கர்நாடக சட்டசபைக்கு வராத முதல்வர் மற்றும் ஆளும் கட்சி எம்எல்ஏக்கள் சபாநாயகர் கோபம்

by Nagaraj, Jul 23, 2019, 14:54 PM IST

கர்நாடக சட்டப்பேரவையில் இன்று மாலை 6 மணிக்குள் நம்பிக்கை வாக்கெடுப்பு நடைபெற உள்ள நிலையில் முதல்வர் குமாரசாமி மற்றும் முக்கிய அமைச்சர்கள் உள்ளிட்ட பெரும்பாலான ஆளும் கட்சி எம்எல்ஏக்கள் இன்று சட்டசபைக்கு வரவில்லை.ஆளும் கட்சி தரப்பில் இருக்கைகள் காலியாக கிடப்பதைப் பார்த்த சபாநாயகர் கோபமடைந்து எச்சரிக்கை விடுத்ததால் பரபரப்பு ஏற்பட்டது.

கர்நாடக அரசியல் நெருக்கடிக்கு இன்று மாலை முடிவு எட்டப்படும் என்பது உறுதியாகிவிட்டது. ஆட்சியைக் காப்பாற்ற முதல்வர் குமாரசாமியும், காங்கிரஸ் தலைவர்களும் மேற்கொண்ட பகீரத முயற்சிகள் அனைத்துமே தோல்வியில் முடிந்து விட்டன. நம்பிக்கை தீர்மானம் கொண்டு வந்து விட்டு, வாக்கெடுப்பு நடத்துவதை 3 நாட்களாக, ஏதேதோ சாக்கு போக்கு கூறியும், நாடகம் நடத்தியும் காலம் தாழ்த்தி விட்டது குமாரசாமி தரப்பு.

மும்பையில் தங்கியுள்ள அதிருப்தி எம்எல்ஏக்களை பெங்களூரு வரவழைத்து, சமாதானப்படுத்தி விடலாம் என்ற எண்ணமும் கைகூடாமல் போய்விட்டது. இன்று நேரில் ஆஜராக வேண்டும் என சபாநாயகர் அனுப்பிய சம்மனுக்கும், ஆஜராகாமல் பதில் கடிதம் அனுப்பி விட்டு தப்பித்துக் கொண்டனர்.

இந்நிலையில் இன்று மாலை 6 மணிக்குள் நம்பிக்கை வாக்கெடுப்பு நடத்த முழு ஒத்துதைப்பு தருவதாக முதல்வர் குமாரசாமி, துணை முதல்வர் பரமேஸ்வரா, அமைச்சர் டி.கே.சிவக்குமார், காங்கிரஸ் குழுத்தலைவர் சித்தராமய்யா ஆகியோர் உறுதி அளித்தனர். இதனாலேயே நேற்று நள்ளிரவு 11.45 மணிக்கு சட்டப் பேரவையை ஒத்தி வைக்க சபாநாயகர் சம்மதித்தார்.

இந்நிலையில் இன்று காலை சட்டப்பேரவை கூடிய போது, பாஜக எம்எல்ஏக்கள் அனைவரும் ஆஜராகி விட்டனர். ஆனால் ஆளும் கட்சித் தரப்பில் அமைச்சர் பிரியங்க் கார்கேவும் ஒரு சில எம்எல்ஏக்கள் மட்டுமே இருந்தனர். நம்பிக்கை தீர்மானத்தின் மீது பேச வேண்டிய முதல்வர் குமாரசாமி, துணை முதல்வர் பரமேஸ்வரா, காங்கிரஸ் கட்சியின் சித்தராமய்யா, டி.கே.சிவக்குமார் உள்ளிட்டோரும், எம்எல்ஏக்கள் பெரும்பாலானோரும் சட்டசபைக்கு வரவில்லை.

இருக்கைகள் காலியாக இருப்பதைக் கண்ட சபாநாயகர் ரமேஷ்குமார் கோபமடைந்தார். அமைச்சர் பிரியங்க் பார்த்து, இது இந்த சட்டசபையின் தலைவிதியா?என்னுடைய தலை விதியா? என்று கேள்வி எழுப்பியதுடன், ஒட்டு மொத்த மதிப்பையும் இழந்து விட்டீர்கள் என்று அதிருப்தி தெரிவித்தார்.

பாஜக தலைவர் எடியூரப்பா உள்ளிட்டோரும், முதல்வரின் செயல் வெட்கக்கேடானது. அவர் நடத்தும் நாடகங்களை ஒட்டுமொத்த கன்னட மக்களும் பார்த்துக் கொண்டுள்ளனர் என்று சாடினர். பாஜகவின் ஜெகதீர் ஷட்டர் கூறுகையில், முதல்வர் குமாரசாமி பதவி பறிபோகும் நேரத்தில், அவசர அவசர முக்கிய பைல்களில் கையெழுத்துப் போட்டுக் கொண்டுள்ளார் என்று குற்றம் சாட்டினார்.

அதிருப்தி எம்எல்ஏக்கள் நேரில் ஆஜராகணும்; கர்நாடக சபாநாயகரின் அடுத்த அதிரடி


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST