பிரபல நடிகை வீட்டில் துப்பாக்கி சூடு.. வீட்டுக்கு போலீஸ் பாதுகாப்பு..

by Chandru, Aug 2, 2020, 12:55 PM IST

மறைந்த இயக்குனர் ஜீவா இயக்கிய, தாம் தூம் படத்தில் ஹீரோயினாக நடித்தவர் கங்கனா ரனாவத். தற்போது ஏ.எல்.விஜய் இயக்கும் தலைவி படத்தில் ஜெயலலிதா வேடத்தில் நடித்து வருகிறார்.கங்கனா அடிக்கடி சர்ச்சை கருத்துக்கள் கூறி வம்பில் சிக்கிக் கொள்வதுண்டு. சமீபத்தில் நடிகர் சுஷாந்த் சிங் தற்கொலை பற்றி கருத்துச் சொன்னார். வாரிசு நடிகர்கள் புறக்கணிப்பால் தான் சுஷாந்த் தற்கொலை செய்து கொண்டிருக்கிறார் எனக் குறிப்பிட்டார். இது சர்ச்சையானது. இதுகுறித்து அவரிடம் விசாரணை நடத்த மும்பை போலீஸ் அழைத்திருக்கிறது. ஆனால் கங்கனா விசாரணைக்கு வர மறுத்திருக்கிறார். மேலும் தயாரிப்பாளர் கரண் ஜோஹரிடம் விசாரணை நடத்த வேண்டும் எனத் தெரிவித்திருக்கிறார். தற்போது கங்கனா மனாலியில் உள்ள வீட்டில் தங்கி இருக்கிறார்.

இந்நிலையில் கங்கனா அதிர்ச்சி தகவல் கூறியிருக்கிறார். சென்ற வெள்ளிக்கிழமை எனது வீட்டருகே மர்ம நபர் துப்பாக்கியால் சுட்டனர். இரண்டு முறை துப்பாக்கிக் குண்டு சத்தம் கேட்டது. என்னை மிரட்டச் சிலர் இப்படிச் செய்திருக்கின்றனர். இரவு 11.30 மணி அளவில் நான் என் அறையிலிருந்தேன். அப்போது இரண்டு முறை துப்பாக்கிக் குண்டு சத்தம் கேட்டது. சுமார் 8 நொடிகள் இடைவெளியில் அடுத்தடுத்து சத்தம் கேட்டது. அரசியல் குறித்து நான் கருத்து தெரிவித்திருந்தேன் அதற்கு எதிராகத் தான் இந்த செயலை செய்திருக்கிறார்கள். உள்ளூர் அரசியல்வாதிகள் யாராவது கூலிப்படையிடம் 7 அல்லது 8 ஆயிரம் ரூபாய் கொடுத்து இப்படிச் செய்து என்னை மிரட்டியிருக்கலாம் என்று கருதுகிறேன். மும்பையிலிருந்தால் இதுபோன்று அனுபவிப்பாய் என்றனர். இப்படித் தான் சுஷாந்த்தும் மிரட்டப்பட்டிருக்கலாம். அதனால் நான் மனாலி வந்தேன் அங்கும் மிரட்டல் தொடர்கிறது.

இவ்வாறு கங்கனா தெரிவித்தார்.இது குறித்து கங்கனா போலீசில் புகார் அளித்தார். போலீசார் கங்கனா வீட்டைச் சுற்றிலும் சோதனை நடத்தினர். தற்போது அவரது வீட்டுக்கு போலீஸ் பாதுகாப்பு போடப்பட்டிருக்கிறது.மேலும் கங்கனா வெளியிட்டிருந்த மெசேஜில், எல்லோருக்கும் தெரிந்திருந்த ஒருவரும் கரன் ஜோஹாரின் நெருங்கிய நண்பர் உலகின் சிறந்த முதல்வரின் மகன், அன்பாக பேபி பென்குயின் என்று கூறுவார்கள். நான் என் வீட்டில் தூக்கில் தொங்கியபடி இருந்தால் அது நான் செய்துகொண்ட தற்கொலை அல்லஎன குறிப்பிட்டிருக்கிறார்.

READ MORE ABOUT :

Leave a reply

Speed News

  • பெங்களூரு கலவரத்தில் இது வரை 206 பேர் கைது

     

    பெங்களூருவில் காங்கிரஸ் எம்.எல்.ஏ. உறவினர் நவீன் என்பவர் பேஸ்புக்கில் போட்ட பதிவால் கடந்த 2 நாட்களுக்கு முன்பு கலவரம் வெடித்தது. வாகனங்கள் தீக்கிரையாக்கப்பட்டன. எம்.எல்.ஏ. வீடு தாக்கப்பட்டது. 

    இந்த கலவரம் தொடர்பாக பெங்களூரு மாநகராட்சி கவுன்சிலரின் கணவர் கலீம் பாஷா உள்பட  இது வரை 206 பேர் கைது செய்யப்பட்டுள்ளதாக போலீஸ் இணை கமிஷனர் சந்தீப் பாடீல் தெரிவித்துள்ளார். 

    Aug 14, 2020, 10:15 AM IST

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

More Cinema News