நடிகை சமீரா ரெட்டி தனது 10 மாத குழந்தையின் வீடியோ வெளியிட்டிருக்கிறார். அதில் ரஜினி ஸ்டைலில் அந்த குழந்தை கூலிங் கிளாஸ் அணிந்து ரகளை செய்திருக்கிறது.
சிவாஜி படத்தில் ரஜினி ஸ்டைலாக கூலிங்கிளாஸ் அணியும் காட்சியும் சமீராவின் குழந்தை கூலிங் கிளாஸ் அணியும் காட்சியும் மாறி மாறி எடிட்டிங் செய்திருப்பதுடன் பின்னணியில் தலைவா என்ற ரசிகர்களின் கோஷமும் எதிரொலிக்கிறது.
இதுபற்றி சமீரா, பேபி தலைவா என்று தனது குழந்தையைப் பற்றி ரஜினியுடன் ஒப்பிட்டுக் கூறியிருப்பதுடன், சும்மா பேரக் கேட்டாலே அதிருதில்ல, தலைவா ரஜினிகாந்த் என்று ஹேஷ் டேக் பகிர்ந்திருக்கிறார்.சமீரா தமிழில் வாரணம் ஆயிரம், வெடி போன்ற படங்களில் நடித்திருக்கிறார்.
