தூத்துக்குடியில் கனிமொழி தங்கியிருக்கும் வீட்டில் ஐடி ரெய்டு!

by Sasitharan, Apr 16, 2019, 21:31 PM IST

தூத்துக்குடியில் திமுக சார்பில் போட்டியிடும் கனிமொழி தங்கியிருக்கும் வீட்டில் ஐடி ரெய்டு நடந்து வருகிறது.

தூத்துக்குடி நாடாளுமன்றத் தொகுதியில் தி.மு.க சார்பாகக் கனிமொழி, பா.ஜ சார்பாகக் தமிழிசை சௌந்தரராஜன் ஆகியோர் போட்டியிடுகிறார்கள். ஆளுமை மிகுந்த இரு பெண் தலைவர்கள் களம் இறங்கியிருக்கும் தூத்துக்குடி தொகுதியில் இரு முனைப்போட்டி கடுமையாக இருக்கிறது. ஸ்டெர்லைட் துப்பாகிச்சூட்டில் 13 அப்பாவி உயிர்கள் பலியான விவகாரம், தாது மணல் கொள்ளை, தாமிரபரணி நதி நீர் பிரச்னை, தீப்பெட்டித் தொழிலாளர்களின் ஊதிய உயர்வு சிக்கல், உப்பளத் தொழிலாளர் மற்றும் மீனவர் பிரச்னை என இடியாப்பச் சிக்கல்கள் மிகுந்த இந்தத் தொகுதியில் வெற்றிக்காகக் கனிமொழியும் தமிழிசையும் கடுமையாகப் போராடி வருகிறார்கள்.

இதற்கிடையே இன்றுபிரசாரத்தை நிறைவு செய்த பின் தூத்துக்குடியில் அவர் தங்கியிருக்கும் குறிஞ்சி நகர் வீட்டுக்கு வருகை தந்தார். அப்போது அங்கு இரண்டு கார்களில் வந்த 10க்கும் மேற்பட்ட வருமான வரித்துறை அதிகாரிகள் கனிமொழியின் வீட்டில் சோதனை நடத்தினர். தற்போது வரைக்கும் இந்த சோதனை நடந்து வருகிறது. வீட்டில் உள்ள பணியாளர்களை வெளியேற்றிய அதிகாரிகள் தீவிர சோதனையில் ஈடுபட்டுள்ளனர்.

தூத்துக்குடியில் தொகுதியில் போட்டியிடுவதற்கு ஏதுவாக குறிஞ்சி நகர் பகுதியில் ஒரு வீட்டை வாடகை எடுத்திருந்தார் கனிமொழி. இந்த இல்லம் தூத்துக்குடியைச் சேர்ந்த தொழிலதிபருக்கு சொந்தமானது. இங்கு தான் அவரது அலுவலகமும் செயல்பட்டு வந்தது. இதற்கிடையே, வருமான வரித்துறை அதிகாரிகளின் திடீர் சோதனையால் கனிமொழியின் இல்லம் முன்பு தூத்துக்குடி திமுக எம்எல்ஏ கீதா ஜீவன் உள்ளிட்ட ஏரளமான கட்சி பிரமுகர்கள் திரண்டுள்ளனர். அவர்கள் மோடி அரசுக்கு எதிராகவும், பாஜகவுக்கு எதிராகவும் கோஷங்களை எழுப்பி வருகின்றனர். தொடர்ந்து தொண்டர்களின் வருகை அதிகரித்துள்ளதால் அங்கு தற்போது பதற்றம் நிலவி வருகிறது.


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST