Thursday, May 13, 2021

பிரசாந்த்தின் அந்தகன் படத்தில் இணைந்த நவரச நாயகன்!

by Sasitharan Apr 22, 2021, 20:34 PM IST

இந்தியில் ஆயுஷ்மான் குரானா நடிப்பில் கடந்த 2018ம் ஆண்டு வெளியான படம் அந்தாதுன். இப்படத்திற்கு சிறந்த இந்தி படம், நடிகர் மற்றும் திரைக்கதைக்கான தேசிய விருது கிடைத்தது. தமிழில் இப்படம் ரீமேக் ஆகிறது என்று அறிவிக்கப்பட்டாலும் டைட்டில் ஜனவரி 1ம் தேதி அறிவிப்பதாக தெரிவிக்கப்பட்டிருந்தது. அதன்படி படத்துக்கு அந்தகன் என பெயரிடப்பட்டிருப்பதாக அறிவிக்கப்பட்டுள்ளது. ஆயுஷ்மான் குரானா வேடத்தில் பிரசாந்த் நடிக்க, முக்கிய கேரக்டரில் சிம்ரன் நடிக்க இருக்கிறார்.

இப்படத்தை ஜே.ஜே. ப்ரட்ரிக் இயக்குவதாக இருந்த நிலையில் கடைசியில் பிரசாந்தின் தந்தை தியாகராஜனே இயக்குகிறார். பிரியா ஆனந்த், சமுத்திரகனி, வனிதா விஜயகுமார் என மேலும் பல நட்சத்திரங்கள் நடிக்க, சந்தோஷ் நாராயணன் இசை அமைக்கிறார். தியாகராஜன் தயாரிக்கிறார். கார்த்திக் முக்கிய வேடத்தில் நடிக்கிறார். இந்த படத்தில் நடிப்பதற்காக பிரசாந்த் தன் உடல் எடையை வெகுவாக குறைத்துள்ளார்.

பியானோ இசை கலைஞர் வேடம் ஏற்றிருக்கும் பிரசாந்த் கிறிஸ்துமஸ் தினத்தன்று பியானோ இசைத்து அதை வீடியோவாக வெளியிட்டிருந்தார். லண்டன் இசைக் கல்லூரியில் பியானோ இசை கிரேட் 4 முடித்தவர் பிரசாந்த் என்பது குறிப்பிடத்தக்கது. அந்தாதுன் ரீமேக் பிரசாந்த்துக்கு இந்த ஆண்டில் திருப்பு முனையான படமாக இருக்கும் என்று எதிர்பார்க்கப்படுகிறது.

இதற்கிடையே இந்தப் படத்தின் ஷூட்டிங் தொடர்ந்து நடைபெற்று வரும் நிலையில் தற்போது படக்குழுவில் நடிகர் கார்த்தக் இணைந்துள்ளார். கடந்த சில நாட்களாக உடல்நலம் சரியில்லாமல் இருந்த கார்த்திக், சிகிச்சை முடிந்து உடல்நலம் தேறியதை அடுத்து தற்போது ஷூட்டிங்கிற்கு சென்றுள்ளார். ஷூட்டிங்கில் இணைந்த கார்த்திக்கை சிம்ரன், பிரசாந்த், தியாகராஜன் ஆகியோர் வரவேற்று இருக்கும் புகைப்படங்கள் தற்போது வெளியாகி உள்ளன.

You'r reading பிரசாந்த்தின் அந்தகன் படத்தில் இணைந்த நவரச நாயகன்! Originally posted on The Subeditor Tamil

More Cinema News

அண்மைய செய்திகள்