சிறையிலிருந்து விடுதலையான வழக்கறிஞர் நந்தினிக்கு கல்யாணம்

by Nagaraj, Jul 10, 2019, 22:44 PM IST

மதுவுக்கு எதிராக போராடிவரும் வழக்கறிஞர் நந்தினி சிறையிலிருந்து ஜாமீனில் வெளியான நிலையில், இன்று அவருடைய நண்பர் குணாவை திருமணம் செய்து கொண்டார்.

மாணவப் பருவத்தில் இருந்தே சமூக அக்கறை கொண்டிருந்தவர் மதுரை நந்தினி. சட்டக் கல்லூரியில் படிக்கும் போது தனது தந்தை ஆனந்த் துணையுடன் மதுவிலக்கு கோரி, டாஸ்மாக் கடைகளுக்கு எதிராக தன்னந்தனி ஆளாக போராடியவர்தான் சட்டக்கல்லூரி மாணவி நந்தினி. தான் நடத்திய பல்வேறு போராட்டம் காரணமாக 50-க்கும் மேற்பட்ட முறை கைது செய்யப்பட்டு சிறை சென்றார் நந்தினி. இதனால் சட்டக் கல்லுரி மாணவி நந்தினி என்ற பெயர் தமிழகம் முழுவதும் பிரபலமானது.

நந்தினி இப்போது சட்டப்படிப்பை முடித்து வழக்கறிஞர் ஆகிவிட்டார். ஆனாலும் மதுவுக்கு எதிரான போராட்டத்தை கைவிட வில்லை. இந்நிலையில் நந்தினிக்கும் அவருடைய குடும்ப நண்பர் குணா என்பவருக்கும் கடந்த 5-ந் தேதி திருமணம் நடைபெறுவதாக இருந்தது. இதற்கான அழைப்பிதழ்களும் அச்சடிக்கப்பட்டு விநியோகம் செய்யப் பட்டிருந்தது. ஆனால் போராளிகளின் வாழ்க்கைதான் நிம்மதியாக இருக்காது என்பதற்கு நந்தினியின் வாழ்க்கையிலும் உண்மையாகிவிட்டது.

கடந்த 2014-ல் சிவகங்கை மாவட்டம், திருப்பத்தூரில் நடந்த மது எதிர்ப்பு போராட்டத்தில், போலீசாரை பணி செய்ய விடாமல் தடுத்ததாக நந்தினி மற்றும் அவரது தந்தை ஆனந்தன் மீது வழக்குப்பதிவு செய்யப்பட்டிருந்தது. இந்த வழக்கு விசாரணை கடந்த மாதம் 25-ந் தேதி திருப்பத்தூர் கோர்ட்டுக்கு வந்தது. அப்போது நீதிபதியிடம், அரசாங்கமே டாஸ்மாக் கடையில் மது விற்பது குறித்து கேள்வி எழுப்பினார் நந்தினி. டாஸ்மாக் சரக்கு உணவுப் பொருளா? போதைப் பொருளா? என்று நீதிபதியிடம் கேள்வி எழுப்பியதற்காக நந்தினி மற்றும் அவரது தந்தை மீது கோர்ட்டு அவமதிப்பு வழக்குப் பாய்ந்து, 2 பேரும் மதுரை மத்திய, சிறையில் அடைக்கப்பட்டனர். இதனால் நந்தினியின் திருமணம் திட்டமிட்டபடி கடந்த 5-ந் தேதி நடைபெறாமல் தடைபட்டது.

தனது செயலுக்கு மன்னிப்பு கடிதம் கொடுத்தால் விடுதலை கிடைக்கும் என்ற நிலையில், அதற்கு நந்தினி சம்மதிக்கவில்லை. தைரியமாக சிறைக்கு சென்ற நந்தினி, இன்னொரு தேதியில் நிச்சயம் திருமணம் நடக்கும் என்று உறுதியாக தெரிவித்திருந்தார். திருமணம் நிச்சயிக்கப்பட்ட நிலையில் நந்தினி சிறையில் அடைக்கப்பட்ட சம்பவம் தமிழகம் முழுவதும் சமூக ஆர்வலர்களிடையே கொந்தளிப்பை ஏற்படுத்தியது என்றே கூறலாம். நந்தினிக்கு ஆதரவாக சமூக வலைதளங்களில் பலரும் பதிவிட அது தமிழக அளவில் டிரென்ட் ஆனதும் குறிப்பிடத்தக்கது.

இந்நிலையில் 14 நாள் காவல் முடிந்து நந்தினியும், அவரது தந்தை ஆனந்தனும் நேற்று திருப்பத்தூர் கோர்ட்டில் ஆஜர்படுத்தப்பட்டனர். அப்போது அவர்களுக்கு ஜாமீன் கிடைத்தது. இதன்னால் மதுரை மத்திய சிறையில் இருந்து விடுதலையான கையோடு நந்தினி தனது நண்பர் குணாவை இன்று திருமணம் செய்து கொண்டுள்ளார்.

மதுரை அருகே உள்ள தென்னமநல்லூர் கிராமத்தில் உள்ள நந்தினி குடும்பத்தின் குலதெய்வ கோவிலில் திருமணம் எளிமையான முறையில் நடைபெற்றது. திருமணம் முடிந்த கையோடு நந்தினி கூறுகையில்,எங்களது திருமணம் எளிமையான முறையில் இனிதே நடைபெற்றதில் மிக்க மகிழ்ச்சி.

அநீதிக்கு எதிரான எங்கள் போராட்டத்துக்கு பல்வேறு வகையில் ஒத்துழைப்பும் ஆதரவும் அளித்து வரும் அனைவருக்கும் நன்றியை தெரிவித்துக் கொள்கிறோம். நேற்று இரவு சிறையில் இருந்து பிணையில் விடுவிக்கப்பட்டோம். ஏற்கனவே எங்களது திருமணத்தை நிறுத்திய இந்த அரசு மேலும் ஏதாவது தொல்லை கொடுக்கும். எல்லாவற்றையும் இனிமேல் மக்களுக்கு எதிராக எந்த திட்டத்தை கொண்டு வந்தாலும் என் கணவரோடு சேர்ந்து எங்கள் குடும்பமே அதை துணிவோடு எதிர்த்து போராடும். எங்களைப் போல் மேலும் பலர் உண்மைக்கு குரல் கொடுக்க முன்வருவார்கள் என்ற நம்பிக்கை இருக்கிறது. மதுவுக்கு எதிராக எங்கள் குடும்பமே இனி மிக தீவிரமாக போராடும் என்றார் நந்தினி.


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST