மக்களை பழிவாங்கும் முதல்வர்.. பிரியங்கா காந்தி குற்றச்சாட்டு

by எஸ். எம். கணபதி, Dec 31, 2019, 08:38 AM IST

உத்தரப்பிரதேசத்தில் போராட்டம் நடத்தும் மக்களை முதல்வர் யோகி ஆதித்யநாத் பழிவாங்குகிறார் என்று பிரியங்கா காந்தி குற்றம்சாட்டியுள்ளார்.

குடியுரிமை திருத்தச் சட்டத்தை எதிர்த்து நாடு முழுவதும் ஆங்காங்கே போராட்டங்கள் நடைபெற்றன. குறிப்பாக, உத்தரப்பிரதேசத்தில் லக்னோ, மீரட் உள்ளிட்ட இடங்களில் கலவரங்கள் வெடித்தன. இதில் போலீசார் துப்பாக்கிச் சூடு நடத்தினர். கலவரங்களிலும், துப்பாக்கிச்சூட்டிலும் 20க்கும் மேற்பட்டோர் உயிரிழந்துள்ளனர்.

உயிரிழந்தவர்களின் குடும்பத்தினரை காங்கிரஸ் பொதுச் செயலாளர் பிரியங்கா காந்தி சந்தித்து ஆறுதல் கூறினார். அதே போல், உ.பி. போலீசார் ஏராளமானோரை கைது செய்துள்ளனர். கைதானவர்களின் வீடுகளுக்கும் பிரியங்கா காந்தி சென்றார். அவரை போலீசார் பல முறை தடுத்தும் அவர் தொடர்ந்து போய் வருகிறார்.
இந்நிலையில், லக்னோவில் பிரியங்கா காந்தி நிருபர்களுக்கு பேட்டியளித்தார். அப்போது அவர் கூறியதாவது:

குடியுரிமை திருத்தச் சட்டத்தை எதிர்த்து போராட்டம் நடத்தியவர்களை பாஜக அரசு பழிவாங்குகிறது. முதல்வர் யோகி ஆதித்யநாத் வெளிப்படையாக நாங்கள் பழிவாங்குவோம் என்று கூறுகிறார். இப்படி ஒரு முதலமைச்சரே பேசுவது இதுதான் முதல்முறையாக இருக்கும்.
நான் பிஜ்னோரில் ஒரு குடும்பத்தினரை சந்தித்தேன். அவர்களது 21 வயது மகன் சுலேமான், விடுமுறையில் வந்திருக்கிறார்.

அந்த மகன், தொழுகைக்கு சென்றிருக்கிறார். சிறிது நேரத்தில் அவன் துப்பாக்கிச் சூட்டில் பலியாகி விட்டதாக தகவல் வந்திருக்கிறது. அவர்கள் போலீசார் மீது புகார் கொடுத்திருக்கிறார்கள்.

இதே போல், இன்னொருவர் காபி இயந்திரத் தொழிலாளி. அவரது மகன் பால் வாங்கச் சென்றிருக்கிறான். அப்போதே அந்த தொழிலாளி, அவனை கலவரங்கள் நடப்பதாக எச்சரித்திருக்கிறார். ஐந்து நிமிடத்தில் திரும்பி விடுவதாக சொன்ன அவனும் சுட்டு கொல்லப்பட்டு விட்டான்.

ஆனால், அந்த தொழிலாளி குடும்பத்தினரை போலீசார் மிரட்டி புகார் கொடுக்க விடாமல் செய்திருக்கிறார்கள்.

மாநிலம் முழுவதும் 5 ஆயிரத்திற்கும் மேற்பட்டவர்களை கைது செய்து சிறையில் அடைத்திருக்கிறார்கள். யாரையும் விசாரிக்காமலேயே கைது செய்திருக்கிறார்கள். இந்த நாட்டின் ஆன்மாவாக உள்ள இந்த மாநிலத்தில் வன்முறைக்கு இடமில்லை. கிருஷ்ணரும், ராமரும் கருணையை போதித்தார்கள். அதை யோகி ஆதித்யநாத் கடைபிடிக்க வேண்டும். ஆனால், அவர் பேச்சை கேட்டு போலீசாரும் பழிவாங்குகிறார்கள்.
இவ்வாறு பிரியங்கா காந்தி கூறினார்.


Speed News

  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST
  • மகாராஷ்டிராவில் ஒரே நாளில்

    4878 பேருக்கு கொரோனா

    நாட்டிலேயே அதிகபட்சமாக மகாராஷ்டிராவில்தான் கொரோனா பாதித்துள்ளது. நேற்று ஒரே நாளில் 4878 பேருக்கு கொரோனா தொற்று உறுதி செய்யப்பட்டுள்ளது. இது வரை மொத்தம் ஒரு லட்ச்த்து 74,761 பேருக்கு கொரோனா பாதித்திருக்கிறது. இதில் 90,911 பேர் குணம் அடைந்துள்ளனர். இ்ம்மாநிலத்தில் 9 லட்சத்து 66,723 கொரோனா பரிசோதனைகள் செய்யப்பட்டுள்ளது.

    Jul 1, 2020, 13:43 PM IST
  • ராஜஸ்தானில் 18 ஆயிரம் பேருக்கு

    கொரோனா தொற்று பாதிப்பு

    ராஜஸ்தானில் முதல்வர் அசோக் கெலாட் தலைமையில் காங்கிரஸ் ஆட்சி நடைபெறுகிறது. இந்த மாநிலத்தில் நேற்று 354 பேருக்கு கொரோனா தொற்று பாதித்துள்ளது. இது வரை மொத்தம் 18,014 பேருக்கு கொரோனா தொற்று கண்டறியப்பட்டுள்ளது. இது வரை 413 பேர் கொரோனாவால் பலியாகியுள்ளனர். 

    ராஜஸ்தானில் இது வரை 8 லட்சத்து 24,213 கொரோனா பரிசோதனைகள் மேற்கொள்ளப்பட்டுள்ளன. இத்தனை சோதனைகளில் 18 ஆயிரம் பேருக்குத்தான் கொரோனா பரவியிருக்கிறது. ஆனால், தமிழ்நாட்டில் 11 லட்சம் பரிசோதனைகள் செய்ததில் 90 ஆயிரம் பேருக்கு கொரோனா பாதித்துள்ளது. அதே போல், தமிழகத்தில் கொரோனா பலியும் 1200 ஆக உள்ளது. 

    Jul 1, 2020, 13:40 PM IST
  • தந்தை, மகன் மரணம் குறித்த வழக்கு

    சி,பி.சி.ஐ.டி விசாரிக்க உத்தரவு

    சாத்தான்குளம் ஜெயராஜ், அவரது மகன் பென்னிக்ஸ் ஆகியோர் மர்ம மரணம் தொடர்பாக சி.பி.ஐ. விசாரணைக்கு தமிழக அரசு பரிந்துரைத்துள்ளது. இந்நிலையில், இது தொடர்பான வழக்கு மதுரை ஐகோர்ட் கிளையில் இன்று விசாரணைக்கு வந்தது. அப்போது, நீதிபதிகள் கூறுகையில், ‘‘இந்த 2 பேர் மரணம் தொடர்பான தடயங்களை மறைக்க வாய்ப்புள்ளதால்,  வழக்கை சி.பி.ஐ. விசாரிக்கத் தொடங்கும் வரை சி.பி.சி.ஐ.டி. விசாரிக்க வேண்டும்’’ என்று உத்தரவிட்டனர். 

    Jun 30, 2020, 13:33 PM IST