அன்பு ரஹ்மான்.. அஞ்சற்க.. கவிஞர் வைரமுத்து சொன்ன தைரியம்..

by Chandru, Jul 27, 2020, 13:52 PM IST

கவிஞர் வைரமுத்து, இசை அமைப்பாளர் ஏ.ஆர்.ரஹ்மான் கூட்டணி பல்வேறு ஹிட் பாடல்களைக் கொடுத்திருக்கிறது. ரோஜா படத்தில் இணைந்த முதல் கூட்டணியே தேசிய விருது வென்ற வெற்றிக் கூட்டணியாக அமைந்தது. அந்த வெற்றி பல படங்களில் தொடர்ந்தது இடையில் இருவருக்கும் சிறு பிணக்கு ஏற்பட்டது. அதன் பிறகு இருவருக்குமான பேச்சுவார்த்தைகள் குறைந்தன.இன்றைக்கு ரஹ்மானுக்கு ஒரு சோதனை. பாலிவுட்டில் அவரை புறக்கணிக்கிறார்கள் என்ற வேதனை. ஒரு கூட்டம் எனக்கெதிராக பாலிவுட்டில் செயல்படுகிறது என்று அவர் கூறியதும் பதறாத மனங்களும் பதறின. அந்த பதற்றம் கவிப்பேரரசுக்குப் பன்மடங்கு அதிகம் ஆனது. துடித்த மீசையை முறுக்கி விட்டுக் கொண்டு ரஹ்மானுக்காக ஒரு மான் கவிதை எழுத்து தைரியம் சொன்னார்.

அந்த கவிதை இதுதான்:
அன்பு ரகுமான்!
அஞ்சற்க.
வட இந்தியக் கலையுலகம்
தமிழ்நாட்டுப் பெண்மான்களைப் பேணுமளவுக்கு
ஆண்மான்களை ஆதரிப்பதில்லை.
இரண்டுக்கும் உயிர்வாழும்
எடுத்துக்காட்டுகள் உண்டு.
ரகுமான்! நீங்கள் ஆண்மான்;
அரிய வகை மான்.
உங்கள் எல்லை
வடக்கில் மட்டும் இல்லை.
இவ்வாறு வைரமுத்து கூறியுள்ளார்.

சொன்னதென்னவோ மான் பற்றி. ஆனால் அதில் பெண்மான், ரஹ்மான். சல்மான், ஆண்மான் என எத்தனை அர்த்தங்கள் என்று ஆழ்ந்து படித்தால் புரியும். ரஹ்மான் ஆஸ்கர் விருது வாங்கியபோது மும்பையில் நடந்த விழாவில் பங்கேற்ற சல்மான், ரஹ்மானைக் குறைத்து மதிப்பிடும் வகையில், ரஹ்மான் அவ்வளவு திறமையானவரில்லை என்றாலும்.. தனது பாலிவுட் பெரியண்ணா தனத்தைக் காட்டினார் சல்மான்கான். ஆனால் அதே மேடையில் சல்மான் கைகுலுக்க முயன்ற போது கைகொடுக்காமல் புறக்கணித்தார் ரஹ்மான். இந்த மான் கூட்டங்கள் ரஹ்மானுக்கு எதிராக பணியாற்றுகிறதோ என்ற சந்தேகம் இப்போது எழுகிறது. சில வருடங்களுக்கு முன் ரஹ்மானுக்குக் குவிந்த இந்தி பட வாய்ப்புகள் இந்த ஆண்டு (2020) ஒரேயொரு படமாகக் குறைந்துவிட்டது எனலாம். மற்றொரு படம் அவர் தயாரிக்கும் சொந்தப்படம்.


Leave a reply

Speed News

  • ஜெயலலிதா நினைவு இல்ல வழக்கு..

    ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 
    Aug 10, 2020, 14:48 PM IST
  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST
  • குஜராத்தி்ல் முகக்கவசம் அணியாவிட்டால்

    ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST
  • ராஜஸ்தானி்ல் நாளை மாலை

    பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST
  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More Cinema News