என்ன அபிநந்தன் சார்... நீங்களுமா... பிஜேபிக்கு வாய்ஸ்... வீடியோவால் சர்ச்சை!

May 5, 2019, 08:34 AM IST

விங் கமாண்டர் அபிநந்தன் வர்தமான்... இந்தப் பெயரை அவ்வளவு சீக்கிரம் யாரும் மறந்திருக்க முடியாது. இந்திய எல்லைக்குள் அத்துமீறிய பாகிஸ்தான் எப்16 போர் விமானத்தை துரத்திச் சென்று சுட்டு வீழ்த்திய வீரன். அப்போது தானும் பாகிஸ்தானிடம் சிறைபிடிக்கப்பட்டு, இந்தியா மற்றும் உலக நாடுகளின் நெருக்கடியால் மீண்டு வந்து ஒரே நாளில் ஒட்டுமொத்த இந்தியாவே அபிநந்தனை ஹுரோவாக கொண்டாடி மகிழ்ந்தது. பாகிஸ்தான் பிடியிலிருந்து மீண்டு வாகா எல்லையில் இந்திய மண்ணில்,அபிநந்தன் கம்பீர நடை போட்டு காலடி எடுத்து வைத்த காட்சிகளைப் பார்த்து மெய்சிலிர்க்காதவர்கள் யாரும் இருக்க முடியாது.


இதெல்லாம் நடந்து முடிந்து 2 மாதங்களாகி விட்டது. அபிநந்தனும் மீண்டும் பணியில் சேர்ந்து விட்டார் என்றும் அறிவிப்பு வெளியானது. இந்தக் காலக் கட்டத்தில் பொது வெளியில் அவருடைய நடமாட்டமோ, புகைப்படங்களோ வெளியாகாத நிலையில், தற்போது அபிநந்தன் சக வீரர்களுடன் உற்சாகம் பொங்க குதூகலமாக காட்சியளிக்கும் வீடியோ ஒன்று வெளியாகி சமூக வலைதளங்களில் வைர லாகி, கூடவே சர்ச்சைகளும் றெக்கை கட்ட ஆரம்பித்துள்ளது.


119 வினாடிகள் ஓடும் இந்த வீடியோ எங்கே? எப்போது? எடுக்கப்பட்டது என்ற தகவல்கள் ஏதும் இல்லாத நிலையில், சக வீரர்களுடன் சிரித்து மகிழ்ந்து குதூகலமாக காட்சியளிக்கும் அபிநந்தன், சக வீரர்களுடன் உற்சாகமாக போட்டோ, செல்பிக்கு போஸ் கொடுக்கிறார். பின்னர் திடீரென சக வீரர்களுடன் 'பாரத் மாதா கீ ஜே' கோஷத்தை உச்சஸ்தாயியில் உரக்க ஒலிக்கிறார்.


இந்த வீடியோ நேற்று இரவு முதல் சமூக வலைதளங்களில் படு வைரலாக பரவி வருகிறது. கூடவே தேர்தல் நேரத்தில் இந்த வீடியோ வெளியானதன் காரணம் என்ன? ராணுவ கட்டுப்பாடு இதுதானா? ரகசியம் காக்கப்பப வேண்டிய ராணுவம் இருக்கும் இடத்தை வீடியோ எடுத்து காட்டிக் கொடுப்பதா? அபிநந்தனும் பிஜேபிக்கு வாய்ஸ் கொடுக்கிறாரா? தேர்தல் கமிஷன் உடனே நடவடிக்கை எடுக்க வேண்டும் என நெட்டிசன்கள் ஏகத்துக்கும் விளாசி வருவது பெரும் சர்ச்சையாகியுள்ளது.


ஏற்கனவே பிரதமர் மோடி உள்ளிட்ட பாஜக தலைவர்கள் , தங்கள் பிரச்சாரத்தில் இந்திய ராணுவத்தின் வீர, தீரங்களை தங்கள் கட்சிக்கு மட்டுமே சொந்தம் என்பது போல் பேசி வருவது ஏகப்பட்ட விமர்சனங்களுக்கு ஆளாகி வருகிறது.இந்நிலையில் தான் திடீரென உலா வரும் அபிநந்தனின் வீடியோவும் புதிய சர்ச்சையை உருவாக்கியுள்ளது.

கெஜ்ரிவாலுக்கு கன்னத்தில் 'அறை' விட்ட இளைஞர்.. டெல்லியில் பரபரப்பு


Speed News

  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST