நேர் கொண்ட பார்வை திரைப் படத்திற்கு பிறகு இயக்குநர் வினோத் மற்றும் தயாரிப்பாளர் போனி கபூர் உடன் இரண்டாவது முறையாக அஜித் இணைந்துள்ள படம் வலிமை.
வலிமை படத்தில் அஜித், போலீஸ் வேடத்தில் நடித்துள்ளார். போதை பொருள் கடத்தல்காரர்களை எதிர்க்கும் போலீசாக அவர் நடித்துள்ளார். வில்லனாக கார்த்திகேயாவும், ஹீரோயினாக ஹூமா குரேஷியும் நடித்துள்ளனர். இவர்களுடன் ராஜ் ஐயப்பா, சுமித்ரா உள்ளிட்ட பலர் முக்கிய வேடங்களில் நடித்துள்ளனர்.
இங்கிலாந்து கிரிக்கெட் வீரர் முதல் உள்ளூர் டிவி நிகழ்ச்சி நேரலை வரை அஜித் ரசிகர்கள் வலிமை அப்டேட் கேட்டு ரகளை செய்தனர். இந்த படத்திற்கு கூடுதல் பப்ளிசிட்டி ஆகி உள்ளது. அஜித் கோரிக்கை வைத்த பிறகும் வலிமை அப்டேட் கேட்பதை ரசிகர்கள் நிறுத்தியதாக தெரியவில்லை.
வலிமை திரைப்படத்தின் ஃபஸ்ட்லுக் போஸ்டரை அஜித்தின் 50 வது பிறந்த நாளான மே 1 ஆம் தேதியன்று வெளியிட படக்குழு திட்டமிட்டிருந்தது. இதற்காக, பாலிவுட்டின் புகழ்பெற்ற போஸ்டர் டிசைனரான ராகுல் நந்தா தான், வலிமை படத்தின் ஃபஸ்ட்லுக் போஸ்டரை வடிவமைத்துள்ளார்.
இந்நிலையில் படத்தின் தயாரிப்பாளர் போனி கபூர், “ எங்கள் நிறுவனத்தின் சார்பில் நாங்கள் கொடுத்த முந்தைய அறிக்கையில் வருகின்ற மே 1 ஆம் தேதி அஜித்குமார் அவர்களின் 50 ஆவது பிறந்தநாளை முன்னிட்டு அவரது நடிப்பில் வினோத் இயக்கத்தில் எங்கள் நிறுவனத்தின் தயாரிப்பில் உருவான வலிமை படத்தின் ஃபர்ஸ்ட் லுக் வெளியிடுவதாக அறிவித்து இருந்தோம். அந்த அறிவிப்பு வெளிவரும்போது கொரோனா நோயின் இரண்டாவது அலை வரும் என்றோ அதன் தாக்கம் சுனாமி போல தாக்கும் என்றோ சிறிதும் எதிர்பார்க்கவில்லை. இந்த தருணத்தில் தேசமெங்கும் எண்ணற்றோர் பொருளாதாரம் இழந்து உற்றார் உறவினர் உயிர் இழந்து நோய் பற்றிய பீதியிலும் அதிர்ச்சியிலும் ஆழ்ந்து இருக்கின்றனர்.
இத்தகைய அதாசாரண சூழ்நிலையில் ஜீ ஸ்டூடியோஸ் பே வியூ ப்ரொஜெக்ட்ஸ் இப்படத்தில் நடித்து உள்ள கலைஞர்கள், பணியாற்றிய தொழில்நுட்ப கலைஞர்கள் அனைவரும் ஒருங்கிணைந்து எடுத்து உள்ள முடிவின் படி வலிமை படத்தின் ஃபர்ஸ்ட்லுக் வெளியீடு மற்றுமொரு தேதிக்கு தள்ளிவைக்கப்படுகிறது. நாம் அனைவரும் ஒன்றிணைந்து அனைவரின் நலத்துக்காகவும், பாதுகாப்பாகவும் பிராத்திப்போம்” எனக் குறிப்பிட்டுள்ளார்.
இதனால் தல ரசிகர்கள் தலையை பிய்த்துக்கொண்டுள்ளனர்.
.jpeg)
