முன்பு இந்திய அணிக்கு கேப்டன்.. இப்போது பியூன் வேலை.. மாற்றுத்திறனாளியை விரட்டும் வறுமை!

by Sasitharan, Jul 28, 2020, 15:54 PM IST

இந்தியாவில் மற்ற விளையாட்டுகளைக் காட்டிலும் கிரிக்கெட்டுக்கு இருக்கும் மதிப்பு வேறு விளையாட்டுகளுக்கு கிடையாது என்பது அனைவரும் அறிந்தது. இந்திய கிரிக்கெட் பிளேயர்கள் அனைவரும் கோடிகளில் புரள்கின்றனர். அதுபோக பிசிசிஐ சார்பில் பல்வேறு வசதிகள் வேறு. முன்பைவிட ஐபிஎல் வந்த பிறகு இது இன்னுமும் அதிகமானது. ஆனால் இது அனைத்தையும் இந்திய ஆண்கள் அணியினர் மட்டுமே அனுபவிக்கின்றனர். மகளிர் அணியினரோ, மாற்றுத்திறனாளி அணிகளோ இதற்கு விதிவிலக்கு. இதில் விளையாடும் பல வீரர்கள் வாழ்வாதாரத்துக்காகக் கஷ்டப்படும் செய்திகளை அவ்வப்போது பார்த்து வருகிறோம்.

இந்திய மாற்றுத்திறனாளி கிரிக்கெட் அணியின் கேப்டனாக இருந்தவர் தினேஷ் குமார் செயின். ஹரியானாவைச் சேர்ந்த இவர் 2015 முதல் 2019 வரையிலான இந்திய அணியில் இடம்பிடித்திருந்தார். இதே காலகட்டத்தில் அணிக்கு கேப்டனாகவும் செயல்பட்டுள்ளார். 2015ல் நடந்த ஐந்து நாடுகள் டோர்னமெண்ட்டில் 4 போட்டிகளில் 8 விக்கெட்டுகள் எடுத்து அசத்தினார். இந்திய அணியில் விளையாடும் போது ஓரளவு குடும்பத்தைச் சமாளித்து வந்த தினேஷுக்கு அதன்பிறகு சமாளிக்க முடியவில்லை. போலியோவால் கால்கள் முடங்கியதால் இவருக்கு வேலை எதுவும் கிடைக்கவில்லை.இந்நிலையில் தான் தற்போது தேசிய ஊக்கமருந்து தடுப்பு நிறுவனத்தின் பியூன் வேலைக்கு விண்ணப்பித்துள்ளார் இந்த 35 வயதுக்காரர். ஆனால் இந்த வேலை கிடைக்குமா என்பதிலும் சந்தேகம் எழுந்துள்ளது.

இதற்கான காரணத்தைக் கூறும் அவர், ``நான் 12ம் வகுப்பு முடிந்ததில் இருந்து கிரிக்கெட் விளையாடுகிறேன். இந்தியாவுக்காக விளையாடி இருக்கிறேன். என் குடும்பத்தை காப்பாற்றுவதற்கு என் கையில் தற்போது பணம் இல்லை. தேசிய ஊக்கமருந்து தடுப்பு நிறுவனத்தில் தற்போது ஒரு வேலை மட்டுமே உள்ளது.சாதாரண மக்களுக்கு இந்த வேலைக்கான தகுதி 25 வயது. என்னைப் போன்ற மாற்றுத்திறனாளிகளுக்கு வயது வரம்பு 35. ஆம், இதுவே எனது கடைசி வாய்ப்பு. நான் பிறந்தபோதே என் கால்கள் போலியோவால் பாதிக்கப்பட்டுள்ளது. ஆனால் கிரிக்கெட் என்றுவந்துவிட்டால் ஒருபோதும் நான் ஒரு மாற்றுத்திறனாளி என்று நினைத்து இல்லை" எனக் குமுறும் தினேஷுக்கு இந்த வேலை கிடைத்தாலே வாழ முடியும் என்ற நிலைக்குத் தள்ளப்பட்டுள்ளார்.


Leave a reply

Speed News

  • பெங்களூரு கலவரத்தில் இது வரை 206 பேர் கைது

     

    பெங்களூருவில் காங்கிரஸ் எம்.எல்.ஏ. உறவினர் நவீன் என்பவர் பேஸ்புக்கில் போட்ட பதிவால் கடந்த 2 நாட்களுக்கு முன்பு கலவரம் வெடித்தது. வாகனங்கள் தீக்கிரையாக்கப்பட்டன. எம்.எல்.ஏ. வீடு தாக்கப்பட்டது. 

    இந்த கலவரம் தொடர்பாக பெங்களூரு மாநகராட்சி கவுன்சிலரின் கணவர் கலீம் பாஷா உள்பட  இது வரை 206 பேர் கைது செய்யப்பட்டுள்ளதாக போலீஸ் இணை கமிஷனர் சந்தீப் பாடீல் தெரிவித்துள்ளார். 

    Aug 14, 2020, 10:15 AM IST

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

More India News