ஆவின் பால் இன்று முதல் ரூ.6 உயர்வு டீ, காபி விலையும் அதிகரிப்பு

by Nagaraj, Aug 19, 2019, 09:26 AM IST

தமிழக அரசு,ஆவின் பால் விலையை லிட்டருக்கு 6 ரூபாய் அதிகரித்துள்ளது. உற்பத்தியாளர்களிடம் இருந்து கொள்முதல் செய்யப்படும் பசும்பாலுக்கு ரூ.4-ம், எருமைப்பாலுக்கு ரூ 6 -ம் அதிகரித்து விட்டு, பொதுமக்களுக்கு விநியோகிக்கும் பாக்கெட் பாலின் விலையை ஒரேயடியாக லிட்டருக்கு 6 ரூபாய் அதிகரித்துள்ளது. இந்த விலை உயர்வுக்கு பொது மக்களிடம் கடும் அதிருப்தி நிலவுகிறது. திமுக உள்ளிட்ட எதிர்க்கட்சிகளும் கடும் கண்டனம் தெரிவித்ததுடன், அரசின் நிலைப்பாட்டையும் கடுமையாக விமர்சித்துள்ளன.

ஆனால், தமிழக முதல்வர் எடப்பாடி பழனிசாமியும், பால்வளத் துறை அமைச்சர் ராஜேந்திர பாலாஜியும் மற்ற அமைச்சர்களும் பால் விலை உயர்வை நியாயப்படுத்தியுள்ளனர். முதல்வர் எடப்பாடி பழனிசாமி கூறுகையில், பால் கூட்டுறவு சங்கங்கள் நஷ்டத்தில் இயங்குகின்றன. கால்நடை தீவனம் உள்ளிட்டவற்றின் விலை உயர்வால் பால் உற்பத்தி செலவு அதிகரித்து விட்டது.டீசல் விலை உயர்வால், பால் கொண்டு செல்லும் செலவும் அதிகரித்து விட்டது. உற்பத்தியாளர்களின் நலன் கருதியே விலை உயர்த்தப்பட்டது. ஏற்கனவே சட்டப்பேரவையில் அறிவித்தபடி தான் விலை உயர்வு அதிகரிக்கப்பட்டுள்ளது என்று தெரிவித்துள்ளார்.

அமைச்சர் ராஜேந்திர பாலாஜியோ, அனைத்து பொருட்களின் விலைவாசி கூடி விட்டது. இதனால் பாலின் விலையும் கூடுகிறது. இதனை மக்கள் பொறுத்துத்தான் ஆக வேண்டும் என்று கூறியிருந்தார். கூட்டுறவு அமைச்சர் செல்லூர் ராஜூவோ, பால் விலை உயர்வால் யாருக்கும் துன்பம் இல்லை. இதனால் அனைவரும் ஏற்றுக் கொள்வார்கள் என்று கூறியுள்ளார்.

இந்நிலையில் தமிழக அரசின் அறிவிப்பைத் தொடர்ந்து, ஆவின் பால் விலை உயர்வு இன்று முதல் நடைமுறைக்கு வந்துள்ளது. பாலின் விலை உயர்வால், சாதாரண சிறு, நடுத்தர டீக்கடை உரிமையாளர்களும் பாதிப்புக்கு ஆளாகியுள்ளனர். ஏற்கனவே டீக்கடை வியாபாரம் மந்தமாக உள்ள நிலையில், பால் விலை உயர்வால் டீ, காபி விலையை ரூ.2 வரை உயர்த்த வேண்டிய கட்டாயம் உள்ளது. இனால் வியாபாரம் மேலும் பாதிக்கத்தான் செய்யும் என்று அதிருப்தி தெரிவித்துள்ளனர். இதே போல் பாலை பயன்படுத்தி உற்பத்தி செய்யப்படும் இனிப்புகள் மற்றும் உணவுப் பண்டங்களின் விலையும் விர்ரென பறக்க வாய்ப்புள்ளது.

ஆவின் பால் விலை லிட்டருக்கு ரூ 6 உயர்வு ; தமிழக அரசு உத்தரவு


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST