நடிகைகள் வனிதா, லட்சுமி ராமகிருஷ்ணன் மோதல்.. போதும் இத்தோடா நிறுத்திக்குவோம் சண்டை முற்றியதும் கப்சிப்..

by Chandru, Jun 30, 2020, 13:40 PM IST

நடிகை வனிதா சமீபத்தில் பீட்டர் பால் என்பவரைத் திருமணம் செய்துகொண்டார். வனிதாவுக்கு இது மூன்றாவது திருமணம் ஆகும். ஏற்கனவே நடந்த திருமணங்கள் விவாகரத்தில் முடிந்தது. அதேபோல் பீட்டர் பால்க்கு ஏற்கனவே திருமணம் ஆகி குழந்தை இருக்கிறது. வனிதா, பீட்டர் திருமணம் நடந்ததையடுத்து பீட்டரின் முதல் மனைவி போலீஸில் புகார் அளித்தார்.

இந்நிலையில் நடிகை லட்சுமி ராம கிருஷ்ணன் வனிதா திருமணம் பற்றி விமர்சித்திருந்தார். படித்தவர், சட்டம் தெரிந்தவர்கள் இப்படிச் செய்யலாமா. ஏற்கனவே திருமணம் ஆகி குழந்தையும் பெற்றிருந்தும் சட்டப்படி விவாகரத்து பெறாமல் எப்படி திருமணம் செய்ய முடியும் என்று கேட்டிருந்தார்.லட்சுமி ராமகிருஷ்ணனின் இந்த விமர்சனத்தைக் கண்டு கோபம் அடைந்த வனிதா, நான் படித்திருக்கிறேன் எனக்குச் சட்டம் பற்றித் தெரியும். இது எனது தனிப்பட்ட வாழ்க்கை அதில் தலையிட உங்களுக்கு உரிமை இல்லை. இது நீங்கள் நடத்தும் ஷோவுமல்ல. அப்பாவிகளை அழைத்து வந்து நீங்கள் ஜட்ஜ் போல் பேசிக் கொண்டிருந்தீர்கள். அதற்கான சம்பளமும் வாங்கினீர்கள்.

இப்படி ஒரு விஷயத்தில் நான் தெரிந்தோ தெரியாமலோ ஈடுபட்டுவிட்டேன். இதை நாங்கள் தீர்த்துக்கொள்வோம் என சக்கட்டு மேனிக்குப் பதில் அளித்தார் வனிதா.
வனிதாவின் பதிலைப் பார்த்து அதிர்ச்சி அடைந்த லட்சுமி ராமகிருஷ்ணன், மறுமணம் பற்றி எனது கருத்தைச் சொல்லவே எனது எண்ணத்தை வெளியிட்டேன். அதற்காகத் தனிப்பட்ட முறையில் தாக்குவதை ஏற்கமுடியாது. நான் உன்னிடம் தாழ்மையாகக் கேட்டுக் கொள்கிறேன். இத்துடன் நம் விவாதத்தை நிறுத்திக்கொள்வோம் எனக் குறிப்பிட்டிருக்கிறார்.


Speed News

  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST
  • மகாராஷ்டிராவில் ஒரே நாளில்

    4878 பேருக்கு கொரோனா

    நாட்டிலேயே அதிகபட்சமாக மகாராஷ்டிராவில்தான் கொரோனா பாதித்துள்ளது. நேற்று ஒரே நாளில் 4878 பேருக்கு கொரோனா தொற்று உறுதி செய்யப்பட்டுள்ளது. இது வரை மொத்தம் ஒரு லட்ச்த்து 74,761 பேருக்கு கொரோனா பாதித்திருக்கிறது. இதில் 90,911 பேர் குணம் அடைந்துள்ளனர். இ்ம்மாநிலத்தில் 9 லட்சத்து 66,723 கொரோனா பரிசோதனைகள் செய்யப்பட்டுள்ளது.

    Jul 1, 2020, 13:43 PM IST
  • ராஜஸ்தானில் 18 ஆயிரம் பேருக்கு

    கொரோனா தொற்று பாதிப்பு

    ராஜஸ்தானில் முதல்வர் அசோக் கெலாட் தலைமையில் காங்கிரஸ் ஆட்சி நடைபெறுகிறது. இந்த மாநிலத்தில் நேற்று 354 பேருக்கு கொரோனா தொற்று பாதித்துள்ளது. இது வரை மொத்தம் 18,014 பேருக்கு கொரோனா தொற்று கண்டறியப்பட்டுள்ளது. இது வரை 413 பேர் கொரோனாவால் பலியாகியுள்ளனர். 

    ராஜஸ்தானில் இது வரை 8 லட்சத்து 24,213 கொரோனா பரிசோதனைகள் மேற்கொள்ளப்பட்டுள்ளன. இத்தனை சோதனைகளில் 18 ஆயிரம் பேருக்குத்தான் கொரோனா பரவியிருக்கிறது. ஆனால், தமிழ்நாட்டில் 11 லட்சம் பரிசோதனைகள் செய்ததில் 90 ஆயிரம் பேருக்கு கொரோனா பாதித்துள்ளது. அதே போல், தமிழகத்தில் கொரோனா பலியும் 1200 ஆக உள்ளது. 

    Jul 1, 2020, 13:40 PM IST
  • தந்தை, மகன் மரணம் குறித்த வழக்கு

    சி,பி.சி.ஐ.டி விசாரிக்க உத்தரவு

    சாத்தான்குளம் ஜெயராஜ், அவரது மகன் பென்னிக்ஸ் ஆகியோர் மர்ம மரணம் தொடர்பாக சி.பி.ஐ. விசாரணைக்கு தமிழக அரசு பரிந்துரைத்துள்ளது. இந்நிலையில், இது தொடர்பான வழக்கு மதுரை ஐகோர்ட் கிளையில் இன்று விசாரணைக்கு வந்தது. அப்போது, நீதிபதிகள் கூறுகையில், ‘‘இந்த 2 பேர் மரணம் தொடர்பான தடயங்களை மறைக்க வாய்ப்புள்ளதால்,  வழக்கை சி.பி.ஐ. விசாரிக்கத் தொடங்கும் வரை சி.பி.சி.ஐ.டி. விசாரிக்க வேண்டும்’’ என்று உத்தரவிட்டனர். 

    Jun 30, 2020, 13:33 PM IST