கவர்ச்சி ஹீரோயின் படம் தியேட்டரில் ரிலீஸ்.. தேதி அறிவிப்பு..

by Chandru, Nov 20, 2020, 12:25 PM IST

6 அத்தியாயம் படத்தில் இடம்பெற்ற ஆறு அத்தியாயங்களில் ஒன்றான சித்திரம் கொல்லுதடி படத்தை இயக்கியவர் ஸ்ரீதர் வெங்கடேசன் . இவர் இயக்கும் இரண்டாம் படம் என் பெயர் ஆனந்தன்.கனகா வெங்கடேசன், சவீதா வெங்கடேசனின் சவீதா சினி ஆர்ட்ஸ் மற்றும் கோபி கிருஷ்ணப்பாவின் காவ்யா புரொடக்சன்ஸ் நிறுவனங்கள் இணைந்து தயாரித்துள்ளது. கதை திரைக்கதை வசனம் இயக்கம், தாயம் ஆகிய படங்களில் நடித்த சந்தோஷ் பிரதாப் கதாநாயகனாக நடிக்க, அதுல்யா ரவி கதாநாயகியாக நடித்துள்ளார். இவர் அடுத்த சாட்டை, நாடோடிகள்-2 ஆகிய படங்களில் கதாநாயகியாக நடித்தவர். இணைய தளங்களில் அடிக்கடி கவர்ச்சி படங்கள் வெளியிட்டு ரசிகர்களை ஈர்த்து வருகிறார்.

மேலும் தீபக் பரமேஷ், அரவிந்த் ராஜகோபால் உள்ளிட்ட பலர் இந்தப் படத்தில் நடித்துள்ளனர்.இந்தப்பட கதை ஆரம்பத்தில் த்ரில்லராக பயணித்தாலும், போகப்போக உணர்வுப்பூர்வமான பயணத்துக்குள் ரசிகர்களை அழைத்துச் சென்று விடும். காரணம் த்ரில்லருக்கென்றே உள்ள வழக்கமான கதைக்களங்களைத் தேர்வு செய்யாமல் சில உண்மை சம்பவங்களை அடிப்படையாகக் கொண்டு இந்தப்படம் உருவாகியுள்ளது.

குறிப்பாக இதுவரை யாருமே பேசியிராத ஒரு சமூக பிரச்சனையைக் கையிலெடுத்து துணிச்சலாக இந்தப்படம் பேசியுள்ளது. படம் பார்த்துவிட்டு வெளியே வரும் ரசிகர்களிடம், இப்படியெல்லாம் கூட மக்கள் இருக்கிறார்களா, இவர்களுக்கு இப்படியெல்லாம் கூட பிரச்சனைகள் இருக்கிறதா என இந்தப்படம் நிச்சயம் ஒரு புதிய தாக்கத்தை ஏற்படுத்தும்.செம்பல் சர்வதேச திரைப்பட விழா, சர்தார் வல்லபாய் படேல் சர்வதேச திரைப்பட விழா மற்றும் தென் கொரியா வில் நடைபெற்ற SEE சர்வ தேச திரைப்பட விழாக்களில் கலந்துகொண்டு மூன்றுமுறை சிறந்த திரைப்படத்திற்கான விருதுகளை இந்தப்படம் பெற்றுள்ளது. மேலும் நியூயார்க்கில் நடைபெற்ற சர்வதேச திரைப்பட விழாவில் சிறந்த படத்திற்கான ஸ்பெஷல் ஜூரி விருதையும் பெற்றது.

“திரைப்பட விழாக்களில் இந்தப்படத்தைப் பார்த்த பலரும் இதுவரை பார்த்திராத, ஒரு வித்தியாசமான அதே சமயம் ஜனரஞ்சகமாக ரசிக்கக் கூடிய விஷயங்கள் இந்தப் படத்தில் இடம்பெற்றுள்ளதாக கூறினார்கள். குறிப்பாகப் படத்தின் டேக்லைனில் குறிப்பிடபட்டுள்ளது போல, இது தனித்துவமான தமிழ்ப் படமாகவே உருவாகி இருக்கிறது எனப் பாராட்டினார்கள்” என்கிறார் இயக்குனர் ஸ்ரீதர் வெங்கடேசன். மேலும் தமிழ் சினிமா வரலாற்றில் முதன்முறையாக ஒரு புது முயற்சியாக க்ளைமாக்ஸுக்கு சற்று முன்பாக 11 நிமிடங்கள் கொண்ட பாடல் காட்சி இடம் பெறுகிறது. இது வழக்கமான ஒரு பாடலாக இல்லாமல் உணர்வுப்பூர்வமான பாடலாக இருக்கும்.

“இந்தப்படத்தின் நாயகன் சந்தோஷ் பிரதாப்பின் ஒத்துழைப்பும் அர்ப்பணிப்பு உணர்வும் மறக்க முடியாது ஒன்று. ஒரு நாற்காலியிலேயே அமர்ந்தபடி, தனது நடிப்பை முகத்தின் உணர்ச்சிகளிலேயே விதம் விதமாகப் பிரதிபலித்து நடித்துள்ளார். நிச்சயம் இந்தப் படம் தமிழ்சினிமாவில் அவருக்கு அடுத்த படியாக இருக்கும்” என்கிறார் இயக்குனர்.தற்போது திரையரங்குகள் செயல்பட ஆரம்பித்துவிட்ட நிலையில், இந்தப்படம் வரும் நவ-27ஆம் தேதி திரையரங்குகளில் வெளியாக இருக்கிறது. ஓடிடி தளங்கள் இந்தப் படத்தை வெளியிட தங்களை அணுகியபோதும் மறுத்து விட்டார்களாம் தயாரிப்பாளர்கள்.

“இந்த படத்தை ஆரம்பிக்கும்போதே நாங்கள் இரண்டு விஷயங்களில் உறுதியாக இருந்தோம்.. முதலில் படத்தைச் சர்வதேச திரைப்பட விழாக்களுக்கு அனுப்பி விட்டு, அதன்பிறகே திரையரங்குகளில் ரிலீஸ் செய்வது, இரண்டாவதாக தியேட்டர்களில் ரிலீஸ் செய்த பின்னரே, ஒடிடிக்கு படத்தைத் தருவது என நாங்கள் முடிவு செய்த படியே இந்தப்படத்தை தியேட்டர்களில் வெளியிடுகிறோம்..” என்கிறார் இயக்குனர் ஸ்ரீதர் வெங்கடேசன்.புருஷோத்தமன், வீரையன் பாடல்கள் எழுதுகிறார். விஜய் ஆண்ட்ரூஸ் எடிடிங் செய்கிறார். மனோ ராஜா ஒளிப்பதிவு செய்கிறார். ஜோஸ் பிராங்க்ளின் இசை அமைக்கிறார். கனகா வெங்கடேசன், சவீதா வெங்கடேசன் மற்றும் கோபி கிருஷ்ணப்பா தயாரிக்கின்றனர்.

More Cinema News

Get your business listed on our directory https://directory.thesubeditor.com >>


READ MORE ABOUT :

அண்மைய செய்திகள்

அதிகம் படித்தவை