அவைக்கு வராத அமைச்சர்கள் கடும் கோபத்தில் பிரதமர் மோடி

by எஸ். எம். கணபதி, Jul 16, 2019, 14:39 PM IST

‘நாடாளுமன்றத்திற்கு வராமல் டிமிக்கி கொடுக்கும் அமைச்சர்கள் யார், யார்? இன்றே பட்டியல் கொடுங்கள்...’’ என்று பாஜக நாடாளுமன்ற உறுப்பினர்கள் கூட்டத்தில் தனது கோபத்தை வெளிப்படுத்தினார் பிரதமர் மோடி.

பிரதமர் மோடியின் முதல் முறை ஆட்சியின் போது அவரே நாடாளுமன்றத்திற்கு பல நாட்கள் வந்ததில்லை. காரணம், வெளிநாடுகளுக்கு அடிக்கடி பயணம் சென்று விட்டதுதான். அதனால், அமைச்சர்களும், பாஜக எம்.பி.க்களும் கூட பல நாட்கள் ஆப்சென்ட் ஆவதுண்டு. ஆனால், இந்த முறை பிரதமர் மோடி பதவியேற்றது முதல் நாடாளுமன்றத்திற்கு முக்கியத்துவம் அளித்து வருகிறார். நாடாளுமன்ற உறுப்பினர்களை, பெண் உறுப்பினர்கள், தாழ்த்தப்பட்ட, பழங்குடியின உறுப்பினர்கள் என்று பல குழுக்களாக பிரித்து அவர்களை காலை உணவுக்கு அழைத்து அவர்களின் கருத்துக்களை கேட்டறிந்தார்.

மேலும், இம்மாதம் 2ம் தேதியன்று பாஜக நாடாளுமன்ற உறுப்பினர்கள் கூட்டத்தில் மோடி பேசும் போது, ‘‘ஆளும்கட்சி உறுப்பினர்கள் அனைவருமே கண்டிப்பாக நாடாளுமன்ற நடவடிக்கைகளில் முழுமையாக பங்கேற்க வேண்டும். அவையை எந்த நேரத்திலும் புறக்கணிக்கக் கூடாது. அவைக்கு வராதவர்கள் மீது கட்சி கடுமையாக நடவடிக்கை எடுக்கும்’’ என்று எச்சரிக்கை விடுத்தார்.

ஆனால், அதன்பின்பும் மத்திய அமைச்சர்கள் உள்பட பாஜக எம்.பி.க்கள் பலரும் அவைக்கு சரியாக வருவதில்லை. வந்தாலும் சிறிது நேரம் மட்டும் இருந்து விட்டு வெளியேறி விடுகிறார்களாம். கேள்விகளுக்கு பதிலளிக்கக் கூட அமைச்சர்கள் இருப்பதில்லை என்று எதிர்க்கட்சிகளின் தரப்பில் இருந்து பிரதமருக்கு புகாரும் சென்றிருக்கிறது.

இ்ந்நிலையில், இன்று(ஜூலை 16) காலை நாடாளுமன்ற நூலக கட்டடத்தில் பாஜக எம்.பி.க்கள் கூட்டம் நடைபெற்றது. அதில் பேசிய பிரதமர் மோடி, ‘‘நான் பல முறை எச்சரித்தும் அமைச்சர்கள் சிலர் சரியாக அவைக்கு வருவதில்லை என்று தகவல் வருகிறது.

நான் உறுப்பினர்களின் வருகைப் பதிவேடு, பேச்சுகள், குறுக்கீடுகள் என்று எல்லாவற்றையும் பார்த்து வருகிறேன். எந்தெந்த அமைச்சர்கள் அவைக்கு எத்தனை நாள் வரவில்லை என்ற பட்டியலை இன்று மாலையே என்னிடம் கொடுங்கள். அதற்கு சரியான நடவடிக்கை எடுக்கப்படும்’’ என்று கோபமாக பேசியுள்ளார். அதனால், இம்முறை சரியாக செயல்படாத அமைச்சர்கள், அமைச்சரவையில் இருந்து கழட்டி விடவும் பிரதமர் தயங்க மாட்டார் என்று பாஜக வட்டாரங்களில் பேசப்படுகிறது.

போராடிய இந்திய அணிக்கு மோடி, ராகுல் பாராட்டு


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST