ஹர்பஜன் சிங்கிற்காக பாடிய சிம்பு.. பிரண்ட்ஷிப் படத்தில் மலர்ந்தது நட்பு..

கிரிக்கெட் வீரர் ஹர்பஜன் சிங் முழுநேர நடிகராகிவிடுவார் போலிருக்கிறது. ஏற்கனவே டிக்கிலோனா படத்தில் சந்தானம் உடன் இணைந்து நடிக்கிறார்.தற்போது ஜே.பி.ஆர் மற்றும் ஷாம் சூர்யா இயக்கத்தில் உருவாகி வரும் "பிரண்ட்ஷிப் " படத்தில் ஹர்பஜன் சிங் கதாநாயகனாக நடிக்கிறார்.ஷேண்டோ ஸ்டுடியோ மற்றும் சினிமாஸ் ஸ்டுடியோஸ் இணைந்து தயாரிக்கிறது. ஆக்ஷ்ன் கிங் அர்ஜுன் , லாஸ்லியா, சதீஷ் , ஜேஎஸ்கே சதீஷ்குமார், வெங்கட் சுபா முக்கிய கதாபாத்திரங்களில் நடிக்கிறார்கள் .

இப்படத்தில் மெக்கானிக்கல் இன்ஜினீயரிங் மாணவராக நடிக்கும் ஹர்பஜன் தீவிர ரஜினிகாந்த் ரசிகர். தற்போது இப்படத்தின் " Superstar anthem " என்ற முதல் பாடலை ராகவா லாரன்ஸ் வெளியிட்டார். நடிகர் சிம்பு இந்த பாடலை பாடியுள்ளார் . அறிமுக இசை அமைப்பாளர் டி,எம். உதயகுமார் இசையமைத்துள்ளார்.சிம்பு தொலைப்பேசியில் ஹர்பஜனுக்குப் பிறந்தநாள் வாழ்த்துக்களை தெரிவித்துள்ளார் . மேலும் பாடல் சிறப்பாக உருவாகியிருக்கிறது , திரைப்படம் மிகப்பெரிய வெற்றியடையும் என வாழ்த்தியுள்ளார் .இதற்குப் பதிலளித்த ஹர்பஜன் " எனக்கு இப்படத்தின் மூலம் ஒரு நல்ல நண்பனாகக் கிடைத்துள்ளீர்கள் . சென்னையில் நாம் இருவரும் விரைவில் சந்திப்போம்"எனக் கூறியுள்ளார் .பிரண்ட்ஷிப் திரைப்படம் இந்திய மொழிகளில் விரைவில் வெளியாக இருக்கிறது .இப்படத்தின் இணைத்தயாரிப்பு:வேல்முருகன். ஒளிப்பதிவு:சாந்த குமார். இசை - டி,எம்.உதயகுமார். படத்தொகுப்பு - தீபக் எஸ். தவாரக்நாத். கலை மகேந்திரன். வசனம் பிஎஸ்.ராஜ். நிர்வாக தயாரிப்பு - ரோபின்.

You'r reading ஹர்பஜன் சிங்கிற்காக பாடிய சிம்பு.. பிரண்ட்ஷிப் படத்தில் மலர்ந்தது நட்பு.. Originally posted on The Subeditor Tamil