புதுமையான சுவையான அத்திப்பழ ஹல்வா...

 எவ்வளவோ வகையான அல்வாக்களை சுவைத்திருப்போம். ஆனால் இந்த அத்திப்பழ அல்வா மிகவும் புதுமையானது மற்றும் சுவை நிறைந்தது, பெண்களுக்கான ஒரே அல்வா இது தான். கர்ப்பபை சம்மந்தமான நோய்களை விரட்டியடிக்கும் குணம் இந்த பழத்திற்கு உண்டு.

தேவையான பொருட்கள்:

பால் - 1 ½ லிட்டர்

அத்திப்பழம் - 150 கிராம்

பேரீச்சம் பழம் - 3

நெய் - 150 கிராம்

சீனி - 400 கிராம்

பாதாம் - 100 கிராம்

முந்திரி - 100 கிராம்

பிஸ்தா - 25 கிராம்

செய்முறை:

மேலே குறிப்பிட்டுள்ள தேவையான பொருட்கள் அனைத்தையும் தயாராக எடுத்து வைத்துக்கொள்ளவும். பாதாம், முந்திரி, பிஸ்தா ஆகியவற்றை இரு பாதியாக பிரித்து வைத்துக் கொள்ளவும். மறுபாதி பருப்புகளை நீளவாக்கில் நறுக்கி வைக்கவும்.

பாலை ஒரு நாண் ஸ்டிக் பாத்திரத்தில் ஊற்றி காய்ச்சவும்.

அத்திப்பழம், பேரீச்சம் பழத்தை சிறிய துண்டுகளாக நறுக்கி காய்ச்சிய பாலில் அரை மணி நேரம் ஊற வைக்கவும்.

ஊற வைத்த பழங்களை மிக்ஸியில் போட்டு விழுதாக அரைத்து பாலில் கலந்து நன்கு காய்ச்சவும்.

பால் கொதித்து நன்கு வற்றி வரும் போது சீனியை சேர்த்து கிளறி விடவும்.

பிறகு பொடியாக நறுக்கி வைத்திருக்கும் பருப்புகளை சேர்த்து கிளறவும்.

நல்ல கெட்டியாக வரும்போது தீயை மிதமாக வைத்து நெய்யை சேர்த்து கிளறி விடவும்.

அல்வா நன்கு கெட்டியாக சுருண்டு வரும்போது நீளவாக்கில் நறுக்கிய பருப்புகளில் சிறிதை சேர்த்து கிளறி இறக்கவும்.

பின் ஒரு டப்பாவில் நெய் தடவி அதில் அல்வாவை கொட்டி பரப்பி விடவும். மேலே மீதமிருக்கும் பருப்புகளை தூவி அலங்கரிக்கவும். சுவையான, சத்தான அத்திப்பழ அல்வா தயார்..

சில்வர் லீவ்ஸ் பேப்பர் இருந்தாலும் மேலே வைத்து அலங்கரிக்கலாம். நெய் சேர்த்த பின்னர் மேலே தெரிக்கும் கவனமாக கிளறவும். தீயை மிதமானதாக வைத்தே செய்யவும். அடிக்கடி அடியில் பிடித்துவிடாமல் கிளறி விடவும்.