தெலங்கானாவில் 48 ஆயிரம் போக்குவரத்து தொழிலாளர் டிஸ்மிஸ்.. முதல்வர் சந்திரசேகர ராவ் அதிரடி..

by எஸ். எம். கணபதி, Oct 7, 2019, 08:32 AM IST

தெலங்கானாவில் தங்களை அரசு ஊழியர்களாக்கக் கோரி, ஸ்டிரைக்கில் ஈடுபட்ட 48 ஆயிரம் போக்குவரத்து தொழிலாளர்களை டிஸ்மிஸ் செய்து அதிரடி காட்டியுள்ளார் முதலமைச்சர் சந்திரசேகர ராவ்.

தெலங்கானா மாநிலத்தில் முதலமைச்சர் கே.சந்திரசேகர ராவ்(கே.சி.ஆர்) தலைமையில் டி.ஆர்.எஸ். கட்சி ஆட்சி நடைபெறுகிறது. அங்கு கடந்த நான்கைந்து நாட்களாக அரசு போக்குவரத்து கழக ஊழியர்கள் காலவரையற்ற ஸ்டிரைக்கில் ஈடுபட்டு வருகின்றனர். ஆந்திராவில் போக்குவரத்து கழக ஊழியர்கள் அரசு ஊழியர்களாக மாற்றப்பட்டது போல், தங்களையும் அரசு ஊழியர்களாக மாற்ற வேண்டுமென்றும், ஊதிய உயர்வு உள்பட பல கோரிக்கைகளை வலியுறுத்தியும் போராட்டம் நடைபெறுகிறது. மொத்தம் 49,340 பேர் ஸ்டிரைக்கில் ஈடுபட்டனர்.

இந்நிலையில், போராடுபவர்கள் பணிக்கு வருவதற்கு நேற்று(அக்.6) மாலை வரை அவகாசம் தரப்பட்டது. பணிக்கு வராதவர்கள் மீது கடும் நடவடிக்கை எடுக்கப்படும் என்றும் அரசு தரப்பில் தெரிவிக்கப்பட்டது. இதன்பின்னர், நேற்று மாலையில் சந்திரசேகரராவ் தலைமையில் அரசு உயர் அதிகாரிகள் ஆலோசனை கூட்டம் நடைபெற்றது. இதன் முடிவில், சந்திரசேகர ராவ் கூறியதாவது:

பணிக்கு வராத 48 ஆயிரம் போக்குவரத்து ஊழியர்களும் டிஸ்மிஸ் செய்யப்பட்டனர். அவர்களிடம் பேச்சுவார்த்தை என்ற கேள்விக்கே இடமில்லை. அரசு போக்குவரத்து கழகம் ரூ.5 ஆயிரம் கோடி நஷ்டத்தை சந்தித்து வருகிறது. எனவே, எந்த கோரிக்கையும் ஏற்கப்படாது. தற்போது 1200 ஊழியர்களே உள்ளனர். எனவே, அரசு 2500 தனியார் பஸ்களை லீசுக்கு எடுத்து மக்களுக்காக இயக்கும். மேலும், அரசு தனியார் கூட்டாக சேர்ந்து 4114 பஸ்களை இயக்க நடவடிக்கை எடுக்கப்படும். வருங்காலத்தில் அரசு தனியார் இணைந்து போக்குவரத்து கழகத்தை நடத்துவதற்கு முயற்சிகள் மேற்கொள்ளப்படும்.

இவ்வாறு சந்திரசேகர ராவ் தெரிவித்தார்.

தமிழ்நாட்டில் 2001-06ம் ஆண்டில் ஜெயலலிதா முதலமைச்சராக இருந்த போது, அரசு ஊழியர்கள் காலவரையற்ற போராட்டம் நடத்தினர். அப்போது, பல ஆயிரம் ஊழியர்களை ஜெயலலிதா அரசு டிஸ்மிஸ் செய்தது. பின்னர், அந்த ஊழியர்கள் நீண்ட சட்டப் போராட்டம் நடத்தி மீண்டும் பணியில் சேர்ந்தனர். அதிலும் போராட்டத்தை தூண்டி விட்ட சங்கத் தலைவர்களால் மீண்டும் பணிக்கு சேரவே முடியவில்லை.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST