டிவிட்டரில் பிளாக் செய்த வனிதாவை நக்கலடித்த கஸ்தூரி.. சிங்கப்பெண்ணே.. பயந்துட்டுயா குமாரு..?

by Chandru, Jul 21, 2020, 14:17 PM IST

நடிகைகள் வனிதா, கஸ்தூரி, லட்சுமி ராமகிருஷ்ணன் மூவரும் நேற்று இணைய தளத்தில் மோதிக்கொண்டது பரபரக்க வைத்தது. குழாயடி சண்டை என்று அவர்களே தங்களது சண்டையை வர்ணித்தனர். அவர்கள் மூவரின் சண்டையில் வனிதாவும் லட்சுமியும் மோதிக்கொண்டது நெட்டில் வடிவேலு கவுண்டமணி. செந்தில் காமெடியுடன் கலந்து விட்டு மீம்ஸ் போட்டு நெட்டிஸன்கள் தெறிக்க விட்டனர்.இன்றைக்கு அடுத்த எபிசோட் போல் வனிதாவைக் கழுவி ஊற்றியிருக்கிறார் கஸ்தூரி.

நேற்று நடந்த சண்டையில் லட்சுமி ராமகிருஷ்ணை திட்டிய வனிதாவின் பேச்சைக் கேட்டு இதயத்தில் ரத்தம் கசிந்ததாகக் கூறிய கஸ்தூரி, உனக்கு 1,2,3 என வரிசையாக மெகா தொடர் போல் வாழ்க்கை உள்ளது. அதில் உள்ள எல்லாவற்றையும் நெட்டிலும் யூ டியூபிலுமாக நாறிக் கொண்டிருக்கிறது என்று வனிதாவைச் சகட்டு மேனிக்குத் திட்டி தீர்த்தார் கஸ்தூரி. இதையடுத்து கஸ்தூரியை காமெடி பீஸ் என்று கூறிய வனிதா அவரை தனது டிவிட்டர் பக்கத்திலிருந்து பிளாக் (தடை) செய்தார். அதற்குக் கஸ்தூரி பதிலடி தந்திருக்கிறார்.

வனிதா தன்னை பிளாக் செய்த டிவிட்டரை எடுத்துப் பகிர்ந்த கஸ்தூரி, பயதுட்டியா குமாரு? மற்றவர்களைத் தூண்டுவது யார் என்பது இந்த உலகம் நன்கு அறியும். அவர்கள் திருப்பி அடித்தால், அவர்களைத் திட்டிவிட்டு ஓட்டம் பிடிக்கிறாய், சிங்கப்பெண்ணே.. இந்த நிமிடம் வரை நான் உன்னுடைய வாழ்க்கை தேர்வைப் பற்றி கேள்வி கேட்கவில்லை ஆனால் உன்னுடைய பொது நடவடிக்கைகளைப் பற்றித் தான் கேட்டிருக்கிறேன். உன்னைச் சுற்றியிருக்கும் எல்லா நல்லவர்களையும் பிளாக் செய்துவிடு. நீ நன்றாக இருக்க வேண்டும் என்று விரும்புபவரையும் பிளாக் செய்துவிடு. ஏமாற்றுபவர்களை மட்டும் அருகில் வைத்துக்கொள் எனத் தெரிவித்திருக்கிறார். இது பரபரப்பாகி இருக்கிறது.


Leave a reply

Speed News

  • பெங்களூரு கலவரத்தில் இது வரை 206 பேர் கைது

     

    பெங்களூருவில் காங்கிரஸ் எம்.எல்.ஏ. உறவினர் நவீன் என்பவர் பேஸ்புக்கில் போட்ட பதிவால் கடந்த 2 நாட்களுக்கு முன்பு கலவரம் வெடித்தது. வாகனங்கள் தீக்கிரையாக்கப்பட்டன. எம்.எல்.ஏ. வீடு தாக்கப்பட்டது. 

    இந்த கலவரம் தொடர்பாக பெங்களூரு மாநகராட்சி கவுன்சிலரின் கணவர் கலீம் பாஷா உள்பட  இது வரை 206 பேர் கைது செய்யப்பட்டுள்ளதாக போலீஸ் இணை கமிஷனர் சந்தீப் பாடீல் தெரிவித்துள்ளார். 

    Aug 14, 2020, 10:15 AM IST

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

More Cinema News