சொல்லி விட்டேன்.

ஆனால், அந்த காட்சி படமாக்கப்பட்ட போது, எனக்கு படபடப்பாகத்தான் இருந்தது. ஷூட்டிங் எப்படி நடக்கும்? யாரெல்லாம் அந்த சமயத்தில் செட்டில் இருப்பார்கள்? என்னென்ன பாதுகாப்பு ஏற்பாடுகள் செய்யப்பட்டிருக்கிறது? என்பதை எல்லாம் முன்கூட்டியே கேட்டு தெரிந்து கொண்டேன்.

படப்பிடிப்பின் போது செட்டில் 15 பேர் இருந்தார்கள். படக்குழுவினர் மீது நான் நம்பிக்கை வைத்திருக்காவிட்டால், நான் அந்தக் காட்சியில் நடித்திருக்கவே மாட்டேன்’’
இவ்வாறு அமலாபால் தெரிவித்தார். ‘‘சினிமா தயாரிப்பாளர்கள் தன்னிடம் ஒரே மாதிரியான கதாபாத்திரத்தில் நடிக்க கேட்டு வந்தார்கள். கற்பழிப்புக்கு உள்ளான பெண் பழிவாங்குவது, கணவருக்காகவே வாழும் தியாகப் பெண் என்று பொய்யான வேடங்களில்தான் நடிக்கச் ெசான்னார்கள். இதையெல்லாம் கேட்டு ஒரு கட்டத்தில் திரையுலகை விட்டு சென்று விடலாம் என்று தோன்றியது’’ என்றும் அமலா பால் தெரிவித்தார்.


Speed News

  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST
  • ஒரு லட்சத்து 6,750 பேருக்கு

    கொரோனா பரவியது..

    நாடு முழுவதும் கொரோனா பாதித்தவர்களின் எண்ணிக்கை ஒரு லட்சத்து  1,139 பேரில் இருந்து  ஒரு லட்சத்து 6,750 பேராக அதிகரித்துள்ளது. குணமடைந்தவர்களின் எண்ணிக்கை 39,174ல் இருந்து 41,298 ஆக அதிகரித்து்ள்ளது. கொரோனாவால் பலியானவர்களின் எண்ணிக்கை  3,163ல் இருந்து 3,303 ஆக உயர்ந்துள்ளது.

    May 20, 2020, 13:42 PM IST
  • மகாராஷ்டிராவில் கொரோனாவுக்கு

    1325 பேர் உயிரிழப்பு

    நாட்டிலேயே மகாராஷ்டிராவில்தான் மிகவும் அதிகமானோருககு கொரோனா பரவியிருக்கிறது. இது வரை 37,136 பேருக்கு கொரோனா தொற்று கண்டறியப்பட்டிருக்கிறது. இதில் 1325 பேர் சிகிச்சை பலனின்றி உயிரிழந்துள்ளனர். காவல்துறையில் மட்டும் 1388 பேருக்கு கொரோனா பரவியிருக்கிறது. இதில் 428 பேர் குணமடைந்துள்ளனர். 12 பேர் பலியாகியுள்ளனர். 

    May 20, 2020, 13:37 PM IST