ரஜினி அரசியலுக்கு மு.க.அழகிரி ஆதரவு.. கட்சியில் சேருவாரா?

by எஸ். எம். கணபதி, Nov 14, 2019, 14:08 PM IST

தமிழகத்தில் அரசியல் தலைமைக்கு வெற்றிடம் ஏற்பட்டுள்ளது என்று ரஜினி சொன்னது உண்மைதான் என மு.க.அழகிரி கூறியிருக்கிறார். அந்த இடத்தை ரஜினியே நிரப்புவார் என்றும் கூறியுள்ளார்.

திமுக தலைவர் கருணாநிதி இருந்த போது, பல்வேறு பிரச்னைகள் காரணமாக கட்சியில் இருந்து மு.க.அழகிரியை நீக்கினார். ஆனாலும் மு.க.அழகிரி அவ்வப்போது கருணாநிதியை சந்தித்து உடல்நலம் விசாரித்து வந்தார். கருணாநிதியைத் தவிர யாரையும் தலைவராக ஏற்க மாட்டேன் என்றும் கூறி வந்தார்.

கருணாநிதி மறைவுக்கு பிறகு திமுக தலைவராக மு.க.ஸ்டாலின் தேர்ந்தெடுக்கப்பட்டார். கட்சியினரும் அவரை முழுமனதாக ஏற்றுக் கொண்டு விட்டனர். இந்த நிலையில், அழகிரி மீண்டும் கட்சியில் சேருவதற்கு விருப்பம் தெரிவித்தார். ஆனால், அவரை ஸ்டாலின் ஏற்றுக் கொள்ளவில்லை. கருணாநிதி குடும்பத்தினர் கூட, அழகிரிக்கு ஆதரவாக பேசிப் பார்த்தும் ஸ்டாலின் மசியவே இல்லை. அழகிரியை சேர்த்தால் கட்சியில் கட்டுப்பாடு போய் விடும் என்பதில் உறுதியாக இருந்தார்.

அதன்பிறகு, கருணாநிதி மறைந்து ஓராண்டு முடிந்து நினைவு நாளில் மு.க.அழகிரி தனது ஆதரவாளர்களுடன் சென்னையில் பேரணி நடத்தி, கருணாநிதி சமாதியில் அஞ்சலி செலுத்தினார். அதன்பிறகு, திமுகவில் ஸ்டாலின் தலைமையை ஏற்றுக் கொள்வதாக பேட்டியளித்தார். ஆனாலும், ஸ்டாலின் அவரை கட்சியில் சேர்த்து கொள்ளாமல் மவுனம் சாதித்தார்.

இந்த சூழ்நிலையில், பாஜக தேசியச் செயலாளர் ஹெச்.ராஜாவின் இல்லத்திற்கு நேற்று(நவ.13) மு.க.அழகிரி சென்று அவரது மகள் திருமணத்திற்கு வாழ்த்து கூறிவிட்டு வந்தார். இதைத் தொடர்ந்து இன்று சென்னை வந்த மு.க.அழகிரி, விமான நிலையத்தில் நிருபர்களின் கேள்விகளுக்கு பதிலளித்தார்.

அப்போது அவர், தமிழகத்தில் ஆளுமைமிக்க தலைமைக்கு வெற்றிடம் இருப்பதாக ரஜினிகாந்த் சொல்லியிருக்கிறாரே என்று கேட்கப்பட்டது. அதற்கு அவர், ரஜினி சொன்னது உண்மைதான், அரசியல் தலைமைக்கு வெற்றிடம் இருக்கிறது என்றார். ரஜினி தொடங்கும் கட்சியில் நீங்கள் சேருவீர்களா? அவருக்கு ஆதரவு அளிப்பீர்களா? என்று நிருபர்கள் கேட்டதற்கு, அது பற்றி இப்போது எதுவும் சொல்ல முடியாது என்று பதிலளித்தார்.

பாஜக தேசிய செயலாளர் ஹெச்.ராஜாவை சந்தித்த பின்பு, ரஜினிக்கு ஆதரவாக அழகிரி பேசியுள்ளதால் தமிழக அரசியலில் மீண்டும் பரபரப்பு ஏற்பட்டுள்ளது.


Speed News

  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST
  • மகாராஷ்டிராவில் ஒரே நாளில்

    4878 பேருக்கு கொரோனா

    நாட்டிலேயே அதிகபட்சமாக மகாராஷ்டிராவில்தான் கொரோனா பாதித்துள்ளது. நேற்று ஒரே நாளில் 4878 பேருக்கு கொரோனா தொற்று உறுதி செய்யப்பட்டுள்ளது. இது வரை மொத்தம் ஒரு லட்ச்த்து 74,761 பேருக்கு கொரோனா பாதித்திருக்கிறது. இதில் 90,911 பேர் குணம் அடைந்துள்ளனர். இ்ம்மாநிலத்தில் 9 லட்சத்து 66,723 கொரோனா பரிசோதனைகள் செய்யப்பட்டுள்ளது.

    Jul 1, 2020, 13:43 PM IST
  • ராஜஸ்தானில் 18 ஆயிரம் பேருக்கு

    கொரோனா தொற்று பாதிப்பு

    ராஜஸ்தானில் முதல்வர் அசோக் கெலாட் தலைமையில் காங்கிரஸ் ஆட்சி நடைபெறுகிறது. இந்த மாநிலத்தில் நேற்று 354 பேருக்கு கொரோனா தொற்று பாதித்துள்ளது. இது வரை மொத்தம் 18,014 பேருக்கு கொரோனா தொற்று கண்டறியப்பட்டுள்ளது. இது வரை 413 பேர் கொரோனாவால் பலியாகியுள்ளனர். 

    ராஜஸ்தானில் இது வரை 8 லட்சத்து 24,213 கொரோனா பரிசோதனைகள் மேற்கொள்ளப்பட்டுள்ளன. இத்தனை சோதனைகளில் 18 ஆயிரம் பேருக்குத்தான் கொரோனா பரவியிருக்கிறது. ஆனால், தமிழ்நாட்டில் 11 லட்சம் பரிசோதனைகள் செய்ததில் 90 ஆயிரம் பேருக்கு கொரோனா பாதித்துள்ளது. அதே போல், தமிழகத்தில் கொரோனா பலியும் 1200 ஆக உள்ளது. 

    Jul 1, 2020, 13:40 PM IST
  • தந்தை, மகன் மரணம் குறித்த வழக்கு

    சி,பி.சி.ஐ.டி விசாரிக்க உத்தரவு

    சாத்தான்குளம் ஜெயராஜ், அவரது மகன் பென்னிக்ஸ் ஆகியோர் மர்ம மரணம் தொடர்பாக சி.பி.ஐ. விசாரணைக்கு தமிழக அரசு பரிந்துரைத்துள்ளது. இந்நிலையில், இது தொடர்பான வழக்கு மதுரை ஐகோர்ட் கிளையில் இன்று விசாரணைக்கு வந்தது. அப்போது, நீதிபதிகள் கூறுகையில், ‘‘இந்த 2 பேர் மரணம் தொடர்பான தடயங்களை மறைக்க வாய்ப்புள்ளதால்,  வழக்கை சி.பி.ஐ. விசாரிக்கத் தொடங்கும் வரை சி.பி.சி.ஐ.டி. விசாரிக்க வேண்டும்’’ என்று உத்தரவிட்டனர். 

    Jun 30, 2020, 13:33 PM IST