சாப்பிடத்தூண்டும் பீட்ரூட் கட்லெட்..

சிறியவர்கள் முதல் பெரியவர்கள் வரை அனைவரும் பிடித்து சாப்பிடும் பீட்ரூட் கட்லெட் எப்படி செய்றதுன்னு பார்ப்போமா..

சமைக்க தேவையானவை

 பீட்ரூட் - 2 வாழைக்காய் - ஒன்று வெங்காயம் - ஒன்று தனியா தூள் - கால் தேக்கரண்டி மஞ்சள் தூள் - 1/8 தேக்கரண்டி ஆம்சூர் பொடி - கால் தேக்கரண்டி ப்ரெட் க்ரம்ப்ஸ் - அரை கப் மிளகாய் தூள் - அரை தேக்கரண்டி சீரக தூள் - கால் தேக்கரண்டி கரம் மசாலா தூள் - அரை தேக்கரண்டி இஞ்சி - ஒரு தேக்கரண்டி பூண்டு - 6 பல் கொத்தமல்லி - சிறிதளவு உப்பு - தேவையான அளவு எண்ணெய் - தேவையான அளவு

உணவு செய்முறை

முதலில் வாழைக்காயை தோலுடன் வேக வைத்து எடுக்கவும். முக்கால் வேக்காடாக இருந்தால் போதுமானது. ரொம்பவும் குழைவாக வேக வைக்க வேண்டாம். ஆறியபின் தோலுரித்து உதிர்த்து வைக்கவும். பீட்ரூட்டை துருவி வைக்கவும்

இஞ்சி பூண்டை நசுக்கி வைக்கவும். வெங்காயத்தை பொடியாக நறுக்கி வைக்கவும். சிறிதளவு எண்ணெய் விட்டு காய்ந்ததும் இஞ்சி பூண்டு சேர்த்து சிவக்க வதக்கவும். பிறகு வெங்காயம் சேர்த்து பொன்னிறமாகும் வரை வதக்கவும்.

இப்பொழுது துருவி வைத்துள்ள பீட்ரூட்டை சேர்த்து இரண்டு நிமிடம் வதக்கவும். இரண்டு நிமிடம் வதக்கிய பின்னர் எல்லா தூள் வகைகள் மற்றும் உப்பு சேர்த்து வதக்கவும். ஐந்து நிமிடம் வதக்கி, வேக வைத்து உதிர்த்த காயை சேர்த்து அடுப்பை அணைக்கவும்.

ஆறியபின் அதனுடன் ப்ரெட் க்ரம்ப்ஸ், கொத்தமல்லி சேர்த்து நன்றாக பிசைந்து தேவையான வடிவத்தில் தட்டி வைக்கவும். ஒரு பேனில் இரண்டு தேக்கரண்டி எண்ணெய் ஊற்றி கட்லெட்டை வைத்து மூன்று நிமிடம் ஒவ்வொரு பக்கமும் மிதமான தீயில் வேக விடவும். திருப்பி போடும் போது ஒரு தேக்கரண்டி எண்ணெய் ஊற்றவும். எண்ணெயை பரவலாக அதன் மேல் ஊற்றவும். சுவையான பீட்ரூட் கட்லெட் தயார்.

மேலும் பல செய்திகளுக்கு - thesubeditor.com

You'r reading சாப்பிடத்தூண்டும் பீட்ரூட் கட்லெட்.. Originally posted on The Subeditor Tamil