74 வயது பாட்டிக்கு இரட்டைக் குழந்தை... ஆந்திராவில் அதிசயம்

by எஸ். எம். கணபதி, Sep 6, 2019, 12:24 PM IST

ஆந்திராவில் 74 வயது பாட்டிக்கு இரட்டைக் குழந்தை பிறந்துள்ளது. இதனால், 55 ஆண்டுகளாக குழந்தை இல்லாமல் தவித்த அந்த முதிய தம்பதி மகிழ்ச்சியடைந்துள்ளனர்.

ஆந்திராவில் கிழக்கு கோதாவரி மாவட்டத்தில் உள்ள நேலபார்த்திபகுடி என்ற கிராமத்தைச் சேர்ந்தவர் எர்ரம்செட்டி ராஜாராவ். இவரது மனைவி மங்கயம்மா. இவர்களுக்கு திருமணம் முடிந்து 55 ஆண்டுகளாகி விட்டன. ஆனால், குழந்தையே இல்லை. இதனால், குழந்தை ஆசையில் ஏங்கித் தவித்தனர். அப்போது குண்டூரில் உள்ள ஒரு மருத்துவமனையில் வயதான பெண்களும் செயற்கை முறையில் கருத்தரித்து குழந்தை பெற்றுக் கொண்டதை அறிந்தனர். இதையடுத்து, குண்டூரில் உள்ள அகல்யா மருத்துவமனைக்கு வந்தனர்.

74 வயதான மங்கயம்மாவின் உடல்நிலை குழந்தை பெற்றுக் கொள்ள சரிப்பட்டு வருமா என்று மருத்துவமனையில் ஆய்வு செய்தனர். அதன்பிறகு, செயற்கைக் கரு தரிக்கும் முறையில்(விட்ரோ பெர்ட்டிலைசேசன்) கருத்தரிக்கச் செய்யப்பட்டது. இதன்பின், மருத்துவமனையிலேயே அவரை தீவிரமாக கண்காணித்து வந்தனர். நேற்று(செப்.5) காலையில் மங்கயம்மாவுக்கு சிசேரியன் அறுவை சிகிச்சை செய்யப்பட்டது. டாக்டர் உமாசங்கர் தலைமையில் 4 டாக்டர்கள் இந்த அறுவை சிகிச்சையை மேற்கொண்டனர்.

இதில், மங்கயம்மாவுக்கு இரட்டைக் குழந்தைகள் பிறந்தன. இரண்டுமே பெண் குழந்தைகள். இது பற்றி, டாக்டர் உமாசங்கர் கூறுகையில், தாயும் குழந்தைகளும் சுகமாக உள்ளனர். இது நிச்சயமாக மருத்துவ உலகில் ஒரு சாதனை என்றார்.

ஏற்கனவே கடந்த 2016ம் ஆண்டில் பஞ்சாப்பை சேர்ந்த தல்ஜிந்தர் கவுர் என்ற 70 வயது பெண்மணி, ஆண்குழந்தை பெற்றார். 70வயதில் குழந்தை பெற்றதுதான் சாதனையாக இருந்தது. இப்போது அதை 74 வயது மங்கயம்மா முறியடித்துள்ளார்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST