கவுன்சிலராக கூட கமல் ஆக முடியாது! அமைச்சர் மீண்டும் எரிச்சல்!!

by எஸ். எம். கணபதி, May 17, 2019, 10:33 AM IST

கவுன்சிலர் தேர்தலில் கூட கமல் ஜெயிக்க மாட்டார் என்று அமைச்சர் ராஜேந்திர பாலாஜி மீண்டும் சாடியுள்ளார்.

மக்கள் நீதிமய்யம் தலைவர் கமல்ஹாசன் தனது பிரச்சாரத்தின் போது, ‘‘சுதந்திர இந்தியாவின் முதல் தீவிரவாதி இந்து தீவிரவாதி. அது காந்தியை கொன்ற நாதுராம் கோட்சே’’ என்று பேசியது பெரும் சர்ச்சையை ஏற்படுத்தியது. கமல் பேச்சைக் கேட்டு, பா.ஜ.க.வினரையும் விட அதிகமாக உணர்ச்சிவசப்பட்ட அ.தி.மு.க. அமைச்சர் ராஜேந்திர பாலாஜி, ‘கமல் நாக்கை அறுக்க வேண்டும்’ என்று குறிப்பிடவே, அது இன்னும் பரபரப்பை ஏற்படுத்தியது. அமைச்சர் மீது நடவடிக்கை எடுக்க வேண்டும் என்று மக்கள் நீதிமய்யம் சார்பில் தலைமை தேர்தல் அதிகாரியிடம் புகார் அளிக்கப்பட்டுள்ளது.

இந்நிலையில், கமல் தான் பேசியது சரித்திர உண்மை என்று மீண்டும் பேசியிருக்கிறார். இதற்கு பதிலளித்து அமைச்சர் ராஜேந்திர பாலாஜியும் விமர்சனம் செய்திருக்கிறார். அவர் நேற்று தூத்துக்குடியில் தனியார் டி.வி.க்கு அளித்த பேட்டியில் கூறியதாவது:-

கமல், சரித்திர உண்மையை சொல்கிறேன் என்று கூறி, தரித்திரத்தை விலைக்கு வாங்கி வருகிறார். சுதந்திர இந்தியாவின் முதல் தீவிரவாதி ஒரு இந்து என்று சொல்வது சரித்திர உண்மையா?

அதற்கு முன்பு நடந்த சம்பவங்கள் பல உள்ளன. அதற்குள் யாரும் போக வேண்டாம். அதனை பற்றி பேசிக் கொண்டு இருந்தால் மதநல்லிணக்கத்துக்கு ஊறு விளைவிக்கும்.

முஸ்லிம் ஓட்டுக்களை வாங்குவதற்காக கமல் இப்படி பேசுகிறார். இதே கமல், அவரது விஸ்வரூபம் படத்தில் முஸ்லிம்களை எப்படி சித்தரித்தார் என்பது எல்லோருக்குமே தெரியும். அப்போது முதல்வர் ஜெயலலிதா, முஸ்லிம் மக்களின் கோரிக்கையை ஏற்று, அந்த படத்தில் பல்வேறு காட்சிகளை அகற்றி திரையிட வைத்தார். ஆனால், இப்போது அந்த முஸ்லிம்களின் ஓட்டுக்காக, இந்துக்களை தீவிரவாதியாக குறிப்பிட்டு கமல் பேசுகிறார். இதனை மக்கள் மன்னிக்க மாட்டார்கள்.

இப்போதும், உண்மை கசக்கத்தான் செய்யும் என்று கமல் பேசுவது, அவர் மீண்டும் விஷத்தை கக்குகிறார் என்றுதான் பொருள். அவர் அரசியலில் ஒரு கத்துக்குட்டி. அவரால் கவுன்சிலர் தேர்தலில்கூட ஜெயிக்க முடியாது. இதுபோன்று எடக்கு மடக்காக பேசுகிறவர்களுக்கு மக்கள் வாக்களிக்க மாட்டார்கள்.

இவ்வாறு ராஜேந்திர பாலாஜி கூறியுள்ளார்.

வழக்கு மேல் வழக்கு போட்டாலும் ..? கமலின் நிலைப்பாட்டில் உறுதி..! மக்கள் நீதி மய்யம் திட்டவட்டம்


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST