ஜாக்கிசானை பின்னுக்குத் தள்ளிய அக்ஷய் குமார்!

by Mari S, Aug 24, 2019, 14:51 PM IST

உலகளவில் அதிக சம்பளம் வாங்கும் நடிகர்களில் நான்காவது இடத்தில் நடிகர் அக்ஷய் குமார் உள்ளார்.

சமீபத்தில் வெளியான ஃபோர்ப்ஸ் பத்திரிகையின் ஆய்வறிக்கையின் படி, 2019ம் ஆண்டு இதுவரை அதிகம் சம்பளம் வாங்கும் நடிகர்களின் பட்டியல் வெளியிடப்பட்டது.
அதில், பாலிவுட் நடிகர் அக்ஷய் குமார், ஆசியாவின் சூப்பர்ஸ்டார் நடிகரான ஜாக்கி சானை பின்னுக்கு தள்ளி 4ம் இடத்தை பிடித்துள்ளார். 65 மில்லியன் அமெரிக்க டாலர்கள் வருமானத்தை ஈட்டி அக்ஷய் குமார் இந்த இடத்திற்கு முன்னேறியுள்ளார்.

அவர் நடிப்பில், இந்த ஆண்டு கேசரி, மிஷன் மங்கள் மற்றும் கடந்த ஆண்டு இறுதியில் 2.0 என அடுத்தடுத்து பல படங்கள் மற்றும் விளம்பரங்கள் வெளியாகின. பாலிவுட்டின் கான் நடிகர்களான சல்மான் கான், ஷாருக்கான், அமீர் கான் நடிகர்கள் இந்த பட்டியலில் டாப் 10 இடங்களை கூட பிடிக்கவில்லை என்பது குறிப்பிடத்தக்கது.

முதலிடத்தை டுவைன் ஜான்சன் (தி ராக்) பிடித்துள்ளார். 2019ம் ஆண்டு இதுவரை 90 மில்லியன் டாலர்களை அவர் சம்பாதித்துள்ளார். அடுத்து அவெஞ்சர்ஸ் எண்ட்கேம் படத்தில் நடித்த தோர் நடிகர் கிரிஸ் ஹெம்ஸ்வொர்த் 77 மில்லியன் டாலர்களுடன் 2ம் இடத்திலும், ராபர்ட் டவுனி ஜூனியர் 66 மில்லியன் டாலர்களுடன் 3ம் இடத்தையும் பிடித்துள்ளனர்.

இந்த பட்டியலில் நடிகர் ஜாக்கி சான் 58 மில்லியன் டாலர் சம்பளத்துடன் 5ம் இடத்தில் உள்ளார்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST