கொரோனாவை பற்றி கவலைப்படாத கமல் நடிகை..

by Chandru, Jul 23, 2020, 12:14 PM IST

கொரோனா வைரஸ் தொற்றால் உலக நாடுகளே பயத்தில் உள்ளது. கடுமையான தடுப்பு நடவடிக்கைகள் மேற்கொள்ளப்பட்டு வருகின்றன. பாலிவுட் நடிகர் அமிதாப்பச்சன், அபிஷேக் பச்சன், ஐஸ்வர்யாராய் அவரது மகள் ஆராத்யா கொரோனா தொற்றால் பாதிக்கப்பட்டு சிகிச்சை பெற்று வருகின்றனர். இந்நிலையில் கொரோனா வைரசைக் கண்டு எனக்குப் பயம் இல்லை என்கிறார் பிரபல நடிகை.

கமல்ஹாசனுடன் இந்தியன், மும்பை எக்ஸ்பிரஸ், ஆளவந்தான், ரஜினியுடன் பாபா, அர்ஜுனுடன் முதல்வன் போன்ற படங்களில் நடித்திருப்பவர் மனீஷா கொய்ராலா.
திரைப்படங்களில் நடித்து வந்த மனீஷா கடந்த 2012ம் ஆண்டு கேன்சர் நோய் தாக்குதலுக்குள்ளானார். இதையடுத்து அமெரிக்கா சென்றவர் 1 வருடம் அங்குள்ள பிரபல மருத்துவமனையில் தங்கி அறுவை சிகிச்சை செய்து, கீமோ தெரபி சிகிச்சைகள் பெற்றுக் கொண்டார். ஒரு வருடக் கடுமையான வலிகளை அனுபவித்தார். சிகிச்சைக்குப் பிறகு அவர் குணம் அடைந்தார்.

மனீஷா சமீபத்தில் அளித்த பேட்டியில் கூறியதாவது: என் வாழ்வில் மிகவும் மோசமான தருணங்களை சந்தித்து விட்டேன். அதை ஒப்பிடும்போது கோவிட் 19 உள்ளிட்ட வேறு எதுவுமே எனக்குப் பயத்தைத் தரவில்லை. நான் அமைதியாக இருக்கிறேன். தியானம் மற்றும் யோகா செய்கிறேன். எனது வாழ்கையை மரம் செடி கொடிகளுடன் இயற்கையாகக் கழிக்கிறேன். இயற்கையோடு இணைந்து வாழ்கிறேன். பல வருடங்களுக்குப் பிறகு இப்போது தான் மும்பையில் பறவைகளின் சத்தம் கேட்கிறது. எனது பெற்றோருடன் நேரத்தைச் செலவழிக்கிறேன். இதற்கு முன் இவ்வளவு அமைதியும் நிம்மதியும் நான் அனுபவித்தது கிடையாது.

இவ்வாறு மனீஷா கொய்ராலா கூறியுள்ளார்.


Leave a reply

Speed News

  • ஜெயலலிதா நினைவு இல்ல வழக்கு..

    ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 
    Aug 10, 2020, 14:48 PM IST
  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST
  • குஜராத்தி்ல் முகக்கவசம் அணியாவிட்டால்

    ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST
  • ராஜஸ்தானி்ல் நாளை மாலை

    பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST
  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More Cinema News