ரூ.1600 கோடி மதிப்புடைய சசிகலா சொத்துகள் முடக்கம்.. பினாமி ஒழிப்பு சட்டத்தில் நடவடிக்கை..

by எஸ். எம். கணபதி, Nov 5, 2019, 12:02 PM IST

சசிகலாவுக்கு சொந்தமான ரூ.1600 கோடி மதிப்புடைய சொத்துகளை பினாமி ஒழிப்பு சட்டத்தின் கீழ் வருமான வரித் துறையினர் முடக்கி வைத்துள்ளனர்.

மறைந்த முதலமைச்சர் ஜெயலலிதா சொத்துக்குவிப்பு வழக்கில் அவரது உடன்பிறவா சகோதரி சசிகலா நடராஜன், அவரது உறவினர்கள் இளவரசி, சுதாகரன் ஆகியோர் தண்டனை பெற்று கடந்த 2017ம் ஆண்டு முதல் பெங்களூரு பரப்பன அக்ரஹாரா சிறையில் அடைக்கப்பட்டுள்ளனர்.

இதற்கிடையே, 2017ம் ஆண்டு நவம்பரில் சசிகலா குடும்பத்தினர் மற்றும் அவருக்கு நெருக்கமானவர்களின் வீடுகள், அலுவலகங்கள் உள்ளிட்ட இடங்களில் வருமான வரித் துறையினர் அதிரடி ரெய்டுகளை நடத்தினர். சென்னை, புதுச்சேரி, கோவை உள்ளிட்ட நகரங்களில் 37 இடங்களில் ரெய்டுகள் நடத்தப்பட்டன. சுமார் 1800 அதிகாரிகள் இந்த ரெய்டுகளை நடத்தினர். ஜெயலலிதாவின் போயஸ் கார்டன் வீட்டிலும் ரெய்டு நடத்தப்பட்டது.

கடந்த 2016ம் ஆண்டு நவம்பர் 8ம் தேதியன்று பிரதமர் நரேந்திர மோடி, பணமதிப்பிழப்பு அறிவிப்பை வெளியிட்டார். அதன்பிறகு, அப்படி மதிப்பிழப்பு செய்யப்பட்ட ரூ.1000, ரூ.500 நோட்டுகளை பயன்படுத்தி ஏராளமான சொத்துகள் சசிகலாவின் பினாமி பெயர்களில் வாங்கப்பட்டிருக்கிறது. இதை ரெய்டுகளில் வருமானவரித் துறையினர் கண்டுபிடித்தனர். மேலும், சசிகலா குடும்பத்தினருக்கு நெருக்கமானவர்களின் 150 இடங்களில் நடத்தப்பட்ட ரெய்டுகளில் பல பினாமிச் சொத்துக்களுக்கான ஆவணங்கள் பறிமுதல் செய்யப்பட்டன.

இதையடுத்து, வருமானவரித் துறையில் பினாமி ஒழிப்பு பிரிவு, சசிகலாவின் பினாமி சொத்துகள் குறித்து கணக்கெடுப்பு நடத்தினர். இதில், டிரைவர்கள், அலுவலக உதவியாளர்கள் உள்ளிட்ட பலரின் பெயர்களில் பெரிய சொத்துக்கள் வாங்கப்பட்டிருந்தது தெரிய வந்தது. இதைத் தொடர்ந்து, பினாமி பரிவர்த்தனைகள் தடுப்புச் சட்டப் பிரிவு 24(3)-ன் கீழ் ரூ.1600 கோடி மதிப்புடைய சசிகலாவின் சொத்துகளை முடக்கி வைத்து வருமானவரித் துறை நடவடிக்கை எடுத்துள்ளது.

சென்னை பெரம்பூரில் உள்ள ஷாப்பிங் மால், புதுச்சேரி ஸ்ரீலட்சுமி ஜுவல்லரி மற்றும் கோவையில் உள்ள செந்தில் பேப்பர்ஸ் அன்ட் போர்டு கம்பெனி பெயரிலான ரிசார்ட் ஆகியவை உள்ளிட்ட சொத்துகள் முடக்கப்பட்டிருக்கின்றன.

வருமான வரித் துறையினரின் இந்த அதிரடி நடவடிக்கை குறித்து தற்போது தகவல்கள் வெளியாகி வருகின்றன. இது தமிழக அரசியலில் பரபரப்பை ஏற்படுத்தியுள்ளது.

READ MORE ABOUT :

Speed News

  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST
  • ஒரு லட்சத்து 6,750 பேருக்கு

    கொரோனா பரவியது..

    நாடு முழுவதும் கொரோனா பாதித்தவர்களின் எண்ணிக்கை ஒரு லட்சத்து  1,139 பேரில் இருந்து  ஒரு லட்சத்து 6,750 பேராக அதிகரித்துள்ளது. குணமடைந்தவர்களின் எண்ணிக்கை 39,174ல் இருந்து 41,298 ஆக அதிகரித்து்ள்ளது. கொரோனாவால் பலியானவர்களின் எண்ணிக்கை  3,163ல் இருந்து 3,303 ஆக உயர்ந்துள்ளது.

    May 20, 2020, 13:42 PM IST
  • மகாராஷ்டிராவில் கொரோனாவுக்கு

    1325 பேர் உயிரிழப்பு

    நாட்டிலேயே மகாராஷ்டிராவில்தான் மிகவும் அதிகமானோருககு கொரோனா பரவியிருக்கிறது. இது வரை 37,136 பேருக்கு கொரோனா தொற்று கண்டறியப்பட்டிருக்கிறது. இதில் 1325 பேர் சிகிச்சை பலனின்றி உயிரிழந்துள்ளனர். காவல்துறையில் மட்டும் 1388 பேருக்கு கொரோனா பரவியிருக்கிறது. இதில் 428 பேர் குணமடைந்துள்ளனர். 12 பேர் பலியாகியுள்ளனர். 

    May 20, 2020, 13:37 PM IST