பாலிவுட் பாடகி கனிகா கபூர் வெளிநாடு சென்று வந்தார். அவருக்கு கொரொனா வைரஸ் பரிசோதனை நடத்தப்பட்டது. அதில் அவருக்கு கொரொனா தொற்று இருப்பது தெரிய வந்தது. இதையடுத்து அவரை தனிமையில் இருக்க டாக்டர்கள் அறிவுறுத்தினர்.
அவரோ அதைப் பின்பற்றாமல் பார்ட்டிகளில் கலந்து கொண்டார். பலருடன் நேரில் சென்று பழகினார். இதையடுத்து அவர் மீது கொரொனவை பரப்பி மற்றவர்களைக் கொல்ல முயற்சிப்பதாக லக்னோ போலீசார் வழக்குப் பதிவு செய்தனர்.உடனடியாக கனிகாவை மருத்துவமனையில் சேர்த்தனர். ஆனால் அங்கும் டாக்டர்களுக்கு சிகிச்சைக்கு ஒத்துழைக்காமல் பந்தா செய்தார். தனக்கு கொரொனா தொற்று இல்லை என்று மறுத்தார். இதையடுத்து அவருக்கு இடைவெளி விட்டு 4 முறை டெஸ்ட் எடுக்கப்பட்டது. அதில் தொற்று இருப்பது உறுதியானது. தற்போது 5வது முறையாக டெஸ்ட் எடுத்ததில் மீண்டும் அது உறுதி செய்யப்பட்டது. இதையடுத்து அவருக்கு 48 மணி நேரத்துக்கு ஒருமுறை டெஸ்ட் எடுக்க முடிவு செய்துள்ளனர்.
