நடிகை மும்தாஜ் இறந்து விட்டதாக திடீரென்று நெட்டில் தகவல் பரவியது. இதனால் பரபரப்பு ஏற்பட்டது. ஆனாலும் இது நம்ம ஊர் நடிகை கட்டிப்புடி கட்டிப்புடா புகழ் மும்தாஜ் பற்றிய வதந்தி அல்ல. பாலிவுட் நடிகை பற்றியது. 1960களில் இவர் பிரபலமானவராக இருந்தார். தற்போது மும்தாஜ் லண்டனில் வசிக்கிறார்.
அவருக்கு வயது 73. சில ஆண்டுகளுக்கு முன் கேன்சர் நோயால் பாதிக்கப்பட்டிருந்தார். சிகிச்சைக்குப் பிறகு குணம் அடைந்தார். மும்தாஜ் இறந்துவிட்டதாகப் பற்றிய நெட்டில் வதந்தி பரவியதும் மும்பையில் உள்ள அவரது உறவினர்களுக்கு போன் செய்து பலர் விசாரித்தனர். ஆனால் அவர் நலமுடன் இருப்பதாக தெரிவித்தனர். இந்த தகவல் லண்டனில் உள்ள மும்தாஜுக்கு தெரிய வந்தது. இதையடுத்து அவர் இணையதளம் மூலம் விளக்கம் அளித்தார். 'ரசிகர்களுக்கு வணக்கம். நான் இறந்துவிடவில்லை. நலமாக இருக்கிறேன் ஒருசிலர் சொல்வதுபோல் நான் வயதான தோற்றத்திலும் இல்லை. உங்களின் ஆசியால் இன்னமும் அழகுடன்தான் இருக்கிறேன்' என்று தெரிவித்திருக்கிறார்.
