டிக்டாக் கணக்கு முடக்கப்படாமல் பயன்படுத்துவது எப்படி?

by SAM ASIR, Jul 10, 2019, 18:16 PM IST

நெறிமுறைகளை மீறிய பயனர்களின் கணக்குகளை டிக்டாக் சமூக ஊடக தளம் முடக்கியுள்ளது. டிக்டாக் நிறுவனத்தால் முடக்கப்பட்ட பயனர், தம் கணக்கினுள் நுழையவோ, பதிவேற்றம் செய்யவோ, ஏனைய பதிவுகளோடு தொடர்பு கொள்ளவோ இயலாது.

டிக்டாக் என்னும் வீடியோ பகிர்தளம் இந்தியாவில் குறுகிய காலத்திற்குத் தடை செய்யப்பட்டிருந்தது. அதுபோன்ற தடைகளை வேறு சில சந்தைகளிலும் டிக்டாக் எதிர்கொள்ள நேர்ந்தது. தற்போது இந்தியாவில் இடைக்கால தடை விலக்கப்பட்டிருக்கும் நிலையில் உள்ளடக்கத்திற்கான (content) குழுவை மாற்றியமைத்துள்ளதோடு, சில பாதுகாப்பு சிறப்பம்சங்களையும் டிக்டாக் நடைமுறைக்கு கொண்டு வந்துள்ளது.
இதுபோன்ற தடை செய்யப்படாமல் டிக்டாக் கணக்கினை பாதுகாப்பாக பயன்படுத்துவது எப்படி?

கிண்டல், வெறுப்பு மற்றும் துன்புறுத்தும் உள்ளடக்கம்: எந்த ஒரு தனி நபர் அல்லது குழுவினரை இனம், பாரம்பரியம், மதம், தேசிய இனம், பண்பாடு, மாற்றுத்திறன், பாலியல் தேர்வு, பாலினம், பாலின அடையாளம், வயது உள்ளிட்ட ஏதாவது ஒரு விதத்தில் துன்புறுத்தக்கூடிய பதிவுகளையிடுவோர் வழிகாட்டும் நெறிமுறைகளின் அடிப்படையில் தடை செய்யப்படுவர்.

நிர்வாணம் உள்ளிட்ட தீங்குவிளைவிக்கும் படங்கள்: டிக்டாக்கின் பயனர்கள், உலக அளவிலான டிக்டாக் சமுதாயத்தின் உறுப்பினராக இருப்பதினால், ஏனைய பயனர்களுக்கு தீங்கு விளைவிக்கக்கூடிய அல்லது அவர்கள் தங்களுக்குத் தாங்களே தீங்கு செய்திடும் வண்ணம் தூண்டக்கூடிய காரியங்களை பதிவேற்றம் செய்யக்கூடாது. அதுபோன்ற கிராபிக், பாலியல் மற்றும் அதிர்ச்சியூட்டக்கூடிய பதிவுகளை தவிர்க்க வேண்டும்.

குழந்தைகளுக்கு பாதிப்பு: குழந்தைகளை பாலியல் நோக்கில் குறைவைக்கும் அல்லது எவ்வகையிலாகிலும் ஆபத்தை விளைவிக்கக்கூடிய பொருளடங்கிய பதிவுகளை செய்வோர் சட்டப்பூர்வ நடவடிக்கைகளை எதிர்கொள்ள நேரிடும்.

ஆள்மாறாட்டம் மற்றும் அறிவுசார்சொத்துரிமை மீறல்: தவறாக வழிநடத்தும் அல்லது வர்த்தக குறியீடு, காப்புரிமை உள்ளிட்ட அறிவுசார் சொத்துரிமை சட்டங்களை மீறக்கூடிய மற்றும் ஆள்மாறாட்டம் செய்யக்கூடிய பதிவுகளை டிக்டாக்கில் செய்யக்கூடாது. அப்படிச் செய்யும் பயனரின் கணக்கு முடக்கப்படும்.

உரிய விதத்தில் கவனமாக பதிவுகளை செய்தால் எந்த பிரச்னையும் எழாது.

READ MORE ABOUT :

Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST