ஒரு மாதமாக `உயிர் போராட்டம் பீஸ் கட்ட முடியாத அவலம்!- கொரோனா டூட்டி பார்த்த டாக்டருக்கு நேர்ந்த சோகம்

by Sasitharan, Jul 28, 2020, 17:49 PM IST

மத்திய பிரதேசத்தின் நீமுச் மாவட்டத்தில் உள்ள சிங்ராலியைச் சேர்ந்தவர் ஜோகிந்தர் சவுத்ரி. 28 வயதான இவர் ஒரு மருத்துவர். மருத்துவம் படித்து முடித்துக் கடந்த நவம்பரில் தான் பணிக்குச் சேர்ந்துள்ளார் சவுத்ரி. டெல்லி அரசின் பாபா சாஹேப் அம்பேத்கர் (பிஎஸ்ஏ) மருத்துவமனையில் மருத்துவராக பணியாற்றி வந்துள்ளார். கொரோனா சூழ்நிலையை அடுத்து கொரோனா வார்டில் பணியாற்றியுள்ளதாகக் கூறப்படுகிறது. இதற்கிடையே கடந்த 27ம் தேதி சவுத்ரிக்கு கொரோனா பாதிப்பு இருப்பது உறுதி செய்யப்பட்டது. இதையடுத்து சிகிச்சைக்காகக் குடியிருப்புக்கு அருகே உள்ள தனியார் மருத்துவமனையில் அனுமதிக்கப்பட்டிருக்கிறார். ஆனால், தொடர்ந்து கொரோனா வைரஸால் அவதிப்பட, தீவிர சிகிச்சை எடுக்கும் நிலைக்குத் தள்ளப்பட்டார்.

இதையடுத்து, ஜூலை 7ம் தேதி தான் வேலை பார்த்த பிஎஸ்ஏ மருத்துவமனையில் ஐசியூ வார்டில் அனுமதிக்கப்பட்டார். அங்கு அவருக்குத் தீவிர சிகிச்சை அளிக்கப்பட்டு வந்தது. இதற்கிடையே, தான் முன்பு அனுமதிக்கப்பட்டிருந்த தனியார் மருத்துவமனையில் சிகிச்சைக்காக ரூ.3 லட்சம் கட்டணம் விதிக்கப்பட்டுள்ளது. முதல் தலைமுறை மருத்துவர் என்பதாலும், பணிக்குச் சேர்ந்து சில மாதங்களே ஆகியிருந்தாலும் அவரால் அந்த பணத்தைத் தயார் செய்ய முடியவில்லை. அவரது குடும்பத்தினராலும் அது முடியவில்லை. காரணம், சவுத்ரியின் தந்தை ஒரு விவசாயி. இதையடுத்து சவுத்ரியின் தந்தை பிஎஸ்ஏ மருத்துவமனை நிர்வாகத்துக்கு தங்கள் நிலைமையை விளக்கி கடிதம் எழுதவே அந்தக் கட்டணத் தொகையை மருத்துவமனை நிர்வாகமே ஏற்றுக்கொண்டது.

இது ஒரு புறம் என்றால் பிஎஸ்ஏ மருத்துவமனை பணியாளர்கள் சவுத்ரிக்காகப் பணம் வசூலித்து வந்தனர். அந்தப் பணம் அவரின் கைகளில் சேரும் முன்பாகவே மரணம் அடைந்துவிட்டார். ஆம், அவரால் கொரோனாவில் இருந்து மீள முடியவில்லை. கிட்டத்தட்ட ஒருமாத காலமாக கொரோனாவை எதிர்த்துப் போராடியவர் சிகிச்சை சில தினங்களுக்கு முன்பு உயிரிழந்துவிட்டார். கொடிய கொரோனா வைரஸுடன் சண்டையிட்டு மருத்துவர்கள் தங்கள் உயிரை இழப்பது இது முதல் முறை அல்ல. ஆனாலும் 28 வயதே ஆன சாவித்திரியின் மறைவு டெல்லி அரசு மருத்துவர்கள் மத்தியில் கலக்கத்தை ஏற்படுத்தியிருக்கிறது.


Leave a reply

Speed News

  • ஜெயலலிதா நினைவு இல்ல வழக்கு..

    ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 
    Aug 10, 2020, 14:48 PM IST
  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST
  • குஜராத்தி்ல் முகக்கவசம் அணியாவிட்டால்

    ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST
  • ராஜஸ்தானி்ல் நாளை மாலை

    பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST
  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More India News