நடிகரின் பிரார்த்தனை கூட்டத்தில் மகிழ்ச்சியை படரவிட்ட குடும்பம்.. சிரித்தபடி உருக்கம்..

by Chandru, Jul 18, 2020, 17:16 PM IST

தமிழில் காதல் சொல்ல வந்தேன் உள்ளிட்ட சில படங்களில் நடித்தவர் மேக்னா ராஜ். இவர் கன்னட நடிகர் சிரஞ்சீவி சார்ஜாவை காதலித்து மணந்தார். இந்த ஜோடி அக்டோபர் 2017 இல் நிச்சயதார்த்தம் செய்து ஏப்ரல் 2018 இல் திருமணம் செய்தது. மேக்னா 4 மாதம் கர்ப்பமாக இருக்கிறார். மகிழ்ச்சியாகக் கழிந்த இவர்கள் வாழ்வில் கடந்த மாதம் இடி விழுந்தது. ஜூன் 7 ம் தேதி சிரஞ்சீவி சார்ஜா திடீர் மாரடைப்பு காரணமாக இறந்தார்.

இது குடும்பத்தினருக்கும் அவரது ரசிகர்களுக்கும் பெரும் அதிர்ச்சியை ஏற்படுத்தியது. 39 வயதில் இப்படியொரு மரணத்தைச் சிரஞ்சீவி சார்ஜா தழுவுவார் என்று யாரும் எதிர்பார்க்கவில்லை. அந்த சோகத்திலிருந்து இன்னும் குடும்பத்தினர் மீள வில்லை.
இந்நிலையில் மேக்னா தனது இன்ஸ்டாகிராம் பக்கத்தில் ரசிகர் ஒருவர் வரைந்து அனுப்பிய சிரஞ்சீவி சார்ஜாவின் பென்சில் ஸ்கெட்ச் ஓவியத்தை வெளியிட்டார், மிகவும் தத்ரூபமாக இருந்த அந்த ஓவியம் மேக்னாவை பெரிதும் கவர்ந்தது. சிரஞ்சீவி சர்ஜா மறைந்து ஒரு மாதம் ஆனதன் நினைவு அஞ்சலி பிரார்த்தனை கூட்டத்தில் குடும்பத்தினர் அனைவரும் கலந்துகொண்டனர். எல்லோரும் சந்தோஷமுடன் இருக்க வேண்டும் என அடிக்கடி குடும்பத்தினரிடம் சார்ஜா கூறுவார். அதை அனைவரும் நினைவு கூர்ந்தனர்.

சார்ஜா மனைவி குடும்ப உறுப்பினர்கள் மற்றும் நண்பர்கள் பிரார்த்தனைக் கூட்டத்தை ஏற்பாடு செய்தனர். பிரார்த்தனை சந்திப்பிலிருந்து புகைப்படங்களைப் பகிர்ந்த மேக்னா ஒரு அழகான குறிப்பை எழுதினார். "என் அன்பான சிரு (சிரஞ்சீவி சார்ஜா) கொண்டாட்ட குணம் நிரம்பியவர். அவர் இருக்கும் இடம் எப்போதுமே அப்படித்தான் இருக்கும். இந்த பிரார்த்தனை கூட்டத்தை நீங்கள் விரும்பியிருக்க மாட்டீர்கள் என்று எனக்குத் தெரியும்! சிரு, நான் சிரிக்கக் காரணம் நீங்கள் எனக்குக் கொடுத்த மிகவும் விலைமதிப்பற்ற குடும்பம். உனது குழந்தைக்கும் அனைவருமே அம்மாவாக இருப்போம். ஒவ்வொரு நாளும் நீங்கள் விரும்பும் விதமாகவே அன்பு, சிரிப்பு , சேட்டைகள், நேர்மை மற்றும் மிக முக்கியமாக ஒன்றிணைவு என்றிருந்து உங்களை நேசிப்போம் "எனக் குறிப்பிட்டிருந்தார். பிராத்தனை கூட்டப் படங்களில் அனைவரும் மகிழ்ச்சியுடன் இருப்பது போலவே படங்களைப் பகிர்ந்திருப்பது உருக்கத்தை ஏற்படுத்தி இருக்கிறது.


Leave a reply

Speed News

  • ஜெயலலிதா நினைவு இல்ல வழக்கு..

    ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 
    Aug 10, 2020, 14:48 PM IST
  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST
  • குஜராத்தி்ல் முகக்கவசம் அணியாவிட்டால்

    ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST
  • ராஜஸ்தானி்ல் நாளை மாலை

    பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST
  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More Cinema News