Friday, Mar 5, 2021

வலிமை குறித்து பொறுமை தேவை : அஜித் வேண்டுகோள்

by Balaji Feb 16, 2021, 20:12 PM IST

தான் நடித்து வெளிவர இருக்கும் வலிமை திரைப்படம் குறித்து அவசரப்பட கூடாது. பொறுமை காக்க வேண்டும் என்று நடிகர் அஜித் ரசிகர்களுக்கு வேண்டுகோள் விடுத்துள்ளார். இதுகுறித்து அவர் வெளியிட்டுள்ள அறிக்கையில், என் மீதும் என் படங்களின் மீதும் அபரிதமான அன்பும் கொண்டு இருக்கும் எதையும் எதிர்பாராத அன்பு செலுத்தும் பான் உண்மையான ரசிகர்களுக்கும், மக்களுக்கும் என் மனமார்ந்த வணக்கம். கடந்த சில நாட்களாக என் ரசிகர்கள் என்ற பெயரில் நான் நடித்து இருக்கும் "வலிமை" சம்பந்தப்பட்ட updates கேட்டு அரசு, அரசியல் விளையாட்டு மற்றும் பல்வேறு இடங்களில் சிலர் செய்து வரும் செயல்கள் என்னை வருத்தமுறச் செய்கிறது.

முன்னரே அறிவித்தபடி படம் குறித்த செய்திகள் உரிய நேரத்தில் வரும் அதற்கான காலத்தை, நேரத்தை நான் தயாரிப்பாளருடன் ஒருங்கிணைந்து நிர்ணயம் செய்வேன். அதுவரை பொறுமையுடன் காத்திருக்கவும். உங்களுக்கு சினிமா ஒரு பொழுது போக்கு மட்டுமே. எனக்கு சினிமா ஒரு தொழில், நான் எடுக்கும் முடிவுகள் என் தொழில் மற்றும், சமூக நலன் சார்ந்தவை. நம் செயல்களே சமூகத்தில் நம் மீது உள்ள மரியாதையை காட்டும் இதை மனதில் கொண்டு ரசிகர்கள் பொது வெளியிலும், சமூக வலைத்தளங்களிலும் கண்ணியத்தையும், கட்டுப்பாட்டையும் கடைப்பிடிக்க வேண்டும் என கேட்டுக் கொள்கிறேன். என் மேல் உண்மையான அன்பு கொண்டவர்கள் இதை உணர்த்து செயல்படுவார்கள் என நம்புகிறேன் என்று குறிப்பிடப்பட்டுள்ளது.

You'r reading வலிமை குறித்து பொறுமை தேவை : அஜித் வேண்டுகோள் Originally posted on The Subeditor Tamil

READ MORE ABOUT :

More Cinema News

அதிகம் படித்தவை