கொரோனா ஊரடங்கில் வீட்டிலிருக்கும் நடிகர் நடிகைகள் தங்கள் பாணியில் கொரொனா பற்றி விழிப்புணர்வு ஏற்படுத்தி வீடியோ வெளியிட்டு வருகின்றனர். நடிகர் விவேக் புதிய வீடியோ ஒன்றை வெளியிட்டிருக்கிறார்.
அதில், அடுத்த 25 நாட்கள் வரை ஊரடங்கிலிருந்த நாம், அடுத்து வரும் 20 நாட்களில் வெளியே செல்லாமல் வீடுகளிலேயே பாதுகாப்பாக இருக்க வேண்டியது மிகவும் முக்கியமான விஷயம். உடலுக்கு மிளகு ரசம், உயிருக்கு முகக் கவசம், இந்த இரண்டு சம் இருந்தால் லைஃப் ஆசமாக (பிரமாதமாக) இருக்கும். கண்கள் வழியாக கொரோனா அதிகளவில் பரவாது, வாய் மற்றும் மூக்கு பகுதிகளை முழுமையாக மூடி இருக்கும் படி முகக் கவசங்களை அணிவது கட்டாயம், வீட்டை விட்டு வெளியே வரும் பட்சத்தில் முகக் கவசம் தான் உங்களைக் காக்கும் கருவி எனத் தெரிவித்திருக்கிறார் விவேக்.
